¹ Kekantaren ziarah. Ma’aruiyola susur tou si meide’la si TUHAN, si matou-tou maki’it e lalan neiy i tudu’-Nala! ² Sakawisa koo kumaan e wua’na rinawoiy wineduan e lawasmu, ma’aruiyola nikoo wo le’osouw eng ka’ada’annu! ³ Tu’awewenemu si laa mamuali tanu nakana e nanggor sobor witu eng gorem em balemu; se oki-oki’mu se tanu en suru nakana en zaitun esa nga kaledong e mejamu! ⁴ Eng kaulitna en tuana mouw se laa berkaten se tou tuama se talo si TUHAN. ⁵ Satorona si TUHAN si merkati nikoo waki Sion, rio koo lumoo’ eng ka’aruiyan e Yerusalem esa nga umur em patou-touannu, ⁶ wo lumoo’ se oki-oki’ waki se oki-oki’mu! Dame sejahtera witu se Israel!