¹ Yesusi interi sanyau pitau wawei a kaipena,Tito we netapa hioru, ² "Minasiwiai wae ha koiru munamo ingkai tasua wu ha baba we minaroha mamehari, kong Romawa mawang Hinontarai ingkai hironeia hiyawa ro aitaba." ³ Manu baba kong paituang pandura Yahudi ingkai hingkikuira ro mananu baba Kayafas. ⁴ Kong interi hioru kuira hisanetatuata tei hintapu kong tei himung Yesusi ro we ahihira. ⁵ Tutu hintato me hirainto,"Ro ha baba newo wihengkei,wo sonane mamuna peha ro hinontarai we pauwauhiorupe." ⁶ Yesusi ria rio Betania ro manu Simon hinuntarai we hiuhi paputa, ⁷ Mihoi sawahiwaro pata we tariai,wawing pehi riama kio kendi pualam we sonung tutu maning we wiwiwai tariai,kong biari maning pai ho Riu kamipai. ⁸ Mena netapahioru hindeho torawau impamora hingkahiou me hirainto,"Pinahai sonamo wong pinong maning wawei ? ⁹ Ninei wo tambowei mo ne aiwayangwawei tiriai me tarona wepe hinuntarai we hine piwa wau hioru." ¹⁰ Mena Yesus,reweroang rawau,impamora tito mesainto,"Minandeho minarona wawing ranei hiseung pe? tutu iwo song piwe piboki we Jau. ¹¹ hununtarai we hine pyehawawau hioru hinda hindo kong mintoru. ¹² Tutu tei hi maning wawei to Noutarai nei,mo iwo sona pampong ho Yau to aisata wanea. ¹³ Itato tato tarainei we mintoru,tonehane naria muna weraung Mamarang himbuwuei to nunei haware kahiu,pinahai wawingnei sona rane ingkai hindu arari ho wawing ranei tato." ¹⁴ Interi hioru kosiri ro Yesusi nepahioru, we hanong topeno Yudas Iskariot, riawu mananu babaiho wau hiorua ¹⁵ Tito me saito,"Pinahai ingkai minarona we Jau me yong Yesusi wu mintoru mantu ?" Hirong hawaweri pe piarehi heha haura wureia. ¹⁶ Ro harawau to hyerai rai rayang imbaromi song Yesusi wu mananu babaiho wau hiorua. ¹⁷ Ro ha retenang ro ha baba roti we himpare boaha mambenetai pahioru hinda wu Yesusi a hintato weime hirainto,"Ropenehane Wainto anarong pi we tarangpi roroi ro ha babane we Au ?" ¹⁸ Tito we hioru me sainto,"Minanda to bendari wu hinontarai we piana Ikamana wei,me minarainto,"Wesanyau antoruwanei,"Hane piana rama kikeuto. Yau kong no neta ne hioru ingkai tei anarong ha babane ro manu nemu pai." ¹⁹ Neta pahioru hirong parariape tato we Yesusi piyapa,impamora interi hirong ha babapa. ²⁰ Rowi pa tei rama,Mihoi kong netapa haura heha koiru pahioru. ²¹ interi himahoi hirampi,tito we hioru me sainto,"Itato we mintoru tutu mintoru ehi song marawa we Yau." ²² hisanerarong papea kong hirautang we Yesusi,"Yauete Yau wae mamarang pau?" ²³ Yesus tito me sainto,"we hioang warampai to paruahi pai rarong kong Yau pai anti ingkai song mara Yauwapa. ²⁴ Roma hinontarai pai ingkai ria,parariape we hingkamana Weipa. Mena marawawe we ingkai tei song mara Romawa Hinontarai pai ! wiheng wei tei hirawing weriei." ²⁵ Yudas,hinontarai we song mara Yesusi wa tito me sainto," Yau to ete Rabi ?" Mantau Au puyapa." ²⁶ Interi hirampi,Yesusi kio wariang ambe pai,tito hoi kong wara raweine interi piobabahuei.Wiwo tatera we netapa hioru kong tito we hioru me