Pasal 9
Trompet Kalima Tumuur Kaindean Katare.
1
Wo si malaikat kalima sumengo trompet-ena, lohon kume si esa toto tiin kanawu umei wana langit mai wia kaoatan. Wo wia nisia winehanei kukusi' wong jurang patena.
2
Sia muka boang jurang patena tiin, wo tu mondolei nahawun tu boang tiin, ta nahawun mahondolei nahawun tu boang tiin, ta nahawun mahondolei witu tungku sela. Wo mape si endo makar wia natas rimbun waya tinawunan nahawun tiin.
3
Wo witu gorem nahawun tiin mondolei se koropit-koropit, mai wia kaoatan, wo sea se winehan kuasa tanu kuasa ne kalumaan wia kaoatan.
4
Wo wia nisea se pinasanganei, ndai toro lewoon dukut-dukut wia tana', tinanem-tinanem kaapa kayu-kayu matou, taan wayate wia nisea seraai wana sigegel ni empung, witu tuintung nea.
5
Sea se raai toro wunuun, taan se peendisen kaurean lima ngaserap, wo sea se peendisen masuat tanu pakiikiin ni kaluman witu sia tumuek si tou.
6
Witu neendo niitu, se tou masero mokan patean, taan se raai makaindo niitu, sea se paarou mate, taan patean rimooumomei wia ni sea.
7
Se koropit-koropit tiin se minasa rou tanu se kuda-kuda mako ma peperang, wo tunatas rookos nea, wewehan sapa-sapa tanu mahkota mas, wo gio nea tanu gio ni tou.
8
Wuuk nea tanu wuuk ni wewene, wo waang nea tanu waang ni singa.
9
Wo weewer nea tanu lambung besi, wo lengku nea matelew tanu lengkuuna kareta pakehoren ne laker kuda witu paperangan.
10
Nipus nea tanu nipus ni kalumaan, wo wewehan tu tuekena, wo witu nipus tiin nisea se wewehan kuasa masiksa se tou, kaurean lima ngaserap.
11
Raja si maperentamei nisea, siamong si malaikat jurang patean. Witu bahasa Ibrani ngaranena "Abadon" (tampa ne tou minatemong) sa bahasa Yunani ngaranena "Apolion" (me-rintek/mengemuh)
12
Bencana katare limawetou, taan wewehane, kasusaan walina mai.
Trompet Kaenem Lumengku
13
Wo si Malaikat kaenem sumingo mei trompet-ena kuluminga wehan simailaamei witu nepat susunge altar mas witu sinaru ni Empung.
14
Lumila witu si malaikat ka enam timimboi trompet tiin. "weta mako se epat malaikat se nyai waakes tu salu Efrat sela tiin".
15
Wo se epat malaikat tiin, se sinadiamong witu jam wo nendo, serap wo ta'on, se nyai nong weta, rior ni sea munu se tou sanga paha telu.
16
Kalakeran ne suraro si make kuda se rua nggatus yura, liningaku kalakeran nea.
17
Wo niitumong linohoku witu palolohoan, se kuda-kuda tiin, wo nisea se simake tu natasne. Se minake lambung besi merainda-raindang tanu laka, wo biru rimbun, wo kuning tanu belerang, wo rookos ne kuda-kuda tanu rookos ni singa, wo witu suma nea mahondolei waha, nahawun, wo belerang.
18
Wo wia nisean telu se sangapahatelu tou winunu, kaampit baha, nahawun, wo belerang mahondolei tu suma nea.
19
Ka, kaen tean ne kuda-kuda tiin, witu suma woo nipus nea. Ka nipus nea tanu siloloi, wewehan rookos, wo kaampit niitu sea ma wanti.
20
Taan se tou nyai kalempot, wo se raai kinapatean bencana yaai, wo se raai ma bertobat, tu peniwo-niwon lawas nea, wo nisea raai toro masembah se roh-roh lewo, wo se berhala mas, perak, tambaga, batu kaapa kayu, se raai kaloho, malinga kaapa makelang,
21
wo nisea se raai bertobat, witu wuwunu, sihir, cabul, wo marongkit.