Hyahan Yesus Kristus ¹ Andyaun hyahan Yesus Kristus, Daud antu, Abrahami antu. ² Abrahami mora Ishaki tama, Ishaki mora Yakub tama. Yakub mora Yehuda tama tya netavau tioru. ³ Yehuda mora reres tama tya Zerah, tisinami hanompa tamar, reresi mora Hezroni tama. Hezroni mora Ram . ⁴ Ram mora Aminadab tama, Aminadab mora Nahason tama, Nahasoni mora Salmoni tama. ⁵ Salmoni mora Boasi tama, hinani hanompa Rahab Boasi mora Obed tama, hinani hanompa Rut. Obed mora Isai tama. ⁶ Isai mora raja Daud tama, Daud mora Salomo tama, hianani mora Uria hawa topara peina. ⁷ Salomo mora Rehabeam tama. Rehabeam mora Abia tama, Abia mora asa tama. ⁸ Asa mora Yosafat tama. Yosafat mora yorami tama, Yorami mora Uzia tama. ⁹ Uzia mora Yotami tama, Yotami mora Ahas tama, Ahasi mora Hizkia tama. ¹⁰ Hizkia mora Menasye tama, Menasye mora Amon tama, Amoni mora Yosia tama. ¹¹ Yosia mora Yekhonya tama tya neta vau tioru, ravaumo timbe womin to nu Babel wani pera. ¹² Timbe womin ro nu Babel wani kai, Yekhonya mora Sealtiel tamo, Sealtiel mora Zerubabel tama. ¹³ Zerubabeli mora Abihud tama, Abihud mora Elyakim tama, Elyakim mora Azor tama. ¹⁴ Azori mora Zadok tama, Zadoki mora Akhim tama, Akhimi mora Eliud tama. ¹⁵ Eliud mora Eleazer mora Eleazer tama, Eleazer mora matan tama, Matan mora Yakub tama. ¹⁶ Yakub mora Yusuf tama, Maria mawan ve vyut peina. Raro Mariai diavin Yesusi, veve tisavei ve Kristus. ¹⁷ Impa, Abraham ne hiahan mbau kuira aianta ro Daud, hyahan pe haura heha at tya ro Daud ra rainta ri timbe womin to babel pe haura heha at, tya ro timbe womin to babel vau ra nain to Kristus vau hyahan pe haura heha at. ¹⁸ Ro rane, Kristus Yesus hianng mihoi tutirei topa rane. ha, Maria hinani ni ve hano ve Yusufi, hundoro kikuira vami, dya hihyoha ro ryu aninu ve mamara. ¹⁹ Mena, hawani Yusufi hinongtarai veve mahi dina tya kirai dyon mariai mimaya ro kawasa kuirape, Yusufi de dyoni taveri asisira. ²⁰ Mena, Yusuf hanetato pi ravau, remua, varakat ne malaikat rimai rehoi ro mi, me tito,''Yusu9d, Daud antu, mutai vut mariai pe vavo romawa vero hanewai wani vo ria ro ryu aninu ve mamara ma. ²¹ Imbe muhei tutir romawa mawan pehi inte wau ei hanompa ho Yesus vo andi peno dyupi tetau sasar tau vero kawasa tantenang. ²² pitau ravau rama varo veve varakat ne nabi tipayay vau; ²³ ''Miandea, vyeru vavaru pehi imbe dyahihyoha tya imbe mihoi tuti romawa mawan pehi. imbe tisau hanom bau topano Imanuel,''tato rani de tandiwani mora reptu topano: '' varakat ryokan tatoru'' ²⁴ Yusufi tipare ro ena vau ma, dyona parari varakat ne malaikat anindera mantaun vei vau, ma kyo Mariai ma vyuti, ²⁵ mena diena kon mariai va keao mihoi tuti romawa mawan vavei, inte, Yusuf hyauwei hanompa, Yesus.