¹ আমা বাপ গোজেন আ নানু যীশু খ্রীস্ট বিশ্বেজি থিষলনীকীয় শহরর্ মন্ডলীউনো ইদু পেীলর চিদি, সীল আ তীমথিয় তপ্পেত্তুন পাততরুতরু। ² গোজেনর আ নানু যীশু খ্রীস্টর দোয়্যে আ সানতি তমা উগোরে এজোক। ³ ও ভেইলক, আমি তমাত্যাই তিবুজ্যে গোজেনরে ভালেদি জানেই; আ ইয়ান আমি গম মনে গুরিই; কিয়া তমা বিশ্বেজসানি অমকদ দড়মড় অহর্ আ তমা তমা ভিদিরে কোচপানা গুলি পরের। ⁴ সিনত্যেই তুমি যে যে অত্যাচার আ হষ্ত থুরি এজর , সে অত্যাচার আ হষ্ত্ত তেনে ও তমার থুরি ধানা আ ‍বিশ্বেজ আগে কিনেই আমি আমা গোজেনর মন্ডলীউনো ইদু তমাত্যেই বার গুরিই। ⁵ আ ইয়ানি বেক্কানি গোজেনর অক বিচেরর জাকজল্যে প্রমান, য্যেন তমারে গোজেনর রেজ্যত যগাজ্যে বিলিনেই গুনো অয়, যিয়ানত্তেই তুমি দুগত বুগোর। ⁶ , যিগুনে তমারে দুগ দুয়োন, গোজেরে তারারে কেনা উগোরেবদে লক্কে সিগুনরে দুগত ফেলেব ইয়ানই অলদে গোজেনর জাত্যে বিচার, ⁷ আ যিগুনে দুগত বুগোর গোজেনে আমা লগে তমারে দুগত্তুন ছাড়েবঅ, যক্কে নানু যীশু সরগত্তুন তা নিজো তেজে দেবংশীউন্নোই জলজল্যে আগুনোত্তুন ফগদাং অবঅ ⁸ আ ‍যিগুনে গোজেনরে ন-চিনোন আ যিগুনে আমা নানু যীশুর গম হবরর উগুমানি ন- পালান, সেক্কে তারারে অক সেজা দিবো। ⁹ তারা তা চোগত্তুন ফারক অবাক আ তা বলান আরেবাক আরও তারা উমোরত্তেই সেজা বুগি পেবাক, ¹⁰ ইয়ানি সে দিনোত ঘুদিবো, যে দিনোত তা নিজো ধর্মমতী মানুচ্চুন তারে বাঈনী গুরিবাক আ সেক্কে বিশ্বেজিউন আমক অবাক, সে লগে তুুমিয়ো আগঅ কিয়া তুমি আমা সাক্ষ্যয়ানি বিশ্চেসে গুজি লোইয়ো। ¹¹ সেনত্ত্যাই আমি তমাত্ত্যেই তিবুজ্যে এ তবনা গুরির, য্যেন আমা গোজেনে তমা বেক্কোনরে তা ডাগনিত যগাজ্যে বিলি গুজি লয় আ ভালেদল্লাই তমা বেক আউজসানি আ বিশ্বেজ যেবার কামানি নিজো বলে পুরোন গুরি দে; ¹² আমা গোজেনর আ নানু যীশু খ্রীস্টর মেয়্যেল্লোই তা নাঙান তমা ইদ বাঈনী পায় আ তাত্ত্যেই তুমিয়ো বাঈনী পঅ।