¹ Niitumong, nikita pakiwehen mile-ilek, sapa mong liningata rior kita raai sooso ndano. ² Ka saitu najaran nyai lila ne malaikat-malaikat, niitu ndaai kaselokan, so sapate niitu linangkoy wo ndaai pakiitan si tumerima hukuman adil, ³ ka kumurape nikita toro kalempot, sa kita raai mawehe genang witu kalempotan sela tiin? Ka niitumong kalempotan katare-tare nyai habarei ni Empung, wo nyai bukti witu kaulitan na wia nikita ne tou-tou liminga Nisia. ⁴ Tampasako niitu, si Empung kahai si simairi, tumura witu tanda-tanda, wo makaerangen, kaampit mujisat wo karunia-karunia Roh Kudus, nyai tatetengei kiit kapaaran-na. ⁵ Si Empung si raai kimala kadatan mangemai, niitumong kadatan pasiritan-ta, witu se malaikat-malaikat. ⁶ Taan, wewehan si esa tou si simairi mong witu nesa nas: "Sei sia si tou makar kou magenang nisia? Sei sia si anak ni tou makar nikou mapaduli nasia? ⁷ Witu te ndaai ure nikou sumiwo nisia si wawa'witu se malaikat; Nikou mehe mako mahkota wia nisia, kaampit kamuliaan wo nohormat. ⁸ Nikou kimala pakasaan mbia, tumbawa nae-na, si Empung si raai maya sapate niitu, si raai tumuutuk wia nisia. ⁹ Taan nikita, ta limohomong si Yesus, witute ndaai ure sisiniwo tanu wia mbawa ne malaikat, siamong si Yesus Kristus si pinakean mahkota kaampit kamuliaan wo nohormat ka siminendamong kapeendisan, witu pinateana, rior witu anugerah ni Empung, sia sitoro mendam kapapatean, wehe se pakasaan tou. ¹⁰ Ka minamualimong taintu, nisia si wehe nisia, wo limalan tu nisia pakasaan si simem purna marintis kalempotan, se oki-oki ina lumalan witu kapeendisan na, mali nisea witu kamuliaan. ¹¹ Ka, leos nisia, si simuci, kaapa nisea se sinuci, pakasaan witu te nesa Bapa, niitumong Yesus si raai maila nisea tanu patuari-patuari Na. ¹² Kaampit limila nyaku ku nyumata ngaran-Emu witu se patuari-patuari ku, tu nuner pakasaan umat-Emu nyaku kumantar kakantaren palooran wia nikou. ¹³ Wo kahai, wo nyaku ku meta kayakinangku wia si Empung. Wo kahai, nyaai mong, nyaku, mawali-wali se oki-oki nyai wehemei ni Empung wia nyaku. ¹⁴ Ka se oki-oki tiin, nisea setou, se wewehan raha'wo leona, wo si Yesus minindo wewetengan tunggorem kaadaan nea rior lumalan witu kapapatena, sia toro maapu nisea se wewehan kuasa witu patean, nisiamong si iblis. ¹⁵ Wo mebas nisea witu kaurean penou-nouan nea binudak wo kaindean o patean. ¹⁶ Taan timerangou, ka nisia si raai minehe sasawangen witu se malaikat, taan witute se taranak ni Abraham. ¹⁷ Niitumong, witu pakasaan nyaai, si Yesus si mamuali tanu se patuari-patuari Na, rior sia toro mamuali Imam Sela, si wuta o kaupusan, wo setia tunggorem palayanan wia si Empung. Mako taintu, sia toro mali patubusan tun dosa-dosa ne umat. ¹⁸ Ka si Yesus-ete, sandiri, si minendam peendis witu nisia pemaawaan, wo sia toro sumawang nisea se pemaawaan.