¹ "Toyampa, roroyahei pirari wawing haurawe hingko ma hinda hiraniang romawa mawangpai. ² wawing ne himbe ring hintato himbering hisanewa ya. ³ Toyampa, boringwe hintatapa hioru hingko hinemapame hingko kinemaripehawa. ⁴ Mewehisanewayangpa hioru hingko hinemanimparo bui-bui antitui kong ma hinembau hisaneaeho piehawa. ⁵ Toyampa, mawangnei riamiraruwapaeu ayerapai song horupaena hirena. ⁶ Toyampakea roweiabuang hisahau,'hiranta mawang rei rimateto! impaena minamatina mintaramani !' ⁷ Interi, wawingnehioru hintawaha hingkairaho hine mawau. ⁸ Mewehintatapa hintatowe wawingbe hisanewayangpa hioru mahirainto mintaro manane maningpa katehawe antoru tuti ma antanene teimayoperane.' ⁹ Mena, wawiwe hisanewayang hirainto, wihengkei, ingkai mahiha tatoruwa. Makeito minandawu wewehimbowa maningmena hioru imbaro mimbo ri ehawa mantau mintoru.' ¹⁰ Toyampa, hindwe tei himbori, kumahi mawanei rima, wewehiramanipai hioru hisuato anani didau pai hisuhi aturareipai. ¹¹ Interi wawingpahisahau mananupa au huepa aturareipa weautoru.' ¹² Interi, titowehioru, mesainto topeyampa yauwo irouweroang mintoruwaine.' ¹³ Topeyampa, ingkai mintaramamangwo ingkai minasiwiai hapawape." Sosiauwe Hinontarai torupa hioru himpayei ¹⁴ 14 "Rorayahei, pirari hinontarai weriato mupehi, mehihau womipa hioru kioru sona pihinempa hioru. ¹⁵ Toyampa, sonawe hioruehi talenta pe boring, sona talentape koirumuna ehimuna, sona munawe ehimuna kosiri muna, mantau kirona parari hisanehopa, toyampa hingko hinda. ¹⁶ Hinontaiwene talenta boringpai ria wiuaruapamo, sariu boringmuna. ¹⁷ Toyampa, wene kosirinei sembawu nempa sariu koiriu muna. ¹⁸ Toyampa, wenekosirinei ria hirai kambiroi sata nempai, kosentariwa doipa. ¹⁹ Toyampakea, woroi manupai, ria sautang hioru. ²⁰ Toyampa hinontarai wene talenta boringpai rima sanyawa boring sariuta munawauwe mananupai.' ²¹ Toyampa, manupai sainto, pibokiwe womiwe hunaipau ingkai hunairo piwe antitui rua huato rarong mararising wenei. ²² Toyampa, kinontaiwe sane talenta koiriupai rima weroana mekoiruwe sariuta munawauwe mananupai, mananupai, sainto pibokiwe womipa au, Au womiwe wonanuharapau. mananupai sainto au wowiwe wonanuhapi, interi hanemu maitui rua huaro rorongwe mararising wanei.' ²³ Mananupai sainto au womiwe wonanuhari, pibokiwe au ruma huaro rarong marisingnei.' ²⁴ Interi, hinontarai wene talenta kosiripai itato rima tito me sainto, babahihopa awene yauwo iroho auwo wonghihiangpi, kuopiororahora wetuntanang rorowa. ²⁵ Torawaupa imataipa ira yaniwa talenta mauwoweiro kakopawawei impaena ingkai remuho piwe parari nemu. ²⁶ Toyampa, mananuwawei titowei sainto, au womiwe, mumunatian kong wompiwati au ! minandeho yau ikopiro nuwe itautang rorowau kong ikororo nuweika kiyakaremangpa. ²⁷ Toyampa, mintarongkui hawaweriwe waro manuwe hirongpi wataroroi, imbaro itaweri iko konta wewehehapa. ²⁸ Interi, minangko talenta kosiriyampaiya kiong wene kosiripai imbaro somawie pine. ²⁹ Ingkai, wehinempahiru ingkai hirariutamunadahi, ingkai hine pitaupampang. menatopeyampa hinongtaraiwe hingkiari, mepipanehae hinempa minangko. ³⁰ Me, minangko womingwe himaiwa yampaiya minahiheito weberorang we hanaiwa. Roronuwe tamahoi tuti tandekoru rowi reka." Hiera Wemahipa kong Kumahi Allahi ³¹ "Kateha kumahiwanei riaro wemararising wane ingkai Allahi song newomi mamarang hiruhareima ingkai, mihoiro patawe hanai. ³² Kawasapai hingkai kikuiwaro haropong, imbaro song hioru tatera parari wesaung piaung domba kong kambingpa hioru. ³³ Interi, song Dombapa hindo sowatang, kambing hindo sokaning. ³⁴ Toyampa mananu babapai titowe wenesowatangpa hioru, minandama, tuti mintare iyai soyaho mintorupa. ³⁵ Imbaro yei iwariwang, mintarong roweangwe yang tei rauhanaya mintarong marewe yunung woyau hinontaiwe iraro nupehiwu mintoruma. ³⁶ Toyampa, hamau kakawiri mintarong hasungwe yau, tei ihuhi minandeho yau, tei iroro manu wangka minandawa yauma.' ³⁷ Toyampa, hinontarai we mahipa hioru hirantang Allahi antungpai, tei anandeho, wuriwang matei, song roweang, kong raungmu kanaya matei song nau wunungpa ? ³⁸ Hapanehanti, anandeho au hintaiwe ruarohama hua menentarai kakawiri ingkai matei hisung naupa ? ³⁹ Hapanehanti anandeho huhi kong ruoro manuwangka ingkai anandawurau mantu ?' ⁴⁰ Mananu babapai tito sainto, ipayawe mahine wemintoru. topenehine mintarong namuha piwe antitui imbaro miutarong parari mantau mintoru.' ⁴¹ Interi ingkai tito naria we wehindaro warang sokaning pa hioru,"Minanda waruhi irou rorone, wewe minamarawa minandanto aunang we sang pampang wanei we hironehi we hinombatang wanei kong ne nemanatau wane hioru. ⁴² Tutu iwariwang mo minarong yau yampi wa. ⁴³ Yau we hinontarai irama ro rahora nemuparena wong yau ihuawa ; hamau kakawiri mo minarong hasung weha ihasuna wa, I huhi kong iroro manu wangko mo minandama minandama mindeho Yau wai. ⁴⁴ Interi hioru tatomo hintato me hirainto," Babaiho pau hapanaha hanti anandeho Au wuriwang, raung hanaya, ete ruma we hintarai ambe , ete huhi ete hamang kakawiri, ete ro manu wangka kong anandama anarong nanuhara wane ?". ⁴⁵ Interi, ingkai tito we hioru me sainto," I'tato taraine we mintoru, parariape mintarona wawau we hinontarai we himoha rane hioru, mora minarona we Yau penanto. ⁴⁶ Kong, rane hiorumo ingkai hinda to Autang baba wane, mena hinontarai wehimahi, ingkai hindanto wewihyeng kea woroi mantaung wane".