sainto,"Minangko,minarang.Ranemo Noutarai peina." ²⁷ Kio cawan wawei reto wawong me sewara,interi sonei we netapa hioru me tito sainto,"Minarunung kui cawani ninei. ²⁸ Raneiwo Nou riah I'kamanei peina we tiwowu we piriri tata ro nunei wawong. ²⁹ Mena itato we mintoru,Ingkai Yunumi munawa kea hawane tei Yunumi munamo ro hawe Imahoi kong mintoru kuira ro Iyai ne mananu wane," ³⁰ Tei hindoi rarung,hindato bongkori ro Zaituni. ³¹ Ineteri Yesusi tito we hioru,"Mintoru kuira ingkai minandawaruhi Jau rorowi ninei tutu Jawena,tutu himbui kamana,Yau ingkai yongbu wewe rio saung Domba pai ingkai sapai tatera . ³² Mena interi I'tawaha, Yau ingkai I'ra pampong mintoru to Galilea." ³³ Mena Petrusi tito we me sainto,"Tei hingkai hinda waruhi Aumo,Yauwo irawaruhi Au parawa." ³⁴ Yesus tito we Petrusi mesainto,"Yau itato wea au tarai watang tutu rowi ninei mankuei mawang sona wami,piana guaha Yau we botoru to." ³⁵ Petrusi tito me sainto,"Topenehane o Yauwo Kuriamo I'karia kontau,kong neta eha pahioru hintato tuwara paria petrusi titowau. ³⁶ Interi Yesusi ria kong hioru to nuwe hanong topeno Getsemani kong interi titowe netapa hioru me sainto,"Minamahoi ro rane kahiauta me I'ra kahiauta ra Rou karanduna." ³⁷ Yesus kio Petrusi kong Zebedius ne romawa koiru pahuru kong interi Yesus hanerangpai pipea kong me saiduh. ³⁸ interi tito we hioru me sainto,"Riuainunungnei pipea me tei I'karia .Minandoro rane kong minaramang kong Jau." ⁴⁰ Yesus tiweri wu netapa hiorua kong sariu hioru mo hirena impamora tito we Petrusi me sainto,"Imbatoe minaramang kong Yau jam kosiri wae ? ⁴¹ Wamang kong Rengkaruna imbaromi remuho hu wu we marawa wane ampe.Minandiu ainung ne wo supa mintoru,minanutaraiwau payawa." ⁴² Yesusi ria muna rekaruna we bokoiru ,tito me sainto,"I'Yaie tei wemarawane ra warihu Yau wamo to junung Whang paiwa,mena wihyengne parariape wewe Hanemu tatuatapa." ⁴³ Yesus tiweri nariamuna mena sariu hioru mo hirena,tutu hindekami wau mamba. ⁴⁴ Interi Ria waruhi hioru.Yesus rekaruna naria muna we botoru wawei ro tato wemahi parariape tato we titoa ro reteng wau." ⁴⁵ Interi Yesusi ria taweri wu netapahioru nariama kong tito we hioru me sainto,"Tei minarena rahie ? Minandea wo hape ramato kong ingkai Romawa Hinontarai ingkai hironei wu hinontarai we hintata pahioru. ⁴⁶ Minantawaha,Minandama tanda .Hinontarai we mira Yau wapei kikieuto." ⁴⁷ Yesus tito pena,Yudasi hinontarai ro netapahioruhana riama.Hinontarai we himpau pa hioru hinda kontei,hioruwo mananu babiho ro manu mamarang ro hinontarai Yahudi.hinda tutu pi masasung kong wonduwa. ⁴⁸ hinontarai we ingkai mira Yesusi wawei ingkai song kamana we hioru,me sainto,"Hinontari we houpehoipai mo Ananto,minantapuri." ⁴⁹ Yampaeno ria ma ho Yesusi kong tito mesainto,"Piboki we Au We wanyau Jau !" interi hopeho Yesusi. ⁵⁰ Yesus tito wei me sainto,"Maneta,Womparariape piwe hanemuwawiapa."Interi hintapuri. ⁵¹ Minandea, hinontarai we ria kong Yesus sakara riu ne pimasasung ,me semperangkutu Babaiho