¹ Yesus hirea bwarihu bait, Allah Bwarakat ro ne romawa anyau bwau tyoru tindama. ² Naria muna tiraniabwa bwaun bait Allah bwabwei I kont kont I' dyautan tyoru,''piyebwae au miandeho pirani mra ro hani bwa? yau bweroanapa bwe mahi bwaupa bwe au ro kosiri mantaun kami bwero rane me ria tyoru tindoro kami bwabwo bwe ehebwera, bwe inte tindoyar rariarei.'' Retenan Huni ³ Ro, Yesus mihoi ro tabwui bwabwo Zaitun, romawa-romawa anyau bwau tindama bwei ro mantauni kont titoi,''Bweroana ma bwe anto u, ro ha bwe rawau bwe kont rabwau bwe dyona bwe kaman ro derumabwa ne kont bwe pipui ro atora bwadyai piyebwa tindiarei bwa?'' ⁴ Yesus piyai bweroana bwe tyoru,''Remahoi bwaro han hin antarai bwebwe ria syuna bwe au. ⁵ Muna, timpau bwebwe rama ro hanonbwane kont tinto yau bwe mahi Kristus,'Kont tyoru. bwe tarai hinontarai bwe pau. ⁶ Au taranso mamuni pehi kont anindera-andera bwe mamuni. renso to bwaro au mutai bwe ha bwebwe rawau pibwau, rane bwami bwerama bwane. ⁷ Ro, bomu bwe tabwaha wetarahobwa bomu,kont mahihoi rora yehei bwe tarahobwa mahihoi rora yehei,kont bwero nu bwe timbari bwan kont nuni ninia. ⁸ Rane kuira roro retenan ro kansihuhi ro tira bwinpe. ⁹ Naria muna, tyoru tiron au bwe bwe hane bwai amoming, kont bwe bwe myun aupe, kont au bwe tinkararapiha bwero nu bomu ro hanone. ¹⁰ Ro, hayampape rabwau, piau bwe tariraya, kont bwe onabwe, kont bwe kararapiha kosiri bwe ehe tyoru. ¹¹ Timpau ro abwana bwe mahibwa bwe harea kont bweraro rayan harata hinontarai timpau. ¹² Muna, bwemahibwa ro bwe dyauta, aniniari piaubwahaya hinontarai bwero nubwe rieha. ¹³ Hinontarai tei, bwe dyanona kao kai bwane ibwo bwihieinpa. ¹⁴ Kont, irawi warnus ni tampaya to aniniabwa ro nuni bomu tantenan, kont, nariamuna ro pupui rani bwe ramabwane. Huhi Bwebwabwa Kon Kristus-Kristus Bwetaraibwa ¹⁵ ''Muna, ro au renso bweon titota, bwe ro piyaya mananu Daniel, bwoha ro nu mamara ete bweka bwi, interi awana anyau mahimantaun. ¹⁶ Mora tyoru bwero nu Yudea bwe apai nuntarai mantaun au ro tabwuibwane. ¹⁷ Tei rioro yabwa karapuyan yehei mora, hanau I bwa bwa bwe kyio brero yabwa raronipe. ¹⁸ Ro romi ne, han bwibwu kyione asun duoroibwabweiwa. ¹⁹ Muna, mamuni tyoru Bwebwe ahihyioha kont tyoru bwewero tisui romawa bwawei ro haha rabwau. ²⁰ Bwe sambayan bwaro bwapai mora rieha bwero ha Allah Nembwau bwa. ²¹ Inte nariamuna bwero habwebwe huhi mambat bwawa, bwe piyemi ro pamponpe nunipe kao, kont ehebwa ro ehebwawahai muna. ²² Kont,haha rabwau ehebwa ro bwetanankei, ehe bwa ro bwihiein bwero bwe tanankei. ²³ Ro, rane nariamuna hinontarai pehi tito bweau, renso, Kristus andine ryio rane, ete I' andine ryio rabwane,hanau percaya bwei bwa. ²⁴ Muna,Kristus-Kristus bwe mahibwa ro bwero bwerama bweine kont bwe tara bwane kaman-kaman bwe bwabwa kont bwe ryia tiara dyona bwau anyau-anyau bwe mahi ro Menyesatkan, ne rabwau muna tyoru ro bweiria. ²⁵ Puramatama,yau ro bweraanapa bweau ro rabwau pe ete ro kateamaunpe. ²⁶ Inte, ro tyoru tintato bweau,'renso, I' ryioro bwubwa nurarondei rua to rabwana wana, ete, renso I' ryioro ahiri rarompui,'han hanentityarei bwa. ²⁷ Inte, mahi ro bwieria bwe kaira ro timur kon kibwieiha to barat, muna ro rabwau