¹ Interi, Yesusi tito we hinontarai kong ne netapahioru, ² Mananu agama kong hinontarai we hindoa ho werau mamarang nei wawau hioru himahoi ro Musai pata we mihoi roroipai. ³ Toperawau pamora, pitaubai, wehimpaya we au, wompararia kong rentitoata. Mena ingkai remuho wong parari piwe hironapape, tutu hintatoa me hiromparariawa. ⁴ Hingkare kepang pi we mamba kong hirona wata ro himontaraipeha himbatadara. Mena ingkai, mantau hiorumo hingkararapi hiromberi wemambawau ro himbara kea waupe. Hirompitau rawau imbaromi hindeo. ⁵ Hioruwa hirong torawau himbaromi hea hindeo hioru tutu piwe hironawau mo hirapanding hioru. Hirong wai wau tambaing ro hasung we hisasuna wau me hirong maranding hasung baba we hiresomia wau. ⁶ Hioruwo himararising nuwe ro koyasi we hirampi kuira roro wu Allai ro manu mamarang. ⁷ Hirong tato we pibokiwau ro hinonde we pau, kong hisa hau hioru we wehiranyau romawa. ⁸ Mena, minandeho hisahau mintoruwe we hiranyau pe tei minane we sanyaupa kosiri mo kong mintoru mo minambe mambenetai. ⁹ Menandeho minasahau mateimunampe we minantamamiwa I’wo anti rio rora. ¹⁰ Minandeho hisahau mintoruwe babaihope tutu, ninane babaihope kosiri I’wo kristusi. ¹¹ Mena, webiba ro mintoru peino, wetei wewoming we mintoru pai. ¹² Mateiti sainto tiriapa mo ingkai tiwawa me mateiti nindu netaraipa mo ingkai tiriai. ¹³ Marawa we mintoru, mananu agama kong hinontarai we we hindoaho Romawa hinontarai paiwa kong hinontarai hinuaho Allaiwa ! Mintoru minasuhi aturarei baba rorora tutu minasua roroiwa tato kong mintoru tatomo minaramiha wetei hisau pahioru hisuawa. ¹⁴ Marawa we mintoru, mananu baba agama kong hinontarai we hindoaho Allaiwa, kong hinontarai we minanuaho Allaiwa ! Mintoruwa minasu wu manu wawing kabong me minangko hine pi me minande karuna woroi we hioru. Impaena mintoruwo ingkai minarariu airaroa we mambabati. ¹⁵ Marawa we mintoru, mananu baba agama kong hinontaraiwe minandoaho Allaiwa kong hinontarai hinuaho Allai wa, minarari rawanang kong wuwa me minangko hinontarai ma hiua minane agama wawei tei hiua kong mintoru mo minarona ingkai weromawa naraka, we koiru kawaru waruhu mintoru. ¹⁶ Marawa we mintoru, we minambe babaiho mena minande kabe, we minantatome, “Mateiti piora ro wahang manu mamarang, rawauwo ra ariu we manu mamarang, rawauwo ra ariu we mahipehawa. Mena mateiti piora ro wahang Emas manu mamarang, I wo piwe piori roro yampa karehi. ¹⁷ Mintoru, we minantata kong minande kabe ! nehai babapa, Emas ete manu mamarang waweie ? ¹⁸ Kong, “Matei piora ro pata wero manu mamarang tampora we torawau ra ariu wemahi ha wa, me matei ti piora wu piwe sona sesomiha ro pata yampai mo mantau kire kepang ne papora yampa. ¹⁹ Mintoru we minade kabe, nehai babapa, piwe wesomiha pa ete pata wesomiha pa ie ? ²⁰ Tei toperawaumo matei piora ro pata ro manu mamarang, mo piora ro pata pai tapu piwe waro pata pai. ²¹ Kong mateiti piora ro manu mamarang, mo piora ro manu mamarang pai tapu rioro manu mamarang pai rarong. ²² Kong mateiti piora ro rora, piora ro Allai ne Khayasi, kong piora we wemihoi roroipa. ²³ Marawa we mintori, mananubaba agama kong hinontarai we minadoa hoiwa kong we minanua hoi wa ! minarong pihaura we Allai ro selasi, adas manis, kon jintan mena minarong raweina piwe mambara weina Musai kanang, we sopeno wemahi, tasaneho hinontarai, kong werane ai minaronapa, kong minasene ka ehawauwa. ²⁴ Mintoruwo, babaiho we minande kabe minarena, weminariri aimaning kong minantoang rusa pehi. ²⁵ Marawa wemintoru, mananu baba agama kong hinontarai we minadoahoiwa kong wewe minanu hoiwa ! tutu, mintoruwo kong paruahi kune wondi wau. Me rarong waweiwo sunung tutu piwe minarapaua kong piwe minarong amuna. ²⁶ Mintoru, hinongtarai we minandoaho tatowa me minande pipu, minandoi papi nyopi kaini kong paruahi rarongpa kainteri wondipai ingkai mantau kiaha kei. ²⁷ Marawa we mintoru, mananu agama kong hinontarai weminandoa hoiwa kong we minanu ahoiwa ! tutu mintoruwo minanparari aisata we hisimari biuha, ro wondi tandehoi mo himai, me rarong wawei wo sonung tutu wekaria nehima kong kai marawa. ²⁸ Topeampa mintoru tato, rowondi ro hinontaraiwau mintorumo minasanai mena minasane rarong waumo minamara kong minanmahiwa. ²⁹ Marawa wemintoru, mananu agama kong hinontarai we minando aho tatowa, we minanua hoiwa ! tutu, minambaung aisata woming baba kong minasima hanai, me minantato. ³⁰ Minarainto, “Parari anambiheng ro pampong yampa kong anene paituang pampong paa hiorumo, ingkai anangkotawa ro hine riapa. ³¹ Toperau mintoru minampaya kamana we minane tarai minane tutu mintoruwo ranawa ro paituang we piana himung Allai newoming pa hioru. ³² Impaina, womparari aitatoa ro wworiai pa hioru. ³³ Mintorowo hyahang ro tawai, ro aiwawing tawai impaena topenehane mo ingkai minantapira waruhi aunang babawanei ? ³⁴ Tei toperaumo minandeho, wau Yau jamiha woming, hinuntarai we hisane wayang, kong mananu agama hindawu mintoru mantupa. Himbe botonehawo piana minamung hioru hisawa ro aitaba, hea hioruwo minandoa hioru ro manu mamarang, kong minaninya ang hioru ro bendari peha to benadari peha wihei. ³⁵ Imbaromi ria roh hinontarai we himahipa hioru we tawowu hararu nunei wawong ingkai radu mintoru mantu, rope ria Habel hinontarai we mihi, Raintaho Zakharia romawa berekhya we mimanuni ro manu mamarang kong patara hunurabuyang. ³⁶ Tarai kahira peno itatoa we mintoru rane; tutu pitauwe rawau ingkai rama wepehyahang waworu. Mamba we wia wu Yerusalem ³⁷ Oh Yerusalem, Yerusalem we mung woming baba kong huo hioru ro piwe maitui ro yamiha hioru wua mantu. Hanou sara we yainto irama iruri panduinemu romawa pahioru parariape mangkuei wawing wewara wiso neromawa pa hioru ro warawawa, menaminangkararapi. ³⁸ Minandea, manuhepe tura mananopi. ³⁹ Tutu, Yau ipaya we au me yainto ranemo, mintoru ingkai minandeho Yauwa keio minantato me minarainto, “Wewihengpa tei wia wu We hindama ro Piami hanongpa”.