¹ Witu nendo limangkoi mong, si Empung menau-naup maila witu se tua-tua-ta rior limalan witu se nabi-nabi. ² Witu nendo kamurian yaai, si Empung lumila wia nikita limalan witu si oki-ina sisinisir namong si mamuali pewaris witu pakasaan mbia wo lumalan witu nisia kahai si Empung sumiwo pakasaan bia kaoatan. ³ Nisia si terang kamuliaan ni Empung, wo gambarena ndaai wana si simelok witu sifat-ena, Nisia kahai si timongka pakasaan mbia kaampit firman wo kuasa-Na. Makasiwo mako sia witu pasucian ndosa-dosa, sia rumuhumun witu sangaweka leleos ni kasa sela tu tampa karakekan. ⁴ Makar nisia mamuali kasa rakek witu se malaikat-malaikat ka nisia si makataintu waris ngaran limembe karakekan witu ngaran nea. ⁵ Ka si Empung rior ako si limila se malaikat, "Nikou, kou oki-iku. Tu nendo yaai nyaku ku minamuali mong Bapa-emu. Kaapa sia si limilaamong wia nisea: "Nyaku kumamuali Bapa wia nisia, wo nisia simamuali oki-iku."? ⁶ Taan, witu si Empung kumenalei si oki tu'ana wia kaoatan Sia lumila, "Maanong pakasaan se malaikat ni Empumg sumembah wia nisia." ⁷ Kumura se malaikat-malaikat si Empung lumila, "Sia sumiwo se malaikat tiin mamuali layasena mbaha." ⁸ Kumura si oki-ina, Sia lumila, "Tahta-Mu, oh Empung, mbia memehe-mehe makaure-ure. Teteger kaulitan niitu teteger karajaan-Emu. ⁹ Nikau maupus kaulitan wo maseso kalewoan. Niitumong si Empung sia si Empungemu si minurapou nikou kaampit lana kapaaran limembe se kaampit-kaampit-Emu. ¹⁰ Wo kahai, nikou Empung witu katare nikou minetaamong dasar kaoatan wo langit siniwo lawas-Emu. ¹¹ Kaoatan wo langit kali ong, taan nikou, kou wia te. Kaoatan wo langit matehewu tanu lalam bungan. ¹² Tanu jubah, nikou lumepet niitu, wo tanu lalambungan nisea se sawelan. Taan nikou kou raai kaselokan witu ta-on-taon nemu ndaai wana si kaapuan. ¹³ Wo witu se malaikat wisa, si Empung limilaamong tana-i rumuhu munong witu sangaweka leleos-Eku makar nyaku meta'se musu-musu Mu witu mbawa kuasa-Mu. ¹⁴ Ndaai reen se malaikat-malaikat tiin sea mong se roh-roh maselewir, se nyai rehomei masawang se tou-tou se mateterima kalempotan.