¹ '' Hiua ro wape,yesus tiu tiuwara ro rawin pea hiuro bendar mantaun nie. ² Reamo tingko hinontarai We mampiar pehi wureima, tuti aniniena . Yesus reho tisanewai we paya wu iwauto (Iman) Yesus titowe hinontarai wewe mampiar wawei " Hanemuai wawei piaya, ne romawa pa au, nemu sasar pe wara pirato.'' ³ Impateri ahli taurat tintato ro tisane wai raro'' Hinontarai nini piriahi'' ⁴ Wape Yesus haneaho, pitisane ahowauto '' topeno mintoru mintasane ho weha ro minta sane wai raron wau ne? ⁵ Niei mawane minampa yayane, sasar wau wara pira ete tato, '' tuwara-tuwara? ⁶ Wape imbaromi muntoru imintambe tau, ro nu wawoni romawa pehi nie Kuasa warapi sasar.'' yampa, Yesus tito wu hinontarai yampi '' tuwara , ruwaha nemu aniniewawei inte wuwu. ⁷ Impamora tiwara yampa wiwu. ⁸ Wape, hinontarai tau tindeho rawau tintapare, timarisin tisom Allah weon Paya rawau wu Hinontarai''. MATIUS WERIRUI PAJAK PEI DIAWA YESUS ⁹ Yesus ria warihu rawau, reho hinontarai pehi, tisaha I we matius. mihihoi ro hora tindirui pajak. Impamora Yesus titowei. '' Wawa Yau''. Matius dioha diawa rei. ¹⁰ Roha yesus mihoi diampi ro yawa pei, reho, Werirui pajak mau impau tia hinontarai-hinontarai wewe sasar tindama, timahoi tirampi riruira kon yesus tia nie murid-murid tioru. ¹¹ Hinontarai-hinontarai farisi tindeho pirawau tintato we nie murid-murid toiru '' Topenowo mintane guru wawei diampi kon mintoru, werirui pajak, kon hinontarai weon sasar tiorune? ¹² Wape yesus taraho rawau pyai dionto'' wewe paya tisane we tabibwa we huhi tioru kei. ¹³ Impana minanda, mintasane titoita '' Yau hanewe padurua piboki, parirwauwa,'' wo, yau, ramawe, ihahau wewe hanai keiwa, hinontarai Wewe sasar tato. AUTAN HO PUASA ¹⁴ Interi yohanis nie kawasa piarkorpe tinda wu yesus '' tirautan'' topeno antoru hinntarai-hinontarai farisi antaron puasa, me nemu murid wau tioru piewane? ¹⁵ Yampa Yesus titowe tioru '' Pitau weweint pengantin wemahoi tuti rekaru ro mawan rioro kon tiorurahi? wape hawane rama, mawan wni tingkou warihu tioru Ambe timbe Puasa ¹⁶ Hang hinontarai pehi hiokop harirei waworu wu hasun watawa waniwa hopano hokop rowani dion hawu hasun tawawani ambe tahawau wiwa pampam. ¹⁷ Tiar, hang hinontarai pehi Tiai Anggur waworu to rotan rerawa tawa raron wani topa rawauto rotan rerawa tawa Ambe tihawu, anggur harea rotan Rerawa Pitata. wape tiradu anggur waworu to rotan rerawa waworu wane, wewaru tiar Wetawa Husanai Kuira.'' YESUS WIAUNG TIAR DION PANAN. ¹⁸ Yesus weroan pitau rawu we tioru kuira, ruena hinontarai weweriu ro yawa nadi, ruma tia hiommi, impate tito,'' ne romawa wawin pehi inte kiria pena, wape ruma rumah tuwa waramu wurei, imbaromi wihien. ¹⁹ Yampa Yesus Tiwara dion hinontarai yampi nie murid tioru tato. ²⁰ Tindea, wawing pehi hiuhi pyori hiape haura heha koiru(12 Tahun) rima kiki eu Yesus, ria ro karupui riud ro Jubah renon pei. ²¹ Wo tito waware weito '' inu tiamu Jubah kei, imbeipanan'' ²² Yampa Yesus Tiriweriei hiyo wawin yampi, impate piyai dionto '' porih hanemuaipai matitui'' ne romawa pa au, nemu Iman wau onau punang.''wawin wawei pinang wahat ro yampa wahai ²³ Yesus rima riara ro yawa weweriu ro yawa nadi pei, reho wewui suling tiar hinontarai pitau tirona Numariori. ²⁴ Tito hinontarai-hinontarai wau tioru '' rua, nemu romawa Wawin pei Kiriawa, Mediena '' mantau.'' yampa timarie (Yesus) ²⁵ Wape, hinontarai tau rawau tioru, dia diawar tioru tisarea Yesus Hua riut romawa warawan wau, yampa romawa wawinpei tiwara. ²⁶ Arari rawau rawari nu yampi tantenan. YESUS DION WEREKABE KOIRU HUNDEMO KAWIEHA. ²⁷ Yesus Ria Warihu Yampa, werekabepe koiru, hunda hura warei hunsahu pampam '' Hanenso antaru, romawa Daud'' ²⁸ Ria hiua yawapei, hinontarai koiru were kabe hunda hereima Diuntan wu Huru'' munsane kuna we yon pirane?'' huntato wurei '' topanan Tuhan'' ²⁹ Yampa, Yesus Diupi Hundemope, piyaiwe huru'' wedyadi wumuruparari iman wau. ³⁰ Hundemope tahiwu yesus tito payawe huru, '' muntaraho, hang hinontarai pehi taroho ma reho piranewa'' ³¹ Wape, tisarea, timpai wawah arari yesus, timpayaya yesus wari nu Yampi tantenang. YESUS DYA DYAWA ROH WEBARUI WARIHU HINONTARAI WEWE MOU. ³² '' Hinontarai koirupe hunsarea, hundea, hinontarai wu tioru tinuko wewe mou pehi Wu Yesusu Ma. ³³ Yesus dya dyawa roh webarui hire, hinontarai wewe Mou Tito, kawaa tau pei taparire, timpai tironto, '' piweto perane anandeho ro Israel wa'' ³⁴ Wape hinontarai farisi, timpai tironto '' I dya dyawar roh we barui tuti weweriu we Roh Webarui. WE KUTUA TIMPAU WE ON PITIMPAU WA. ³⁵ Yesus ria wari bendar, kuira, tiar pandu, piar kor ro tine yawa nadi piyai wawoh wemahi ro injil we tioru, tia dion panan we wehuhi tioru. ³⁶ Yesus reaho kawasa tau wawai, haneho tioru hopano tinkarora tindawawo mahi domba-domba wene gembala wa. ³⁷ Impateri piyai we nie murid tioru'' wekutuane timpau, wape weonpi timpau wa. ³⁸ Impana mintarewara murei (Tuhan) andi nie weonpipa, imbaromi dion weonpi timpu maho.