¹ Kekantaren ziarah. Ghenangenouw, eeh TUHAN, wia si Daud wo e reiy’ sa mina’asa em peme’itanna, ² kumura sia nu timiwa’ mola wia si TUHAN, minee mola e nazar wia Si Kasaente’ waki si Yakub: ³ “Eng kaulitna niaku ku reiy’ laa ghumorem witu eng gorem en dasing paena’angku, reiy’ laa ghumoleiy witu en tetekelan patekelangku, ⁴ eng kaulitna niaku ku reiy’ laa mayala em berenku tumekel ka’apa mayala em pepi’ipit em berenku tumekel re’erep, ⁵ i ka’ayo aku maka’ato tampa i wee si TUHAN, paena’an i wee Si Kasaente’ waki si Yakub.” ⁶ Memang nikita kita liminga mola en tanume ni’itu waki Efrata, minaka’ato mola nyi’a waki padang Yaar. ⁷ “Meiy kita mea waki paena’an-Na, mongkot sumempe witu kinontoiyan e nea-Na.” ⁸ Tumo’orouw, eeh TUHAN, wo mea mouw waki tampa paena’an-Nu, Nikoo ma’an en tabut kaente’an-Nu! ⁹ Ma’anouw se imam-imam-Mu se lumabungla eng kaulitan, wo merio-rio se tou-tou i koupus-Mula! ¹⁰ Eng karengan si Daud, hamba-Mu, te’a mouw Koo mesesede’ sitou ni’isu’-Mula! ¹¹ TUHAN si minapaloo’o-loo’o mola en tiwa’ kasa lale’ wia si Daud, Sia si reiy’ laa kumelongla nyi’a: “Siesa oki’ karengannu si laa-Ku i ruberla witu natas en takhtamu; ¹² sa seoki-oki’mu se tumiboiy witu en teta’arang-Ku, wo witu e natoran-natorang-Ku e neiy-Ku i turu’la wia nisea, takar se oki-oki’ nea eng keure-urena se laa rumuber witu en takhtamu.” ¹³ Karengan si TUHAN si minelengola en Sion, minepa’arla nyi’a minamuali tampa reruberan-Na: ¹⁴ ”Nyi’i mouw en tampa paena’ang-Ku eng keure-urena, wia nyi’i Niaku ku laa mena’, karengan Niaku ku mepa’arla nyi’a. ¹⁵ Em pewalunanna e laa-Ku berkaten ampit eng kalokonena, setou-touna miskin se laa-Ku wesun ampit e roti, ¹⁶ imam-imamna se laa-Ku pakean e labung kelawiran, wo se tou-touna lale’ se laa merio-rio ampit e melaya-laya’. ¹⁷ Mana mome Niaku ku laa mapatoula e nesa sunge i wee si Daud, Niaku ku laa sumadiala e nesa warung i wee se tou ni’isu’-Kula. ¹⁸ Kesaru-kesaruna se laa-Ku pakean e labung wuta e nirang, ta’an witu natas eng kokongna e laa sumerengat e mahkotana.”