² Kerbion Vavei Dyatyopa Yesusi ¹ Impatery, ve mamara dyaninyau Yesusi vu vuva woroi vu kerbion de dyatityopari ro wane. Tya, dyampi va ve hape pyar koiru tya rovi pe pyar koiru, ha ravau kai impa virivan. ³ Impatery, kerbion varvei rima, titove Yesusi,''impa Varakat antun dia a mora, wawana me kami vaudya tapori ve roti.'' ⁴ Mena, piyai veroana me dyonto,''Timbuiwane, roti ne mehari ona mo hinongtarai ne tambihyen pa va, vavo pitau tatove mamara vemati ro varakat huapanmani.''' Ulangan 8:3 ⁵ Impateri, kerbion kyo wi vu bendarveve mamara vemati ro varakat ne manu vavon dyehei, ⁶ Inte tito vei,''impa Varakat antun di au mora, puikarau to vou a vo timbui tironto: ve au vau, varakat imbe dyawan ne malaikat vau tioru tindama tindu vavahan au ro timbarani wane varu hudyaira ro kami vau dya va.''' Mazmur 91:11-12 ⁷ Yesusi titovei ,''Kosiri naria muna, e timbui wane, watityopa nemu varakati muna vato.''' Ulangan 6:16 ⁸ Kosiri naria muna, kerbion vavei kyo Yesusi huranto to tavui ve targai mantaun impate dyaniau mahihoi vero nu vavoni kuira kon harai vevyeria veroroi vau, ⁹ inte titovei,''Pitau vero nu vavoni imbe yona ve au, vapo imbe tuang ma hwom ve yau mora.'' ¹⁰ Impate, Yesusi tito vei,''Kerubion,pau rwa varihu rane,''e timbui wane, miasom mantaun pai varakati tya miandoi myaraparan pai i mie hari.''' Ulangan 6:13 ¹¹ Ravau kai, kerbion vivu rei, reamo, malaikat pe tindama tisomive i. Yesus Dyon Ne Anyauvau Retenang Ro Galilea ¹² Impa, Yesusi taraho Yohanisi tintapuri to, rya vera to Galilea. ¹³ Vivu Nazaret me rima ryoro pe kapernaum, di pe ruru dye vero Zebulon kon Naftali, ¹⁴ varo mahi pi ve timpayaya veraro nabi Yesaya ma: ¹⁵ ''Kakopa Zebulon tya kakopa Naftali, rayan rurun Yordan horare, Galilea, rahora hinontarai Yahudi tinempe na va. ¹⁶ Kawasa vero berorang rarong pei tindeho ravyeiha veve pimantaun. tya ve roro nu ve karirya, kavyeiha pei tipira ma heto. Yesaya 9:1-2 ¹⁷ Ropano ravau to, Yesusi dyaniau ma piyaya,''mya marorto vo hu ve mamara pei kikyeu mane to!'' Yesus Hihau Ne Romawa Anyau At Veve Retenang ¹⁸ De Yesusi tyara ro ruru Galilea horareng pai, re ho mambe neta pe humbe koiru, yampa huru mora simon ve tisauwa ve Petrus, tya neta pai Andreas, hundo hungki jala ro ruru vavei huru mora hinontarai verahahi dian hurena. ¹⁹ Yesusi tito ve huru,''mundama murawa yau inte yon muru mungki hinontarai.'' ²⁰ Ro ravau pa no humbavu hune jala vaume hurawa rei. ²¹ Tindaro rawane ma pe, re ho mambe neta pe he humbihyei naria muna, Yakobus, Zebedeus antu tya Yohanes, neta vavei. Tingkai kikui wa pehi kon Zebedeus, tinta mami vavei tindoro timparu nanuha tine jala vau impa hiha tioru. ²² Ro ravau pa no timbavu tine wa vavei, tyar tinta mami vavei me tirawa Yesusi. Yesusi Dyaniau ma Dien to Panang Ve Kawasatu ²³ Impate, Yesusi rya wari nu Galilea, ayaniau ro tine yava timbe ari rovau, dempayai veroan raun mamarini, tyar dendu vavaha kawasa ve huhi timpanang, pitau tau hihuhi kuira, veve huhi, veve tisuhia vau. ²⁴ Ne abar vau ra hua tatera hu siria wani kuira. impa, tingko vureima kawasa ve huhi, pitau tau huhi kuira tyar veve huhi, veve pikankoang tirawia, veve rekarirya, veve mampyar, dyon tioru timpanang. ²⁵ Kawasa tau verama ve kikuir vau tioru. tindape Galilea, Dekapolis, Yerusalem, Yudea, tyar hya havaru Yordan, tindama tirawarei.