rimabwau romawa hinontarai ro hani. ²⁸ Ro rabwau remoi, ryiro rabwau mora piaun nasar imbe tindirui.'' Romawa Hinontarai Bwerama ²⁹ 'Muna, ehebwau ha huhi mambat bwau, bwo bwe bwona mamant, kont hembai bwani miyai dyoni kyi airabwa, pyori bwero rora yehei bwe huro raro rora yehei, kont paya-paya roro rora yehei ninia. Yesaya 13:10;34:4 ³⁰ Ena, muna kaman hinontarai romawa bwe harea ro rora yehei kont suku-suku bwero nubwawoni bwuory tyoru tindeho hinontarai romawa rima ro raro awan-awan ro rora yehei bwe paya kont hanai bweabwa. ³¹ Kont, I' dyawana ne malaikat-malaikat tyoru tindoi ro trompet bwe kararihi, kont tyoru bwe rirunapa hinontarai bweawara ro rauma mara diriyabwe bweraro to bwe at bweraro dyie hubwabwoni, ro retepu rora reheyei bwe kosiri to tetepu bwebwe mahi bwawau ³² Rane muna, bwanyauro apotatoa ro ai ara kont arabwang bwe antitui bwe kikyaha kont raun-raunbwau bwe kamai, au tauro musim panas dekikyiu to. ³³ Muna ro myandeho pana au renso kuira ha rani, au bwetauro bwe I'rima kikyieu, ro ambang bwanden. ³⁴ Rorane,yau payau bweroan bweau bwe hara rani ehe bwe rakeybwa rakao kuira roha rani bwedyadi bwahai. ³⁵ Rora kont nubwahwoni imbe kyiai, me raumamara-rauamamara nebwau ibwo ro bwa.'' Ha Romawa Hinotarai Bwebwe Rama ³⁶ ''Ehi bwetau ha kont hanem bwauwane,ehi ro rane kosisi bwetau bwa, malaikat-malaikat bwero mahihoi swarper tyoru tato, ro romawa bwau tyoru ehi dyien bwetaubwa, mena mantauni tamani Allah kei. ³⁷ Mahi ro bwe bwaro yampape Nuh,muna wbe rima hinontarai romawa bwero ha rani bwahai. ³⁸ Muna, ro hani bwera mabwami bwane dya pohar, wani tyoru tirampi kont tirunun, bwibwut kont humbwa bwut rakao ha nu hyua to bwa rarom bwabe. ³⁹ Kont, tyoru ehi bwe taubwapa rakao dya pohar rima kont dyona kai bwe tyoru bwahai kuira; muna ro rabwau rima bwe roma wa hinontarai bwe dyadi hai. ⁴⁰ Nariamuna,humbe koiru ro romi; kosiri nero kyio kont kosiri nero bwi bwarakei ete dyona bwata. ⁴¹ Hinontarai humbe koiru huntara hurari ro kakami kilangan, bwe kosiri inte kyio kont bwe kosiri inte dyiona bwatapa. ⁴² Ro rabwau yaman-yaman ro au ehi bwe tau bwe ha bwe Tuhanmu de rima bwane. ⁴³ inte, rani ro bwe rihina ro yabwa bwau bwetau ro hapai nie, ro ha robwi de bwe manana inte rima, i' inte bwamaman kont ibwa inte pika yabwa bwau timpapaha. ⁴⁴ Ehe muna rorabwau, au tato bwe yaman ete myuaya romawa hinontarai rima ro atora bwe au ehe bwau ete piyebwa. Abwibwana Bwehanai Kont Abwibwawan Bwehanaibwa ⁴⁶ Dyon hanai kamkat bwe I' bweroan bwe mamara bwau, ro rabwau tuan bwawei rima, tuan bwabwei rabwau dyaryuta I' ro karadyan topano tyopano. ⁴⁷ Interimuna, yau tato bweau ro paityuan bwabwe inte ryubwahara bwomingne ryioro bwabwo kuira bweipa. ⁴⁸ Muna, inte nebwomin bwebarui rabwau tito ro hanebwai rarom pui, paityuain pa au rima bwa,' ⁴⁹ Muna,I' ryiepa bwoming-bwoming bwe ehe bwera, muna dyampi dyunun kont, inte bwe maheru. ⁵⁰ Paityuan riaro bwoming bwabwei inte rima ro ha bwe I' bwe miaya mantaun peno kont ro atora dyariut rabwau bwa. ⁵¹ Kont bwe tingkarehi, kont tingkou to tironi ryioro,I' ryioro konta bwemahi-wahi kont hinontarai-hinontarai bweombe nukyiain. ro nu rabwau, inte ibwo bwyiori kont tindyekaki