¹ I yi’i mouw em baya ne imam wo se tou-tou Lewi se minae minarengi mewali-wali si Zerubabel bin Sealtiel wo si Yesua: si Seraya, Yeremia, Ezra, ² Amarya, Malukh, Hatus, ³ Sekhanya, Rehum, Meremot, ⁴ Ido, Ginetoi, Abia, ⁵ Miyamin, Maaja, Bilga, ⁶ Semaya, Yoyarib, Yeyada, ⁷ Salu, Amok Hilkia wo si Yedaya. Ni’itu mouw se kapala-kapala ne imam wo se patuari-patuari nea witu en zaman ni Yesua. ⁸ Waki se tou-tou Lewi: si Yesua, Binui, Kadmiel, Serebya, Yehuda wo si Matanya. Matanya i yi’i wo se patuari-patuarina se ma’aka-aka em pekantaran syukur, ⁹ kasuatan si Bakbukya wo si Uni wo se patuari-patuari nea se rimedeiy witu en sinaru nea i ti’i i ki’it e reok-reok e lukar. ¹⁰ Yesua si minapaurangla si Yoyakim, wo si Yoyakim si minapaurangla si Elyasib, wo si Elyasib si minapaurangla si Yoyada, ¹¹ wo si Yoyada si minapaurangla si Yonatan, wo si Yonatan si minapaurangla si Yadua. ¹² Witu en zaman ni Yoyakim se minamuali imam nyi’a mouw se kapala-kapala kaum ne me’urang i yi’i: si Meraya, waki se kaum ne me’urang ni Seraya, Hananya waki se kaum ne me’urang ni Yeremia, ¹³ Mesulam waki se kaum ne me’urang ni Ezra, Yohanan waki se kaum ne me’urang ni Amarya, ¹⁴ Yonatan waki se kaum ne me’urang ni Malikhu, Yusuf waki se kaum ne me’urang ni Sebanya, ¹⁵ Adna waki se kaum ne me’urang ni Harim, Helkai waki se kaum ne me’urang ni Merayot, ¹⁶ Zakharia waki se kaum ne me’urang ni Ido, Mesulam waki se kaum ne me’urang ni Gineton, ¹⁷ Zikri waki se kaum ne me’urang ni Abia, waki se kaum ne me’urang ni Minyamin, Piltai waki se kaum ne me’urang ni Moaja, ¹⁸ Samua waki se kaum ne me’urang ni Bilga, Yonatan waki se kaum ne me’urang ni Semaya, ¹⁹ Matnai waki se kaum ne me’urang ni Yoyarib, Uzi waki se kaum ne me’urang ni Yedaya, ²⁰ Kalai waki se kaum ne me’urang ni Salai, Heber waki se kaum ne me’urang ni Amok, ²¹ Hasabya waki se kaum ne me’urang ni Hilkia wo si Netaneel waki se kaum ne me’urang ni Yedaya. ²² Tanume se tou-tou Lewi, em baya se kapala kaum ne me’urang nea se neiy i kepatik witu en zaman ni Elyasib, si Yoyada, Yohanan wo si Yadua, kasuatan em baya ne imam se neiy i kepatik i ka’ayo em paperenta’an ni Darius, tou em Persia i ti’i. ²³ Kapala-kapala kaum ne me’urang ne oki-oki’ ni Lewi se neiy i kepatik witu eng kaol sejarah i ka’ayo en zaman ni Yohanan bin Elyasib. ²⁴ I yi’i mouw em baya ne kapala ne tou-tou Lewi: si Hasabya, Serebya, Yesua bin Kadmiel, wo se patuari-patuari nea se rimedeiy witu en sinaru nea kaa laa mekekantarla em puji-pujian wo en syukur minatoroan ampit em perenta ni Daud, abdi ni Empung i ti’i, reok witu esa nga weka reok. ²⁵ Si Matanya, Bakbukya, Obaja, Mesulam, Talmon wo si Akub nyi’a mouw se menaang-menaang witu em pepalen leloangan se matuanala petayuran witu eng godong-godong palekepan witu em pepalen-pepalen leloangan. ²⁶ Nisea i ti’i se matou-tou witu en zaman ni Yoyakim bin Yesua bin Yozadak wo witu en zaman ni kumbasar Nehemia wo ni imam Ezra, si kasa sigha’ eng kaol i ti’i. Tinahbisan em beton Yerusalem ²⁷ Witu en tinahbisan em beton Yerusalem se tou-tou Lewi se kinereti waki e reiy’ sa mina’asa tampa nea wo alin waki Yerusalem kaa laa mesesiwola em petetahbisan kasa rame ampit en totor syukur wo eng kidung, ampit en ceracap, gambus, wo eng kecapi. ²⁸ Takar merurouw se kaum kumekantar waki daerah kaledong Yerusalem, waki desa-desa ne tou e Netofa, ²⁹ waki Bet-Gilgal, waki padang Geba wo Asmawet, karengan em baya ne kumekantar i ti’i se rimedeiy mola wanua-wanua kaledong e Yerusalem. ³⁰ Em baya ne imam wo se tou-tou Lewi se limenasla en touna, laa o lumenasla se minapekasa umat i ti’i, wo eng kamurian em