¹ Ey kau, tou-tou Galatia wengel, sei sia si menelur nikau? Ndaai reen witu emberen niu si Yesus Kristus si nalip witu rior niu? ² Nesate pawowo yengku wia nikau, sapa kau timerimamong Roh? Ka sa kumiit nukum taurat, kaapa liminga kaampit iman? ³ Kau wengel karengan. ⁴ Ndaai si kaaraan nikau minendam kasusaan wo kapeendisan laker tiin. saitu raai si kaaraan? ⁵ Niitumong sapa sia kimarunyamei Roh wia nikau, wo minaayang mujisat tu nantara niu, ka nikau makiit nukum taurat, kaapa nikau ka nikau malinga kaampit iman? ⁶ Tanu si Abraham si mapercaya si Empung makar nisia si rineken mamuali kaulitan. ⁷ Niitumong, rior tu kailekan niu ka se tou-tou wewehan imanong tiin se pailaan anak-anak ni Abraham. ⁸ Buk suci makailekou katare-tare, ka si Empung si minulit se tou-tou raai Yahudi ka imanea, rimiorou minange mahabar Ninjil witu si Abraham kaampit lumila "pakasaan bangsa se kamangen lumalan wia nikau". ⁹ Niitumong nisea se wewehan iman se kamangen mawali-wali si Abrahan si tou percaya tiin. ¹⁰ Pakasaan tou se timimbayong witu paayangen nukum taurat si mena tumbawa kutuk, ka nyai patik: "Kutukenei sitou si raai tumuutuk witu pakasaan nyai patik witu buk hukum taurat wo masiwo niitu". ¹¹ Niitumong, tarekan ndaai wana si esa tou si uliten tu sinaru ni Empung, wia hukum taurat, ka si tou ulit si tumou ka iman. ¹² Taan, hukum taurat ndaai nyai dasar tu iman, putarei, sitou makiit hukum taurat si tumou witu niitu. ¹³ Kristus si tumubus nikita witu kuasa hukum taurat wo mamuali kutuk wia nikita, ka nyai patik, "kutukenei se tou nyai gantong tu kayu salib". ¹⁴ Witu nikita tunggorem ni Yesus Kristus kamang ni Abraham, toro kaayo witu tou-tou raai Yahudi, makar kaampit iman-eta, ta toro tumenerima Roh nyai nong kawar tiin. ¹⁵ Patuari-patuari, nyaku ku meheme naandean witu penou-nouwanta susur nendo, saitu kakawaren si nah-mong, maan niitu si newa te wia si tou o sitou, ndaai wana si tou toro mape, kaapa mawes sapa-sapa witu kakawaren tiin. ¹⁶ Tarekan kumura kakawaren nyai wehemei ni Empung, witu si Abraham wo witu se taranak-ena, si Empung raai limila: witu se taranak-tarakak-ena, timura witu laker taranak, wo witu se taranak-taranak-emu. Niitu nartina maturu witu si esa tou, siamong si Kristus. ¹⁷ Patoroangku, hukum taurat minai'mokan nepat ngaatus telu ngapulu taun, tumondong niitu ndaai'mong toro maba batal kakawaren si nah-mong ni Empung niitumong kakawaren ndaai toro ra-i. ¹⁸ Saitu warisan nyai dasar witu hukum taurat, warisan tiin ndaai mong nyai dasar witu kakawaren. ¹⁹ Niitumong kaa wewehan hukum taurat? Taurat tiin nyai wehemei ka wewehan pelangko-langkoyen makar se taranak mange mai kiit nyai patik witu kakawaren tiin siniwo. Hukum taurat pakiitan limalan witu se malaikat-malaikat kaampit se pereho-reho. ²⁰ Taan se pereho-reho tiin se raai toro mamuali wakil ni esa tou, ka si Empung Sia si esa. ²¹ Sa taintu, sapa hukum taurat tiin minapasuian wo kakawaren ni Empung? Ndaai karengan'ka hukum taurat tiin nyai wehemei ka mawewehe katotouan, kaulitan karengan witu hukum taurat tu mai. ²² Taan buk suci minenjaramong pakasaan wo pakasaan se tou witu mbawa' dosa rior kakawaren wia iman tunggorem Kristus Yesus toro wehe mako tu nisea se mapercaya. ²³ Ndaai pe minai iman tiin, nikita tinawan tumbawa hukum taurat, tinahang tanu se tawanan makar iman mangemai papaloho. ²⁴ Mako taintu, hukum taurat tiin mamuali ma-awas wia nikita makar si Kristus mai rior nikita uliten witu iman. ²⁵ Tarekan iman tiin minai mong, nikita ndaai'mong maperlu hukum taurat tiin, maawas nikita. ²⁶ Witu gorem ni Yesus Kristus, nikau waya kau oki-oki ni Empung limalan witu iman. ²⁷ Nikau waya, kau lineleemong tunggoreni Kristus wo limambungou si Kristus. ²⁸ Ndaai mong wana si pailaan tou Yahudi, kaapa tou Yunani, busak kaapa merdeka, tuama kaapa wewene, ka nikau waya esa tunggorem ni Yesus Kristus. ²⁹ Sa kau taintu mokan ni Kristus, nikaumong se taranak-taranak ni Abraham wo mamuali ahli-waris tanu nyai lila tu kakawaren.