¹ Ro rabwan, aponma Yesus hinan mihoi tutirei ro nu Betlehem, ro Yudea, rohabwe warnus herodes, ryutpe, myandea hinontarai-hinontarai Majus tindaroreo muran to Yerusalem. ² Rane tirautan,''riodiniei, bwe timah oitulirapei, warnus hinontarai Yahudi pei? wbo, antamdeho pyori peino reno murampuyei pa antandama de antansom bwei.'' ³ Warnus Herodes taraho tato rane, hane papea i kont mahihoi ye tantenang Yerusalem. ⁴ Rabwanto rirur kuit manaru rihina kont sina-sina taurat rabwabwei, dyautan haher tyoruho rasora Kristus timahoi tutirei rope. ⁵ Tipayaya bwei, ''Ro betlehem, nu yudea, tutir timbwui ro anindera wabit topana: ⁶ 'Ro, au Betlehem ro kakopa Yehuda, awepe huho bwahairo putau bwe bwa bwa rawaina ro Yehuda tutir raro au tipu kamai bwabworu peni ma bwe mananu tito rawaina ma pidaduru ne bomu.'''Israel Mikha 5:2 ⁷ Herodes, hihau asisi hinontarai Majus netyoruma; dyebwa bwe mahi kon tyaru tutir ha habweiha pyorini ryaromape. ⁸ Interi dyawan tyoru to Betlehem me tuto dyonto myandao myandehahe nanuhar rioropa rahao myararywtei mora myandama myanberoan bweiyawe waro yau tato yenda yensomi. ⁹ Tintaraho bwe warnus piya bwe tyoru kai, tinda. tindeho, pyori bwe raro reno murani kyar me tira ware wbabwerakao iara mahiho rahora romawa ni ryoro bwa. ¹⁰ Ha bwe tindeho piori rani timarubing, timararising mana. ¹¹ Tisuato rabwa raroapui tiraryut romawa rabwei kon hina, mariai. rawani tin tuan tinsomi tisepar pibwe wint kobwenai ari tirensom, bwe sdankaiker bwei, pirabwau. robwenai mas, robwenai kemenyan, robwenai mur. ¹² Romibwai tintarahao, tindeholo han tintabweri bwur Herodes bwa. bwerama rabwan tyoru tintabweri to nutine tirawa rayan pehi wera. Awana Bwabwur to Mesir ¹³ Hmontarai Majus rane tintabwerianto pateri, rena andobwa rora bwarakat dyanyanweibwe Yusupi ro mi bwau raro medyento,''Tubwaha,wint romawahi kont hinani myanbabwu to Mesir. Myandoro rawane kao. tatobwe auropa mora tutir Herodes kirawer hanetato rayandyeng karawer romawa rani de dyon hanaibwa bwei.'' ¹⁴ Yusuf tibwasa dint romawa bwabwei kont hinani robwi rabwabwei timbabwu woroi to Mesir, ¹⁵ tindo rawane kao Herodes kirya bwaromi mahi anim dera bwe wia robwarahat bwur mananu nabi: ''ro Mesir ihahau neromawani '' Hosea 11:1 Timun Romawa Mawan Ro Betlehem ¹⁶ Herodes retatoa mena rane akakar hinontarai majus tisane wawia bwei pena, pamora dyamomun taryai rabwauto dyawaname timun patin romawa mawang watri nu Betlehem bwene pyori hya koiru to bwou, mahihape ha dyator ro hinontarai majus. ¹⁷ Ranemora mahihape aninder nabi Yeremia piyaya: ¹⁸ ''Hinon raupuibweratuma ro nu Rama, bwori kont rekaru bwe tarya ran mahubwa. Rahel dyembori antumbanaan tryoru hiraiehi dyawyawi pe tutir ehi riorobwato.'' Yeremia 31:15 Awana Tabweri to Israel ¹⁹ Raka Herodes kirya, Yusuf reho ro mi andobwa rora warakat dyawana dyanyawei wei ro nu Mesir, ²⁰ tito,''Tubwaha wint romawa kon hinani myantabweri to hakopa Israel tutir hinontarai debwe muni petyoru tingkarya ting kaito.'' ²¹ Inpa rorabwau tibwaha dint romawa bwabwei kon hinani tintabwe ri to kakopa Israel. ²² Bwape taraho Arkhelaus ryutmuna ro Yudea riwan Herodesi, pamora tama''Yusuf mitai kiraidintiampe tutir minreho dyandera bwei, rabwau riabwerato nu Galilea. ²³ Yusuf hyua ma ryoro bendar bwe hanomi Nazaret bwaro mahiro anindera Nabi,'' i tirapoibwe hinontarai Nazaret'.''