Yohanes Tenyau Webaptis ¹ Ha paei marah,Yohanes riama webaptis,tenyau nana rabiang wekakawiri wewero ai nana Yudea. ² Kewio mae tioyoh,memarontoh waroh kerajang rorah kikyewuto. ³ Antinato,anti hempaiyai we nabi Yesaya kewiyowetata ''kawiyo weruto na hinyontarai pehina rabiang weka kawiri,hempa syos rang we syeng Yesus,buowong rang weriryehi.''Yesaya 40:3 ⁴ Interi Yohanes mantau hesung hasung unta rawa kong no arorah hyau wari hinewai wati.roweyang cang wauwo kerang kongno amungkundohi we nana wirei. ⁵ Interi hinyontarai Yerusalem hendabur,kongno hinyontarai Yudea,kongno kawasa wenana Yordan. ⁶ Interi Yohanes webaptis nao Yordan,interi hembetau hene sasar wehetonawau. ⁷ Interi Yohanes reho hempau mantau hinyontarai wewe sombong kong wewe song bong hendaburi nana baptisan wau kewio buhya ,''mia wo,momuraro pimamunai webarui,mateiti tetuwa mia membawu wuruhu airirora ingkai werama.''remuho hanentatoa kawiyo we aupa,taweria burapei mantau au.''amati mane Abraham pa,mantapumi woria manempitina. ⁸ Topi yang buongno,buong we pariri maroa wau. ⁹ Yauh kawiyowe au ingkai ka mi winanei syeng Allah bisa riuwaha ariang we Abraham. ¹⁰ Tamang pikari wiata na aiwari wati,aipa nani webuo wapa tandobang tangkaya to atia wati. ¹¹ Yau ingkai webaptis miana maria,imbaromi memaro,.''yawo membisawe ketu sanadal wanepe ketua.'' ¹² Piampa atia riuti waneto,ingkai tirio nu,penggirikan-Nya,ririui gandum to piwawinta lumbung.tioyo ingkai hyubah sekamnya ho atia weang wemayowa. Anyau Matius. Yesus Webaptis kongno Yohanes Pembaptis ¹³ Hepai,Yesus riana Galilea to Yordan buo Yohanes weo webaptis kongno Yohanes. ¹⁴ Topianapa,Yohanes tewe rang kewiyo,''yao webaptis yapa,auno ruabu yamapa. ¹⁵ Nana wawin marah,Yesus rioahoi kongno kewiyo wei,''topianapa pwika pitau yampa topeinato wihyembe tata kuira.''Yohanes pikari topianapa. ¹⁶ Yesus webaptis, meti nana Maria, wati marah heyotoh surga water buka maka Roh Allah bia, mehihapei ayah mandum cawara miohoina riukamiwati. ¹⁷ Interi, tantaraho kaiwo wewe ranang surga (rorapeti), Ninaneiwo Ariang hanehoa pitinato.