¹ ''Ro masihoi, swarper rora titomi bwe apotatoa mahihape bwabwing haurah bwe ko ma me tindahe mawan de bwebwabwut. ² Ring rawau tyoru bwenu kyain petirena rin naria muna mora bwe hane amanung petirena. ³ Rin bwe nuhyain netyoru tingko matinene tingko mani pe konta bwa. ⁴ Me bwe hane anyaniung ne tyoru buo tingko ma tinene tingko mani pehe ro wondi konta. ⁵ Inte mawang bwe de bwabwut ran hihya neapa bwabwut impa tiraranka ena bwau ramato tirena kuira. ⁶ Mena raha robwi rabuyan ehe tinsasawa,''mawang bwe de bwe bwabwut rima wane! myan ati ma myaramani!' ⁷ Rawau, bwabwung tyoru kuira tinta bwaha rayei tindeho nanuhar, ma tingko bwau. ⁸ Bwe nukyaim petintato bwe bwe haneanyanung netyoru, myaron mani katehe bwe antoru bwe ma antane ne han mayopa rane.' ⁹ Mena, bwe hane anyanung ne tironto, ehebwa, han mahi antoru kont mintoru bwa. bwe hanaipano, myandahe bwe abwayang mani wane tyorua myara bwayang ehe bwe mantung mintoru.' ¹⁰ Tindato pona tira bwayang, me mawang de bwe bwabwut pei rima bwe amamang petin sua kontei apuiho munara ani bwabwut ra bwabwei wandepe tisui. ¹¹ Kairo rabwau bwabwing ehe tirendama tintato,'tuan, tuan,! hwepar wandeni bwe antoru.' ¹² Ro, rane wapei i tito bwe tyoru dyonto mahi topana mena i paya bwe mintoru, yau rebweroan mintoru bwa. ¹³ Impa ro rawau myara mamang bwo mintoru myansibyai kakahi ha, wane bwa.'' Apotatoa Tutir Awiwanade De Toru ¹⁴ ''Tutir swarper rora kabyeha miliha pe hinontarai bwera bwa bwera to nu bwero bwondi, inte hihau ne awiwana bwau tyoruma tyawan tabwan pine raneho tyoru. ¹⁵ Bwurehi, talenta perin 5 naria muna bwurehe tyoru talenta pe koiru 2 wbe ehe tyoru muna talenta kosiri 1. rane mahiha peno paya tiren toha bwau inte ria. ¹⁶ Hinontarai bwene talenta 5 rin rani ria tyara tutir talenta nerabwau dyaryut talenta pe 5 rin naria muna. ¹⁷ Mahiha peno wbe aryut talenta koiru 2 i tato dyaryut talenta koiru 2 muna. ¹⁸ Wape bwene talenta kosiri rani ria bwyai kamiryei ro kakopa dyentaniwa robwenai tuan dyona weirane. ¹⁹ Rao horapehito pateri tuan ro awiwana rane tyoru rina dyatatora bwe tyor. ²⁰ Hinontarai bwene talenta rin 5 ria tito dyengko talenta rin 5 muna, tito medyonto, tuan wong talenta pe 5 rin bwe yau renso yaryut talenta pe rin naria muna. ²¹ Tuan bwabwei titobwei hanai mantaun, awiwana antitui rarepa iru bwahar au ro rewar bwe paur naria muna rina hua bwut hanaineni ma. ²² Kont bwe bwe aryut talenta koiru 2, i tato hyua dyempa yaibweroan ne bwe kyo dyonto,'Tuan, bwe wona bwe yau talenta pe koiru 2, renso irama rane iho talenta koiru 4 naria muna.' ²³ Tuan bwa bwei tito,'hanai mantaun awaiwana bwe hanai bwe taraho, wawar nanusar awana tato antitui ranepa. ru bwa har auro rewar bwe paur naria muna ruma hua bwur hanai nenima.' ²⁴ Haria muna, hinontarai bwe bwene talenta kosiri 1 i tato dyensua dyempayai weron ne bwe kyo dyonto,''Tuan yau reho auto tutir au hinotarai bwe barui, rua kuripa ro rahora bwu bwar pe awa ro bwa, me rua rwirura ro rahora bwe bwubwar tatera piawa ro bwa. ²⁵ Epe ona mora, imatai, impa ira yaniwara nemu talenta wonaho pe ro kakopa raro, renso au pinemu pano, pibwe