Yesus Diawan Murid-Murid Tioru. ¹ Yesus hihau nie murid haura hehar koiru wau tioru dion paya we tioru ho Roh webarui weromi Tiradyawr roh-roh rawau tioru tiar dion we huhui timpanan, paniaki, konhuhi paniei kei. ² RasulPe Haura Hehar Koiru, Tinsanomi Parane. wew retenang, simon wetirahana we petrus, tia andarias netapaina tia yakobus romawa sebedeus, tiar yohanes netana. ³ Filipus, bartolomeus, tomas tia matius werirui Pajak tiar yakobus romawa alfeus, kon tadeus, ⁴ Simon hinontarai selot, yudas iskariot Weawi Yesus. ⁵ Yesus Diru rasul haura hehar koiru rawau tioru, impate pyai we tioru'' mintanda warihu rayan nuhawarun wane minta suato bendar hiinontaraisamaria tioru. ⁶ Me, mintandawu Domba werakeiwane tioru roro hinontarai israel tinu roro. ⁷ Ro ha minandan wane, mintamberoana tiar minan tato topano '' Kerajaan wero woyai raron dyehei kikieuto. ⁸ Mintaron wehuhi timpanan, we karia timbihien, wewe kusta tinu tara hanai, mintara dyawarroh webarui, minta roit pi, pampinomakei, mintarentona pampinomakei. ⁹ Hang Mintako Emas Wa, ete perak, ete tembaga, ro mintaorarerarompui wa. ¹⁰ Ete rotan ro rara-ra, tia hasun pe koiru, ete sandal, ete aita tuwa wo hinontarai kardya hanaiwe rowean wane. ¹¹ Ro bedar ete, pandu minta suaropa, mintandeho nanuhara teidipe dei mintan doro kontei keyao minta sarea muna. ¹² Minta sua yawa rawani, mintaron salam wei ¹³ Royawa rawawei hinay'' Damai weroro Auwona Wiawurei kei. ¹⁴ Tiar,teina kei kirai minta suawureipe, ete taraho pi mintampayawau wa rake mintarea warihu yawa wau ete bendar wau, Kupateta papau Wero Aimu Wau. ¹⁵ Yau ipaya we mintoru, hawane rama (Penghakiman) nu sodom, tiar gomora hunsarioa mambat warihu Bendar Rawani. MURID TIROITHASIEN MURID TIROIT HASIE UN. ¹⁶ '' Mintadea, yau yawan mintoru mahi hape domba Weroro Singa tinu rabuyan impana, minanu tapapira mahitawaiminta sane kawi mahi andowa mandun (Merpati) ¹⁷ Wape,minanda nanuhara manandetopon ho hinontarai we dei weon mintoru wu sanhendrin, we miunmintorurotine yawa nadiwane. ¹⁸ Impan mintoru ambe tingko mintoru wu mananui we tariai werut tioru, tia raja, hopadyau we arari we tioru tia nu tantenang kuira. ¹⁹ Mintoru ambe tingko mintoru wo we tariai tioru kon Raja'' Ho Pai di yau,'' we kaman we tioru tiar nu wanang wane. ²⁰ Mintoru winantato pawa, rawau roh Allah andi tito ro minta nu raron wau pa. ²¹ Neta pehi dion netapei wu kariria, tamani wuantupei. kon romawa ambe romawa timun tintami on tisinami. ²² Mintoru imbe tinto kihminoru Hopa hanone, matei pya kehawane dyoit piboki. ²³ Pei timuntai mintoru ro bendar pehi, mintambawu to bendar hawarun wane. Ipaya we mintoru rowe mahi, mintoru ambe minanda ro Bendar-bendar Israel kawa ke hinontarai antun rima. ²⁴ Murid tiriai warihuguru wani wa, hamba tato dioita rawaintuan wani wa. ²⁵ Mahihato murid guru wani tiar hamba tiahi tuan wani. wene yawararon wani tirapoi beelzebul weruan hanai wawahai muna wararo, rawani kuira. TAMATAI WURAPA ALLAH, TAMATAIWU HINONTARAI WA. ²⁶ Impaena, hang Tamatai we tioru wa tuti, pitahan aniwapa hang tirani warawa we timpaya pewa, ete piwe aniwa tandehowa. ²⁷ Tahan ipaya we auh ro wew roran wane puyaya ro wewe kawieiha, tiar tahantaranso ro tarandiaunpa puyaya ro yawa karuhinayei. ²⁸ Mutai, wewemun nuntaraiwawei Tioruwa, timun nuntarai wawei, wape han timun nemu jiwa wawei wa, mutaitapano I (Dia) andipe miun jiwa tia tanutarai ro nera kapa. ²⁹ Anoowa katunpe koiru mintarawayana, we duit korisi? hang kapu korisi rotai rawawei hiuro kapuyawa woni warihu yainie anindera wa. ³⁰ Runandun werorunsina wawei kuira hua atatora. ³¹ Impana mutawa, mentambe hano hehar andowa andowa madidyawi wepau. IROA WE YESUS RO HINONTARAI HAWARUN FI, TIRAROPON. ³² Impana Matei rioaho yau ro hinontarai tiraropon, yau tato iroawei ro yai wero rora yehei aropon. ³³ Wape matei Piora yau ro hinontarai tiraropon pa yau tato yempora kepana we yai we roro rora raron dyehei. TAHAN DIONA YESUS RIMANE ³⁴ '' Mintaromba irama we iko hanai marisin to numi. Yau irama we iko hanai rawauwa, me iko piwe masaing. ³⁵ Irama we yonmawan warihu romawa wawin warihu hinani, wawinde wawin warihu neyo wawin ³⁶ Tiar musuh hinontarai paino rodyawararo. ³⁷ Matei haneho Tamani Tia hinani warihuyau, mihi weyauwa tia matei maneho antu mawan kon wawin heha yaupa mihiwe yauwa. ³⁸ Tia, tei hirio AitabayaNi Wapa tia diawa yauwa mihiwe yauwa. ³⁹ Matei mitituiho me nyawapa ambe I nie nyawa rio matei nie nyaw rio tuti hanonepaambe dya riutapa. HAMAYA WERARO ALLAH ⁴⁰ Matei we tarima mintorupa, wetarima yau, tia matei wetarima yau, wetara we awan yau wani. ⁴¹ Matei wetarima Nabi rohano nabi, ambe diot hamaya nabi. tia matei wetarima hinontaraiwemahi ro wahan we mahi ambe wetarima hamaya hnontarai wemahi. ⁴² Tia matei dion dia we romawa wehaho rani, ro piwe unun korisikei, diawe pariman ro wahan murid ne ehi, yau ipai we mahine we., I Nie Hamaya Ro wa.''