¹ Wia si Paulus, si minamuali rasul ndaai kanisia si tou kaapa umalan wia si tou, taan nisia si umalan wia si Kristus Yesus wo si Empung bapa-ata si timoorei nisia witu nantara ne tou minate. ² Kahai witu pakasaan patuari esa iman se mawali-wali nyaku wehe se jemaat-jemaat tung Galatia. ³ Anugerah wo nupus leos wia nikau, witu gorem ni Empung Bapa-ata wo si Empung Yesus Kristus. ⁴ Si minehemong nawa kena ka dosa-dosa ta, malelempot nikita witu nendo lewo tarekan yaai masuat o kapaaran ni Empung wo Bapa-ata. ⁵ Wate nisia paasa-asaran makar kaure-ure. Nulid. ⁶ Nyaku maerang, ka repet karengan nikau tumelaan nisia si timowo nikau umalan tu anugerah ni Kristus, wo kau mareng witu ninjil wauna. ⁷ Nuutena, ndaai wana ninjil wauna, taan sepira tou se ki macau nikau wo paar maputar bale ninjil Kristus. ⁸ Wo sakai, kaapa si Esa malasikat nasurga mahabar wia nikau ninjil mina pasuian wosapa nyai nai'mong nahabar wia nikau, kinutukou sia! ⁹ Tanu paila nai rioraku, peemai sa wewehan si tou mahabar wia nikou ninjil minapasuian o sapa kinaindoan niumong maanong nisia si kutuken. ¹⁰ Sapa tarekan nyaku kumasero kapaaran wia se tou kaapa kapaaran ni Empung? Kaapa, sapa nyaku ku mawaawape masesenang si tou? Saaku pailaan memaawape maseseng si tou, nyaku kuraai hamba ni Kristus. ¹¹ Patuari-patuari, nyaku mapaar tu kailekan niu, ka ninjil pahabareku ndaai ninjil siniwo ni tou. ¹² Nyaku minakaindo niitu wia si tou, kaapa nyaku minajarou niitu wia si tou, taan nyaku minakaindo niitu umalan witu penyertaan ni Kristus Yesus. ¹³ Ka nikau umingamong sa kumura penou-nouangku rior witu nagama yahudi, nyaku masia-sia se jemaat ni Empung kaampit kakajaman ku wo maulid makekemu nisea. ¹⁴ Nyaku kumaju karengan, witu pailaan agama yahudi kasa rou kamajuan nea'saitu pasuatu o setou-tou masuat tu nantara ne bangsa-eku. Nyaku rajing karengan witu mapiara nahandai ne tua-tuaku rior. ¹⁵ Taan witu si Empung, si rimoou momei nyaku tumuurei nyaku witu pe poot ni mamaku, wo timowa nyaku umalan witu anugerah na tinerima, ¹⁶ wo nyumata si anak-ena witu gorem-eku rior nyaku toro mahabar nisia witu se tou-tou raai yahudi, nyaku ndaai kimiwehepe tuturu wia se tou walina. ¹⁷ Nyaku kahai ku raai minako witu kota yerusalem wo mahilekan o nisea se minamualimong rasul ndaai pe nyaku, taan nyaku mehete minangetu wilayah arab wo marengei su'maup witu kota damaskus. ¹⁸ Kimelangou telu ngataun nyaku mange witu kota yerusalem makenalan o si Kefas wo kumena o nisia maalouma ngendo. ¹⁹ Taan nyaku kuraai limoho maan esate rasul-rasul walina wayate ni Yakobus patuari ni Empung. ²⁰ Nyaku ku yumakin nikau tu si naru ni Empung kasapa nyaku patik wia nikau niitu ndaai towo. ²¹ Tumondong niitu nyaku mange tu wilayah Siria wo Kilikia. ²² Nyaku ku raape kenalen nea nawak sandiri ne jemaat-jemaat tung'gorem ni Kristus sewitu wilayah Yudea. ²³ Nisea se wayate malinga tataasa, ''sia riorako sima siksa nikita tarekan si mahabarou iman riorako nisia paar makekemu niitu.'' ²⁴ Nisea se mamulia si Empung ka nyaku.