bwedenemu.' ²⁶ Mena tuan bwahbwei tito bevei dyonto au awiwana bwe barui kont rwar bwa! Au hanenahoto tutir yau kariparo rahora bwe i bwubwara ro bwa kont i rirairaro rahora bwei bwubwar piawa ro bwa. ²⁷ Impa ro rane toraibwau topa kwo pine rabwana . wadu ro adidwadu wane waro raha i tabweri muna mamara, iko pine rabwau kont hehar bwe roro bwau. ²⁸ kwo talenta 1 kosiri rani barihuei mawon bwe wen talenta haura 10 wani. ²⁹ Tutir hinontarai pehi ne, mora inte dyaryuta muna. kon i imbe ne bwibwob pau hehara muna. bwape ro hinontarai bwene bwob pehe bwa imbe bwob nerane tingko bwarihuei. ³⁰ Myangki awana bwe piyane ho bwa rabwabwei to rahara bwebwe berorang mantaun rora hora rani bwori kont bwe dye takaki.''' Iria Bwero Hinontarai Antumpai ³¹ Ro ha hinontarai antumpai rima to ne mahihoi bwe kaira kont andobwa, tinda koiki inte andipe mihihoi kadera bwe kaira. ³² Bomu kawasa kuira tindurur ro aropon mora interi andu kyar tatoru bwi hihyei tatoru ehi bwarihu ehe troru,mahihape bwe paduru piaun impa kyar bwihihyei domba bwarihu kambing. ³³ Kont dyona muna riruir domba-domba dyon mahihoi bwe tyoru ro habwaru dyo watang. me kambing-kambing ne tyoru ro mahihoi ro habwaru mambarasar. ³⁴ Impateri war warnus tito mabweroana bwe tyoru bwero habwa ru dyobwatan ''myandama, myarepe myararyut kamkat ro yai pitawahi mahihoi swarper bwe bwe dyona mangbwe au ro nuni retenan mamunape. ³⁵ Tutir ha I bwaribwanpe myaron robwean yan rauperai myaron dya ywnung. Irama woroima myang sahan yanihua. ³⁶ I hasim yan bwa myaron hasun i hasuna, i huhi myanda ma myandeho yau, iroro ahiri bwe mamant myandama myandeho yau.' ³⁷ Inte hintarai bwe mahi rawau tinto bwei,'Warakat hapainei antandeho au bwu rubwan me antaron robem wane, ete raung parai me kuntaron dia pehe wunung? ³⁸ Hapaniei anlandeho au ray rua ro woroi me anatare bwaran huane ete hasun pe bwa me antaron hasun pe husuna? ³⁹ Hapainiei antandeho au huhi ete rworo ahiri bwe mamant bwe mamant me antanheraumane?' ⁴⁰ War-warnus rani tito dyonto,' yau payai we mahi bwe mintoru mahiha peno bwe myarona bwur ehi ro ive neta bwe haho bwahai rane tyoru rane myarona bwur yau penanto.' ⁴¹ Kairo rabwanto, I inte bweroana tato bwe tyoru bwero habwaru mambarasar, myanda warihu irerone mintoru ibwe tinsowara myanda bwur aruntan wani bwe tironi dyamanbe kerbion kont ne an dowa bwe awawerei. ⁴² Tutir ayau ibwaribwan myaron robean pehe yanba. vau iraiparai myaron dyape yunung bwa. ⁴³ Yau i bwe ira woroina myan sahau yan ihwa bwa; ikakabwi myarong hasun pehe hasuna bwa; huhi kont iro akhi ti bwe mamant myandama myandeho yan bwa.' ⁴⁴ Nariamuna ro rabwan, tyoru tato. tinkito warakat hapainiei antandeho au it wurubwan kont ra unparai ete rua woroima ete huhi ete kuhabwi ete ryoro ahiri bwe mamant ko ne anlandeho aubwa?' ⁴⁵ Impa i inte tito bwe tyoru dyonto yau ibweroan bwe mahi bwe mintoru mahiha peno mintoru myarona mahi ha bwa bwe ehi ro bwe bwe haho bwahai rane tyoru mora myarona bwa bwe yanpe nanto. ⁴⁶ Inte, rane tyoru imbe tinda bwur mambat woroi kekal, wani bwape hinontarai bwe mahi tindato bwihyen woroi kekal.''