¹ Hanei,Yesus hetawin na nu Betlehem nu we wa,na Yudea,na nu pampong pa paina,remura hinyontari majus henda na murang ma to Yerusalem. ² He tutang ,''nya nani-nya nabiang nani,matei hetawinpa ,matei hinyatorai Yahudi wati? hopei,mandeho hiwiai wera na murang interi mandama masyani wei.'' ³ Raja Herodes taraho aiwawina wawi,i kong kawasa Yerusalem hetari toang toning kuira hehentaraho piwe na Yerusalem wau. ⁴ Interi,ririui hinyontarai waba wewe riung wau hia,kuira kong we anyau kawaswati.cewa kawio we mahi kong hia,ho nu we Kristus hetawinipa. ⁵ Hetutang wei,na Betlehem,nu Yehuda,hopei to pining we henfoi na hinyontarai we heta tuwa wati: ⁶ Na,au na Betlehem,na kakopa Yehuda,mahi pitarai wa wewe mo ma na tata ning wara ke pang Yehuda,hopei nentarai pai ingkai hinyontarai weru tata pei riama,wewe ko tata kuira,na Israel.'''mikha 5:2 ⁷ Interi Herodes hia ahihi hinyontarai-hinyontarai majus wau hia,cewa we mahi kong hio no na hiwirai we dea wati. ⁸ Interi,tetuwa hia henda to Betlehem,hengkawio,''rua rem ho nanuha arayang homi wei.'' ⁹ Paina hentaroho rajawati,inte henda.co reunda,hiwiai we hende hoa na murang wati ria kong hia ki hendiara na rabiang aryang wati nyana wau. ¹⁰ Reho hiwiai wati, he syomi na mararising we paya na hia pa. ¹¹ Hesua to manu puiti raro,hendeho mararia wati kong hinya Maria.henda,hentuang hesyom wei.interi hesepa piwa winta we hisoni henepiwe wihieng hetona wei,ao emas,kemenyaan,kono mur. ¹² Paina hesohia na mi wati raro imbaromi hendeho heta dai weri hia bu Herodes.henta weri to nu wawe ra pe wihia. Teteuwa We Hia Hembawu To Mesir ¹³ Na wawi hinyontarai majus henda,remura ,sieng nye Malaikat cera kong Yusuf nami wati raro kewio,towahawo,kwo aryang wati kong hinyani aryang wati we miuni,'' ¹⁴ Interi,Yusuf tewaha kio aryang wati kong hinyani na curu henda woroi to Mesir, ¹⁵ mena wampa kira herodes kerya waro apa netandera na anyau sieng we mamarang pai ria kong we hetatu wa :''na Mesir ihawi ne ariang pai.'' Hosea 11:1 Hemung Ariang Muang Pitau Wena Betlehem ¹⁶ Interi,nanawi herodes rehoa ma iwo hinyontarai-hinyontarai Majus henta tipai,na wawi temioming pitarai paina tetuwa we he mung ariang muang pitau we na Betlehem kono we na rurang wawi kia,wewe puria pe koru tou,mahi oha wewe hinyantorai-honyatorai majus heng kawiora pa. ¹⁷ Paina mahiwe hempaya pa na we hetatuwa pai bu Yeremia: ¹⁸ hentararoho hinyong rau pui peha na rama,hiai mae teidu.Rahel hiai we nye ariang-ariang wau hia,kono meriai he tararia hene rarong hopei piang henawa to.''Yeremia 31: 15 Tetuwa We Hentaweri To Israel ¹⁹ Paina ha we Herodes keria,neunda,sieng nye rai rora wati ryura nyunung wati riana mi wati raro bu Yusuf na Mesir, ²⁰ inte kewio,''Towahawo,kwo ariang wati kong hinyani to nu Israel hopei hinyontarai -hinyontarai wawi hesawiang we he mung hore wiyou ariang wati piampa karya.'' ²¹ inte,tewaha kyo ariang kong hinyani taweri to nu Israel. ²² Ingkai wape,tarahoa ma arkelaus we mananu waba na Yudea weriuang Herodes,tamani,Yusuf metai we ria to wanda mpe.paina tendera na mi wati raro,ria to nu Galilea. ²³ Yusuf herea inte nya na pandu wewe hano Nasaret impaina mahi we hempaya pa ho nabi,''iwo tapoi we' hinyontarai nasaret.''