¹ Takar si Bildad, tou en Suah, si miningkot: ² “Kakuasa’an wo eng kahebatan em bia Nisia, si timuanala en dame waki tampa-Na kasa rakek. ³ Toro ku’a re’en rekenen se pasukan-Na? Wo seiy ku’a re’en si reiy’ sinena’la en terang-Na? ⁴ Kumura sitou si ulit witu en sinaru ni Empung, wo kumura sitou neiy i patoula ni wewene i ti’i o weresi? ⁵ Eng kaulitna, awes tare si sumedot tu’u si reiy’ terang wo se sumesena’-sumesena’ tu’u se reiy’ masena’ witu em beren-Na. ⁶ Lebe-lebepe’ kasi sitou, nyi’a mouw si witek, oki’ ni tou, nyi’a mouw si wate!”