¹ Kekantaren ziarah ni Salomo. Sa wona’ e reiy’ si TUHAN si minangun em bale, e reiy’ mouw sipenoron em pine’inakut ne tou se mebangun nyi’a; sa wona’ e reiy si TUHAN si mekawal eng kota, e reiy’ mouw sipenoron se pengawal menayu-nayur. ² e reiy’ mouw sipenoron nikouw nu tumo’or memo’odope’ wo merube-ruber i ka’ayo kasa wengi, wo kumaan e roti eng kina’atoan ampit kasa pedis – karengan Nisia si maweela wia se i keupus-Nala witu e nedo timekel. ³ Eng kaulitna, se oki-oki’ tuama nyi’a mouw se kapunya’an pusaka ni TUHAN, wo e wu’ana eng gandongan nyi’a mouw e nesa tetoro. ⁴ Tanu se oki-oki’ em panah witu e lawas ni pahlawan, tuana mouw se oki-oki’ witu e masa muda. ⁵ Ma’aruiyola sitou simiwo mola minawuta e lulut em panahna ampit em baya e ni’itu. Nisia si reiy’ laa maka’ato e nirang, sakawisa sia sumusuiy ampit se kesaru-kesaru witu em pepalen leloangan.