Pasal 8
Si Oki Domba Minuka Zegel Kapitu
1
Wo kawuwu kaamei zegel kapitu ni oki domba, minamuali rimbun na surga, wo sangapaharua jam kaureana.
2
Kalohoan kume se pitu malaikat se timoor tusinaru ni Empung, wo wehan pitu trompet nyai wehe mako tu nisea.
3
Wo mange mai malaikat wa lina, tumoor witu altar sitimimboi nesa tanu pan oki mas waya, wo witu nisia winehanako dupa pa sesembah, kaampir sombayang-sombayang ne tou-tou kudus witu altar mas tu sinaru tahta tiin.
4
Wo nahawun dupa tiin, mawali-wali sombayang ne tou-tou kudus, simeret tu sinaru ni Empung tu lawas ni malaikat tiin.
5
Wo si malaikat tiin mindomei padupaan tiin tu pumpunan namako waha niindonamei witu altar, tu lahawa name witu kaoatan, wo kalingaane lengkuuna tanu nerut pakaampiten kerap wo penghero.
Trompet Katare Makar Trompet Kaepat Sinengo.
6
Tumodong niitu, se pitu malaikat se timimboi trompet tiin, se simadiamong masesengo trompet nea,
7
si malaikat katare, si simengomong trompet-ena, wo tu mamuali nuran eis, wo baha sinembor daha, nyai palusei wia kaoatan, wo mamuali sangapaha telu kaoatan, wo sangapaha telu kayu-kayu, wo marengis waya kaampit dukut-dukut ijo.
8
Wo si malaikat karua sumengo mei trompet-ena, kalohoane tanua kuntung marengis, wo baha nyai lahawame tunggorem tasik, wo mamuali sanga pahatelu tasik minamuali raha
9
Wo sanga pahatelu se menou-nou witu gorem tasik se minate waya, wo sangapaha telu kapal-kapal kinemu.
10
Malaikat katelu sumengomei trompet-ena: Wo kanawuumei na langit se esa toto tiin sela, malayas tanu nobor, wo si toto tiin mai tumawun sangapaha telu salu wo gaagaran.
11
Ngaran ni toto tiin apsintus, wo sangapaha telu ndano minamuali apsintus (Tinahem pait karengan, kasusaan karengan) wo laker karengan se tou minate kandaalo tiin karengan.
12
Wo malaikat ka epat sumengomei trompet-ena. Wo kaweewelan sangapahatelu ni serap. Wo sangapahatelu se toto tiin, makar se sangapatelu se minamuali rimbun, sangapahatelu noat mina rimbun taintukan kahai witu mbengi.
13
Wo kalohoan ku me wo kalingaangku wenan si esa burung rajawali, tumelew wana nuner langit, maila amei marekei: "silaka, silaka, wo silaka karengan nisea se mahana wia kaoatan, ka malinga lengkuuna trompet ne telu malaikat, walina, pasesengon neemei".