pepalen-pepalen leloangan wo em beton. ³¹ O laa niaku ku minepelaala em baya ne ma’aka-aka ne tou Yehuda lumongkot witu natas em beton wo kusumiwo se rua paduan suara kewangko’. Se esa se minateperan mea lele’os witu natas em beton mea waki matorome em pepalen leloangan Liwoka. ³² Witu e murina kumelangouw si Hosaya ampit se esa nga weteng waki em baya ne ma’aka-aka ne tou Yehuda, ³³ o kangkasi si Azarya, Ezra, Mesulam, ³⁴ Yehuda, Benyamin, Semaya wo si Yeremia, ³⁵ wo waki se kaum imam se timiboiy e nafiri: si Zakharia bin Yonatan bin Semaya bin Matanya bin Mikha bin Zakur bin Asaf, ³⁶ wo se patuari-patuarina, nyi’a i yi’i: si Semaya, Azareel, Milalai, Gilalai, Maai, Netaneel, Yehuda wo si Hanani ampit e legu’an-legu’an ni Daud, abdi ni Empung i ti’i, kasuatan si Ezra, si kasa sigha’ eng kaol i ti’i si makelang witu rerior nea. ³⁷ O laa witu em pepalen leloangan Kembu’an nisea se minapawee-wee limongkot e naran-naran eng kota Daud, witu e lalan penosoran beton, tumoro e istana ni Daud, wo kumelang i ka’ayo em pepalen leloangan Rano, waki esa nga weka sedangan. ³⁸ Wo se paduan suara karua se minateperan mea kawii wo niaku ku maki’itla nisea ampit se esa nga weteng waki se tou-tou i ti’i tumorola em beton wo em pewale Paapian i ka’ayo waki beton Penar. ³⁹ O laa keiy tumorola em pepalen leloangan Efraim, em pepalen leloangan Ure, em pepalen leloangan Sera’, em pewale Hananeel wo em pewale Mea i ka’ayo waki pepalen leloangan Domba. Nisea se minena’ witu em pepalen leloangan Petayuran. ⁴⁰ Kamurian se rua paduan suara i ti’i se rimedeiy witu em bale ni Empung. Tuanakan kangkasi niaku ku mewali-wali se esa nga weteng waki em baya ne makua-kuasa, ⁴¹ wo em baya ne imam, nyi’a i yi’i: si Elyakim, Maaseya, Minyamin, Mikha, Elyoenai, Zakharia, Hananya ampit timiboiy e nafiri, ⁴² wo si Maaseya, Semaya, Eleazar, Uzi, Yohanan, Malkia, Elam wo si Ezer. O laa em baya ne kumekantar se minapalingala eng kidung witu e wawa’ em pa’aka-aka’an ni Yizrahya. ⁴³ Witu e nendo ni’itu nisea se minapasempela en tetule ka’asa’an. Nisea se mepa’a-pa’ar karengan si Empung si mineela nisea e mekepa’aren kewangko’. O kangkasi se reiy’ sa mina’asa wewene wo se oki-oki’ se mepa’a-pa’ar, i ka’ayo eng kepa’aran e Yerusalem eng kinalinga’an i ka’ayo wa’akat. Neram em patou-touan i wee em baya ne imam wo se tou-tou Lewi ⁴⁴ Witu e masa ni’itu se pirala tou se pinopo kaa laa metetegha’la e ruragh-ruragh penu’utu-nu’utulan, e ruragh-ruragh i wee en sesempe wuntul, i wee em bua’na kasa ketare-tare wo i wee en sesempe pa’esa nga mapulu’an, rio en sesawang kimi’it e nukum e minamuali weteng em baya ne imam wo ne tou-tou Lewi e nerurela witu e ruragh-ruragh i ti’i minatoroan ampit em penguma’an susur eng kota. Karengan e Yehuda e mepa’a-pa’ar karengan em baya ne imam wo se tou-tou Lewi se malukar. ⁴⁵ Karengan nisea mouw se matuanala e lukar pelayanan i wee si Empung nea wo e lukar palenasan, tunakan kangkasi em baya ne kumekantar wo em baya ne menaang witu em pepalen leloangan, minatoroan ampit em perenta ni Daud wo ni Salomo, oki’na. ⁴⁶ Karengan e rengane’ eng ketareanna, witu en zaman ni Daud wo ni Asaf, wawean se ma’aka-aka – ma’aka-aka ne kumekantar, wawean kekantaren puji’an wo eng kekantaren syukur i wee si Empung. ⁴⁷ Witu en zaman ni Zerubabel wo ni Nehemia em baya ne tou Israel se mineela sesawang i wee em baya se kumekantar wo em baya ne menaang witu em pepalen leloangan sakadar em pemadungen susur nendo wo mapasempela en sesempe kudus wia se tou-tou Lewi. Wo se tou-tou Lewi se minapasempela en sesempe kudus wia se oki-oki’ ni Harun. Kelale’an ni Nehemia witu e nukum