¹ La'ei Paulus sanu nebali rasul labai lantarane manusia atau la'emae manusia, tapi boi la'e Kristus Yesus ma nu Allah Siama sanu nombaunge Liio la'e ollottu too nate. ² Aiyo'e teule, la'e jojoo soungaange seiman sanu singkaiyanomae lia'e, untuke jemaat-jemaat li Galatia. ³ Anugrah ma damai sejahtra antage li'eme la'e Allah Siamate ma la'e Yesus Kristus, ⁴ sanu nombeea'e ambo-ambo'o-Nye untuke dosa-dosate kangkai monyalamata'e li'ite la'emae jaman sanu majaa'e a'alaine la'emae eseseilunu Allah ma Siamate. ⁵ antagome Liio kemuliaan untuke seende-endenye. Amin. Boi Adaange Sounge Injil ⁶ Lia'e maherang, e'eingkasonye lio'e nolinjo'i Liio, sanu noleba'oe la'emae anugrah nu Kristus, ma neteule antage injil sanu tan-tani. ⁷ Padahala, labai e'injil sanu tan-tani. Boi, adaange bai sogau too sanu nogutu balabai nootoime ma malani mombaliola'e Injil Kristus. ⁸ Aiyo'e teule, onjo li'ame atau sotoo malaikat la,e surga mombeea'e kangkai'oe injil sanu metantanian kangkai sanu binambala'omame kangkai'oe, terkutukoma liio! ⁹ Aime sanu pineilua'omamime luulumae injopa sekarangeine u'peilua'e babalii, onjo adaange o'too sanu mobambala'e kangkai'oe injil sanu tan-tani kangkai nuga sanu tinarimamime, tubayama'a io nokutuke. ¹⁰ Jebai a'alaine lia'e pepeese mongintuge posituruanu manusia atau posituruanu Allah? Atau, bai lia'e ulenge monyo'ale mopa'asanange manusia, lia'e labai hambanu Kristus. Ponyebiai Paulus antage A'rasulonye ¹¹ So-soungaange, lia'e malani nottoimia onjo Injil sanu binambala'o'e labai Injil pinogutu nu manusia. ¹² Lia'e labai monarima la'e manusia, atau ma'u pegurui la'e manusia, tapi lia'e monarima la'emae pomeilu nu Kristus Yesus. ¹³ Saba'onye, ilongomima tentange caranu tutuhuango'e sanu luulu la'e agama Yahudi, lia'e monganiaya jemaattu Allah mekejaame tutuu ma mongusaha untuke mohancura'e jimo. ¹⁴ Lia'e maparacaya tutuu lilalongu agama Yahudi, onjo no poselio kangkai too-too o'gotonye li tatanganu bangsa'e lia'a maparacayanye. Lia'e motongode tutuu lilalongu momiara ada-ada'u siopu'umae. ¹⁵ Boi, watu Allah, Sanu nontania'e lia'e ulenge lilalongu o'oungaangi siina'e ma noneba lia'e la'emae anugrah-Nye, ¹⁶ nomeilua'e Unga-Nye lilalongo'e bala lia'e magaade mobambala'e Liio li tatanga nu too-too labai nu Yahudi, lia'e labai selengane momongi nasehat kangkai sabii sotoo. ¹⁷ Lia'e teule labai na'o kotama'e nu Yerusalem untuke tepodua'e kangkai jimo sanu nebalime rasul laupe lia'e, tapi lia'e nomamari'e nelampa wilayama'e nu Arap injopa nongulele babalii kotama'e nu Damaskus. ¹⁸ O'tolu toungonye, lia'e na'o kotama'e nu Yerusalem untuke nekenalane kangkai Kefas ma nomoiya kangkaiio sompuluma lima eleo e'endenye. ¹⁹ Tapi, lia'e labai ne'e ito sabii sotoo la'e rasul-rasul taninye, sangadi oi Yakobus, soungaangngu Siopu. ²⁰ U'pa'ayakina li'eme li tolonu Allah onjo nuga sanu tinuliso'e antage li'eme injeine labai montuule. ²¹ Nopuse injoo'e, lia'e nelampa wilayama'e nu Siria ma Kilikia. ²² Lia'e laupe nootoi secara pribadi antage jemaat-jemaat lilalongu Kristus sanu adaange li wilayah nu Yudea. ²³ Boi jimo kalepu mo'olongo, "Liio, sanu luulu monganiaya li'ite, mobambala'e iman sanu luulu pernah nonyo'ale mohancura'e." ²⁴ Jimo momuliakane Allah lantarane lia'e.