pehi tarakambireipa. ⁵² Yesus tito me sainto,"guong nemu nyoipai tieri to ne wawinta paia tutu hinontarai pehi tei riuwaha nyoi pehi pa ingkai kiria tato ro pimasasung. ⁵³ Mutai sona I'hahau we I'yai, kong ingkai samiha himberebe haura heha koiru himbe raima pe ye ? ⁵⁴ Tei tope rawaumo ingkai mamarang ne tatonei ingkai ria sihangwa,Impaena toperawau peno ?" ⁵⁵ Ha yampa Yesus tito we hinontarai we pau,"Toperawau toe minanda we Yauma mo minangko pimamunama tei minaremung Yaue mena Yauwo wewe I'marawa tiYauwa? hane mahi I'mahoipe Manu mamarang wanei me janyau mena minantapu Jauwa. ⁵⁶ Mena ranemo ingkai toperawau parariape we hingkamana wataro weraung Woming baba pahioru."Interi nepahioru kuira hirapai tatera waruhuei. ⁵⁷ We hintapu Yesus wau hioru hingkowi wu mananu babaiho we hanong topeno Kayafasi,nuwe manau baba ro Yahudi wau himpandura. ⁵⁸ Mena Petrusi supaRei a hope mananu babaiho ne manu warareipa.Hua ra mihoi kong we hindoro hisahi Yesusi wau hioru. ⁵⁹ Impaena mananu babiho agama wau hioru hiserai piwe himpaya imbaro Yesusi himuni. ⁶⁰ Mena hirariu rayang pehawe himungni wa.mena interi hinuntarai koiru ⁶¹ hurainto,"Hinotarai ranei tito me sainto,"ingkai sota manu mamarang wane me ingkai niari taweri ro ha botoru." ⁶² Mananu baba pai soha tito we Yesus me sainto,"impaena nemu tatopeha wempaya kaman piwe hirautanau tutura rane wae?' ⁶³ Mena Yesusi aihihirei.Mananu babaiho nei titowei me sainto,"Yau itato tatone we au,"Ro Allai wewihieng puya we antoru Au wo Kristusi,Romawa Allai." ⁶⁴ Yesus tito me sainto,"Mantau au puyapa.Mena I'tato weau ro hanei tutu ingkai minandeho Romawa Hinontarai ingkai mihoiro sowatang ro wene Mambri me ingkai riama ro mandipu ro rora. ⁶⁵ Interi babaiho mananu Yahudi wawei riu ne hasumwau me tito wei me sainto,"I'wo piana tito wawi Allai to,pinahai tei tarautana wei munmpa? Minandea, interi minatara tuwa titowau. ⁶⁶ pinahae minasane tatupa ?" hintato me hirainto,"I'wo tamuni Kiria." ⁶⁷ Interi hindoati ro rekamipa ro himbaramipa, ⁶⁸ kong hintato me hirainto,"Puya we antoru,"Auwo Mesiasi .Me mateiti rioa taupa ?" ⁶⁹ Petrusi mihoi ro wondi wau ro mananu babaiho wei ne wararei wau,me interi wawing pehi ria wureima sautang nei,Au wo ruakontape Yesusi hinontarai Galilea yampei." ⁷⁰ Mena piora ra karia me sainto,"Yau wo ihiwiai wa pinahai minantaho pa." ⁷¹ Tei sadai weriei ria towondi ,wawing pehi ria nariama rehoi pamora tito weime sainto,"Hinontarai ranei tato ria kontape Yesus hinuntarai Nasareti." ⁷² Saha naria muna me sainto,"I'Pora ,Yauwa jau I'hiwiai ho hinontarai yampei wa." ⁷³ Wepira katumora hinontarai we hiroha ro wondiwau ehi ria ruranei me sainto,"Auwo hantia Au tutu rope tutoneaina. ⁷⁴ Interi samunduiya kong piora me sainto,"Yau wo ihiwiai hinontarai yampeiwa,"kong katukei mo mangkuei mawangpai sona. ⁷⁵ Petrusi haneaho tato we Yesusi titoa wei me sainto,"Mangkuei mawang pai sona wami mo piana Guaha Yau we botoru." Interi Petrusi riawaruhi rawau me Ria wiori to wondia.