¹ Se minapekasa tou Israel se neiy mouw i kedaftar witu en silsilah; nisea se neiy i kepatik witu eng kaol ne raja-raja israel, kasuatan se tou Yehuda se neiy mouw i ater witu em pasea’an waki Babel karengan em pasiwo-siwon nea reiy’ lale’. ² Wo se tou-tou se kasa ketare-tarena minena’ sumeup waki tana’-tana’ kapunya’an nea, waki kota-kota nea, nyi’a mouw se tou Israel karengan, em baya ne imam, se tou-tou Lewi wo em baya ne budak witu em bait ni Empung. ³ Waki Yerusalem maena’ se tou-tou waki se bani Yehuda, waki se bani Benyamin, waki se bani Efraim wo Manasye: ⁴ Utai bin Amihud bin Omri bin Imri bin Bani, waki se see’ ni Peres bin Yehuda. ⁵ Wo waki se tou Syela nyi’a mouw si Asaya, sioki’ polon, ampit se oki-oki’na. ⁶ Waki se see’ ni Zerah nyi’a mouw si Yeuel ampit se kawanua patuarina, se enem nga atus siouw nga pulu’ tou. ⁷ Waki se bani Benyamin nyi’a mouw si Salu bin Mesulam bin Hodawya bin Hasenua, ⁸ Yibnea bin Yeroham, Ela Uzi bin Mikhri wo si Mesulam bin Sefaca bin Rehuel bin Yibnia ⁹ ampit se kawanua patuari nea i ki’it se see’ nea, se siouw nga atus lima nga pulu’ o enem tou. Em baya ne tou iti’i nyia’ mouw se kapala walak. ¹⁰ Waki em baya ne imam nyi’a mouw si Yedaya, Yoyarib, Yakhin, ¹¹ Azarya bin Hilkia bin Mesulam bin Zadok bin Merayot bin Ahitub, se pamuka-muka em bale ni Empung, ¹² o laa si Adaya bin Yeroham bin Pasyhur bin Malkia, wo si Masai bin Adiel bin Yahzera bin Mesulam bin Mesilemit bin Imer, ¹³ ampit se kawanua patuari nea, kapala-kapala walak, se esa nga riwu pitu nga atus enem nga pulu’ tou, se tou-tou lali’iket kaa laa mereraghesla witu em bale ni Empung. ¹⁴ Waki se tou-tou Lewi nyi’a mouw si Semaya bin Hasub bin Azrikam bin Hasabya, waki se see’ ni Merari; 15 ¹⁵ o laa si Bakbakar, Heresh, Galal wo si Matanya bin Mikha bin Zikhri bin Asaf, ¹⁶ ma’an si Obaja bin Semaya bin Galal bin Yedutun wo si Berekhya bin Asa bin Elkana se maena’ waki desa-desa ne tou Netofa. ¹⁷ Se menaang-menaang witu em pepalen leloangan nyi’a mouw si Salum, Akub, Talmon wo si Ahiman, ampit se kawanua patuari nea: Salum nyi’a mouw si kapala. ¹⁸ I ka’ayomi en teakan nisea se witu em pepalen leloangan ni raja waki esa nga weka sendangan. Nisea mouw se menaang-menaang witu em pepalen leloangan em pedasingan ne bani Lewi. ¹⁹ Salum bin Kore bin Ebyasaf bin Korah wo se patuari-patuari esa nga walakna, nyi’a i yi’i se tou-tou eng Korah, se makapunya e lukar jabatan tanume se tumetayur-tumetayur ketareala em pepalen en Dasing, tanu se ama’-ama’ nea nu malukar witu em pedasingan ni TUHAN tanume se tumetayur-tumetayur em pepalen megheghorem. ²⁰ Pinehas bin Eleazar si kimapalala nisea nu reiy’pe’ nyi’a. TUHAN satorona si rumapitla nisia. ²¹ Zakharia bin Meselemya nyi’a mouw si menaang em pepalen en Dasing Pinasungkulan. ²² Nisea nu waya se kinapelengan minamuali menaang witu eng ketareala em pepalen se rua nga atus mapulu’ o rua tou. Nisea se neiy mouw i kedaftar witu en silsilah witu en desa-desa nea. Daud wo si Samuel, lumeloo’ i ti’i, se minopo nisea witu en jabatan i ti’i. ²³ Nisea wo se oki-oki’ nea se malukar metayur witu em pepalen-pepalen leloangan em bale ni TUHAN, nyi’a i yi’i em Bait en Dasing i ti’i. ²⁴ Mea matorome e nepat werenna ni rumereghes neiy i tampala se menaang-menaang em pepalen leloangan i ti’i, nyi’a i yi’i mea matorome en sedangan, talikuran, amian wo en timu. ²⁵ Wo se patuari-patuari nea se maena’ waki desa-desa nea, witu e nedo-nedo neiy i ketantu se lewo’ sa reiy’ ghumorem eng keurean pitu nga endo kaa laa ma’ayang mewali-wali nisea, ²⁶ kasuatan se epat kapala ne menaang em pepalen leloangan i ti’i se timiboiy en jabatan tataap. Nisea nyi’a mouw se tou Lewi wo se mategha’la e ruragh-ruragh ma’an em penu’utu-nu’utulan em bale ni Empung. ²⁷ Nisea se minapawengi witu eng kaledong em bale ni Empung i ti’i karengan nisea se makatanggong jawab witu em petayuran wo lewo’ sa reiy’ muka’ em pepalen susur memo’odo. ²⁸ Se esa nga weteng waki nisea se meurus em pakakas peraghes: nisea se mareken em pakakas i ti’i witu e nedo i paghoremla wo i parou’mi. ²⁹ Se esa nga weteng waki nisea se neiy i lukarla murus em perabot, nyi’a i yi’i e reiy’ sa mina’asa perabot en tampa kudus, wo meurus en topong kasa le’os, nanggor, lana, kamania wo e rampa-rampa. ³⁰ kasuatan se pirala imam se mesadiala e rampa-rampa sinewok. ³¹ Matica, si meta’esa’an tou Lewi, sioki’ polon ni Salum, tou eng Korah i ti’i, si minaka’to lukar tataap kaa laa masiwo e roti. ³² Wo se esa nga weteng waki se oki-oki’ ne tou eng Kehat, nyi’a i yi’i waki se kawanua patuari nea, se meurus e roti sesakeiy kaa laa sadianla susur e nendo Sabat. ³³ Wo i yi’i mouw em baya ne kumekantar, se kapala walak ne tou Lewi, se maena’ witu e ruragh-ruragh wo se neiy i kewayami waki pepa’ayangen walina, karengan oat o wengi nisea se maringangar ampit em pepa’angenna. ³⁴ Ni’itu mouw em baya se kapala walak ne tou Lewi, em baya ne kapala, i ki’it se see’ nea; nisea i yi’i se maena’ waki Yerusalem.

³⁵ Waki Gibeon maena’ si ama’ Gibeon, nyi’a i yi’i si Yeiel, wo ngaran ni ka’awuna si Maakha. ³⁶ Sioki’ polonna nyi’a mouw si Abdon, o laa si Zur, Kish, Baal Ner, Nadab, ³⁷ Gedor, Ahyo, Zkharia wo si Miklot.