¹ Injopa, nebalima li Ikonium, Paulus mai Barnabas nensio'e kangkai li sinagoge too nu Yahudi injopa negombo'e papaila'e injoma goote tutuua too, too nu Yahudi aiyo'e teule too nu Yunani, nebali no maracaya. ² Tapi, too-too nu Yahudi sanu labai momaracaya momatujua'e majaa'e kangkai too-too labai nu Yahudi ma mopa'ajaa'e pikiran nu too-toomomaracaya. ³ Injoma, jimo nomoiya ampio'e lilalongu watu sanu meende kangkai nogombo'a'e antage Siopu, sanu nombee kesaksian tentange bambalu anugra-Nye, kangkai nongarunia'e tanda-tanda ajaip ma mujisat-mujisat sanu nebali la'emae umbungu jimo. ⁴ Tapi, too-too li kota injoo'e ne a'anta sagae nomihake antage too-too nu Yahudi injopa sagaa'e antage nu rasul. ⁵ Watu nongo gutu sounge usaha sanu labai too nu Yahudi, kangkai topo mimpinu jimo, untuke monganiaya ma mombalatu'e rasul ngkai polu, ⁶ la'emae inotouangi Paulus mai Barnabas jimo uninjo'e Listra ma'e ma Derbe, kota-kota li Likaonia, ma wilayama'e li sekitaronye. ⁷ Ijopa, ampio'e, jimo mobambala'e taruse Injil. Paulus li Kota Listra ma Kota Derbe ⁸ Li Listra, a'daanga sotoo dudukgko'e sanu moluntoye bibisonye, nepiite ule la'e o'oungaangi siinanye ma laupe pernah ne'epelampa. ⁹ Too injoo'e pepeese moniina'ei Paulus watu pepeese megombo'e, nopuseo'e oi Paulus nomataseio ma nongita onjo too injoo'e a'daange iman untuke nopo o'doonge, ¹⁰ Paulus negombo'e kangkai suara mo'ombonge, "Injopa, too injoo'e nelumpate ma nompamulame nelampa. ¹¹ Watu too goote ne'e i'tonuga sanu pinogutu ni Paulus, jimo nenge suara kangkai negombo'e lilalongu bahasa Likaonia, "Dewa-dewa nenyaume li tanga-tangate ma nebali selilio manusia!" ¹² Too-too injoo'e monopei Barnabas oi Zeus mai Paulus oi Hermes paliio nomimpine sanu nogombo'a'e. ¹³ Imam Dewa Zeus, sanu kuilonye a'daange li loaru kota, mongkoni sapi-sapi langkai injopa hunga li pintu gerbanggu kota. Io ma too goote injoo'e maalani mombeea'e kurban kangkai Paulus mai Barnabas. ¹⁴ Tapi, watui rasul Barnabas mai rasul Paulus no'olongo so'ale injoo'e, jimo no neisa'e pakeanu injopa uninjo'e nensio'e li tanga-tanganu too goote injoo'e ma neloloa, ¹⁵ injopa negombo'e, "So-soungang, inoga li'eme mogutu jojoo so'ale injeine? li'ame teule manusia biasa selio-lio li'eme injopa mongkoni Bambale Paila'e antage li'eme bala li'eme meteule la'e so'al-so'ale sanu labai oguna injeine kangkai Allah sanu tutuhu, sanu nopebali golung, ma juniaa, ma dagat, inmjopa bagiana'one sanu a'daamnge li lalongonye. ¹⁶ Li generasi-generasi sanu luulu, Liio nombeea'e jojoo bangsa melampa monuru'e ja-jalangonye ambo-ambo'e ¹⁷ Boi, Liio labai momatubaya ambo-ambo'o-Nye labai a'sabi. Saba'e, Io nogutu sanu paila'e kangkai nombeea'e ngkai li'eme ujang la'e golung ma watu-watu pe'hua sanu mo'opuas nyaa kangkai sanu no'inang injopa a'dandalane." ¹⁸ Soula kangkai momeilua'e jojoo so'ale injoo'e, mosulita jimo noondo'a'e too goote injoo'e ba labai mombeea'e kurban antage jimo. ¹⁹ Tapi, too-too nu Yahudi nodua'e la'e Antiokia ma Ikonium, injopa noopuse nombu-mbujui too goote injoo'e, jimo nombalatu'ei Paulus kangkai polu ma nongiule io neluange kota lantarane nosangkanu jimo onjoi Paulus nateme. ²⁰ Boi, watu nu murit nomamalitei Paulus, io unoloa'e ma nensio'e babalii kotama'e. babalii seeleo, io nelampa kangkai Barnabas Derbe ma'e. Neteule Kota ma'e nu Antiokia li Wilayanu Siria ²¹ Noopuse nobambala'e Injil jimo li kota injoo'e ma nogutume murite goot, jimo neteule Listra ma'e, ma Ikoniu moma'e, injopa Antiokia ma'e, ²² kangkai mo po'uige nyaa nu murit, mogutu jimo untuke tu-tutuu li lalongu iman, injopa momeilua'e onjo li'ite harus mensio'e li Kerajaan Allah la'emae goote penderitaan. ²³ Watui Paulus mai Barnabas nonujua'e penatua-penatua untuke jimo li tunggalu jemaat, nopuse nesusuyang kangkai nepuasa, jimo nonyarakane nu penatua injoo'e kangkai Siopu, sanu kangkai-Io pinaracayame nu jimo. ²⁴ La'emae injoo'e, jimo nolabata'e Pisidia ma nodua'e li Pamfilia. ²⁵ Injopa, watu jimo nobambala'e Gombo'u Siopu li Perga, jimo nesau Atalia ma'e. ²⁶ La'emaeo'e, jimo nolayage Antiokia ma'e, pomoiyangu jimo sinarakanome kangkai anugrah nu Allah untuke pokarajaange sanu inakora'ome nu jimo. ²⁷ Watu jimo nodua'e injopa nelinsonge kangkai jemaat, jimo nolapura'e jojoo so'ale sanu pinogutume nu Allah kangkai jimo ma bai gauga Liio nomboaa'e pintu nu iman antage bangsa-bangsa taninye. ²⁸ Injopa, jimo nomoiya kangkai murit untuke watu sanu meende.