¹ Se mineela wa’il nyi’a mouw: si kapala daerah Nehemia bin Hakhalya, Zedekia, ² Seraya, Azarya, Yeremia, ³ Pasyur, Amarya, Malkia, ⁴ Hatus, Sebanya, Malukh, ⁵ Harim, Meremot, Obaja, ⁶ Daniel, Gineton, Barukh, ⁷ Mesulam, Abia, Miyamin, ⁸ Maazya, Bigai wo si Semaya. Ni’itu mouw em baya ne imam. ⁹ Kasuatan waki se tou-tou Lewi: si Yesua bin Azanya, Binui, siesa tou waki elet ne oki-oki’ ni Henadad, Kadmiel. ¹⁰ Wo se patuari-patuari nea, nyi’a i yi’i: si Sebanya, Hodia, Kelita, Pelaya, Hanan, ¹¹ Mikha, Rehob,Hasabya, ¹² Zakur, Serebya, Sebanya, ¹³ Hodia, Bani wo si Beninu. ¹⁴ Wo waki se ma’aka-aka – ma’aka-aka em bangsa: si Paros, Pahat-Moab, Elam, Zatu, Bani, ¹⁵ Buni, Azgad, Bebai, ¹⁶ Adonia, Bigwai, Adin, ¹⁷ Ater, Hizkia, Azur, ¹⁸ Hodia, Hasum, Bezai, ¹⁹ Harif, Anatot, Nebai, ²⁰ Magpias, Mesulam, Hezir, ²¹ Mesezabeel, Zadok, Yadua, ²² Pelaca, Hanan, Anaya, ²³ Hosea, Hananya, Hasub, ²⁴ Halohes, Pilha, Sobek, ²⁵ Rehum, Hasabna, Maaseya, ²⁶ Ahia, Hanan, Anan, ²⁷ Malukh, Harim wo si Baana. ²⁸ Wo se tou-tou walina, nyi’a i yi’i: em baya ne imam wo se tou-tou Lewi, em baya ne menaang witu em pepalen leloangan, em baya ne kumekantar, em baya ne budak witu em bait ni Empung wo se reiy’ sa mina’asa tou se tima’atasi en tou wa ki se penduduk em banua kaa laa lumale’ wia e nukum ni Empung, wo se ka’awu nea oki-oki’ tuama wo se oki-oki’ wewene nea, tuanakan kangkasi em baya ne tou se kadewasana mouw kaa laa mangarti, ²⁹ se kima’ampetla en tou ampit se patuari-patuari nea, nyi’ai yi’i se i pamuka-muka – pamuka-muka nea i ti’i. Nisea se timiwa’ kutok kaa laa tumou kumi’it e nukum ni Empung e neiy i weela ampit e nieletan ni Musa, hamba ni Empung i ti’i, wo kaa laa mena-ena’ maki’itla wo matuanala e reiy’ sa mina’asa em perenta ni TUHAN, nyi’a i yi’i si Tuhan meiy, ma’an e reiy’ sa mina’asa natoran wo eng katataapan-Na. ³⁰ O kangkasi nikeiy keiy reiy’ mee se oki-oki’ wewene meiy wia se penduduk em banua, ka’apa tu’u medo se oki-oki’ wewene nea i wee se oki-oki’ tuama meiy. ³¹ Wo sakawisa se penduduk em banua mali em barang-barang wo e minegheghioan gandum kaa laa i pewewangker witu e nendo Sabat, nikeiy keiy reiy’ laa tumeles nyi’a wia nisea witu e nendo Sabat ka’apa witu e nendo kudus. Wo nikeiy keiy laa mayala tuana i te em bua’na en tana’ witu en te’un kapitu wo reiy’ laa mingkul e nutang. ³² O kangkasi nikeiy keiy timantula en tou kaa laa mee susur en te’un esa nga patelu syikal i wee e raghes witu em bale ni Empung meiy, nyi’a i yi’i: ³³ i wee e roti sesakeiy, i wee en tetule sesakeiy tataap, i wee e nendo-nendo Sabat, sumedot-sumedot weru wo e nedo wangko’ tataap, i wee en sesempe-sesempe kudus wo en tetule-tetule pare’i en dosa, kaa laa mesesiwola pedamean i wee se tou Israel ma’an e reiy’ sa mina’asa pepa’ayangen witu em bale ni Empung meiy. ³⁴ O kangkasi ampit limobo’ eng koba’ meiy: nyi’a i yi’i em baya ne imam, se tou-tou Lewi, wo se kaum karengan, se timataapla e nesa kapatuana kaa laa mesesadiala lungu. E lungu i ti’i e lewo’ sa reiy’ alin mea waki wale ni Empung meiy en tuanan menawe-nawel ne kaum-kaum ne me’urang meiy witu e nendo-nendo neiy i ketantu susur en te’un, rio witu natas e mezbah ni TUHAN Empung meiy wawean e napi melayas, tanu neiy i kepatik witu eng kaol Taurat. ³⁵ Awes kangkasi susur en te’un nikeiy keiy laa maali mea waki wale ni TUHAN em bua’na kasa ketare-tare waki tana’ meiy wo e wua’na polon e reiy’ sa mina’asa akana. ³⁶ Tu’un nikeiy keiy laa maali mea witu em bale ni Empung meiy, nyi’a i yi’i wia em baya ne imam se matuanala eng kabakti’an witu em bale ni Empung meiy, se oki-oki’ polon neiy wo se oki-oki’ polon ne ternak meiy tanu neiy i kepatik witu eng kaol Taurat, o kangkasi se oki-oki’ polon ne sapi meiy wo se membe’ domba meiy. ³⁷ Wo en topong jelai meiy eng kasa katare-tarena, wo en sesempe-sesempe wuntul meiy, wo em bu’ana e reiy’ sa mina’asa akana, wo e nanggor wo lana e laa alin neiy wia em baya ne imam, mea witu e ruragh-ruragh em bale ni Empung meiy, wo wia se tou-tou Lewi e laa alin neiy en sesempe pa’esa nga mapulu’an waki tana’ meiy, karengan se tou-tou Lewi i yi’i mouw se mapurut en sesempe-sesempe pa’esa nga mapulu’an waki e reiy’ sa mina’asa kota petani’an neiy. ³⁸ Siesa imam, oki’ ni Harun, si laa rumapitla se tou-tou Lewi i ti’i, sa sea mapurut en sesempe pa’esa nga mapulu’an. Wo se tou-tou Lewi i ti’i se laa malimi en sesempe pa’esa nga mapulu’a waki sesempe pa’esa nga mapulu’a i ti’i mea waki wale ni Empung meiy, mea waki ruragh-ruragh em bale penu’utu-nu’utulan. ³⁹ Karengan se tou Israel wo se tou Lewi se lewo’ sa reiy’ maali en sesempe wuntul waki gandum, anggor wo e lana mea waki ruragh-ruragh i ti’i. Witu wawean em pakakas-pakakas en tampa kudus, o kangkasi em baya ne imam se simiwola kabakti’an, em baya ne menaang witu em pepalen leloangan wo em baya ne kumekantar. Nikeiy keiy reiy’ laa mayala em bale ni Empung meiy. Daftar ne penduduk Yerusalem wo Yehuda