RAYANG BABAMAN TAUNG PARARIA PIWE TARONA ROMI ANGGUR HUUWANU ¹ Topeno Kerajaan soroka topena pararia wewe neromi rehama tutu rehama ya sara piwe cona romi angguri. ² Topena I kyata soru hentato kuira kota wewe ne karajang baweipai soru nekarajang sedinar ho wewe cetatang hendato romi angguri wana ³ Wawei topenang roro piretia obawei webotoru I ya yeho soru ceha bahwa wou soru waweimo herona pampinoma roro nu we hempurei roro. ⁴ Yoh, inte teto wesoru, mintoru, mintanda tato mintoru mintanda romi angguri pineha wara parariane yau pineha yamawe mintorune, soru wehend. ⁵ Rara wou mo pararia wene bonang ciara cona rayang wewe mahi kuira. ⁶ Rara teriah terena we haura heha bohiri nei henda tato heraduta soru ehawawei sorumo, henda herohamo inte tetoho soru, Topi nehaoi mintoru mintanda mintaroha wawei pampinoma maroning hembabanei? ⁷ Soru hentato we mintoru, wo tatopeha wawung soru ehawamu ehasoru henduara karajang newamu ananto. penilikan romi kota tetakang tetoa mintoru wenerominei tetowe mintoru wara pea hentara tatera romi hengko angguri. ⁸ Soru hawaei hendakia rawui, hewe nerowi teto wesoru wewe yususoru wawei, hesahou wenekarajang wawei wyei wesoru wamung hakarajang wou wesoru haretenang roha retenang rorowaeiya kaiao hawerama harapko bohir dinar haura ketikar. ⁹ Soru wouki inte wewe herongkarajang piretitoa eha hembe haura heha bohi hendama tatera hengkao hene doi haura dinarwou. ¹⁰ Impaina soru henda herona karajang pampam soru tantoru hengko henda. ¹¹ Soru hengko henda hentato wewe neromi wawei. ¹² soru hinyontarai wou soru we hendama hesua pipui neha bohiri au ona soru pararia antoru wawei mayambati pama opai antoru koa hababa piyampi. ¹³ wawei topenang neromi teto pea soru wawei neta neneta sorehi bohi netapehi yau nokarariha kota mintane wawei kuira. topena mintoru mintanto mahi mintako dinar bohi. ¹⁴ pineha nemupa interi onama pineha yau ehaneahoto yona we nemu hinyontarei we yapipuima interi topena peraria mintoru. ¹⁵ topenane yau imba waweimo taraduta tarentona yautato yau epaya hahuara mintoru nompa mehari, topena rekami worawa rayang wewora. ¹⁶ topena wawei pipuima rama pempona tantoru wawei pipui pempoma we antoru wewe rapipuima interi koa rapampong. YESUSI TETOA KOA PARARIAPI KAYAMBOU ¹⁷ Tandeho Yesusi interi cia weina to Yerusalem I kio tane hinyontarei haura heha boru hendehoi waewi hembehei hempanduri hentia hentato koa wesoru. ¹⁸ Mintadema tantorutantia tatera to Yerusalem hinyontarei wwe heronei hera manau imam-imam rukami paya Taurati soru hentapuri hentato hoi tutura kayambou. ¹⁹ Topena soru hentato heroneiya interi hinyontarei mambri Yahudi hengkakani hendarai ro aitaba wawei hawe botoru I cambahari waruha kayambou. TATO WEHEMPAYAYA AWINI KOTA POI-POI ZEBEDEUS ²⁰ Retenag awini pau poi zeberdeus hengkota poi parari au hendama kuira Yesusi hentato tutu herewara pieha kota Yesusi. ²¹ Wawei Yesusi teto purei tato mintoru pinehei mintoru mintasaneahopa mintasane kakepana awini tetoho tantoru tansanekepana tato topena poi waruha humaho roro numamarang ehi wiora cutang comweri. ²² Topena wawei, Yesusi teto hahuara we mintoru impaina topena interi taronghahuara pineha koa mintoru wawei. Topena mintoru mintapayaya tarunung rumang topenng tarunung, soru hentato we Yesusi interi antoru antapayaya we au. ²³ Yesusi tetoa tato wecona wesoru topenag kuira teto wetantoru manu interi rumang Yesusi conama wetantoru topenama soru hemaho ro ceutang cowiri ku copenang wanang baba netatope nangkuira yiara warambang weworapama topenang we tantoru manu interi soru heramang tawa we Incai. ²⁴ Wawei hembe haura poi anyau wou soru hentaraho peina soru hembora humbe boru huntarahahuara ho soru wou. ²⁵ Topena Yesusi hehou wesoru tetowe soru mintadeho topena interi hendoru nunei wawei yuhahuara soru tato soruto hinyontarai baba tutura pitau wawei antatamamu tutura piantane wou. ²⁶ Topenaranto ehawa herona roro we mintoru wawei matei henempa, matei bebapa wawei roro soru. topeng au hinyontarei werukuira antoru. ²⁷ Matei mintandehoi i pempopa. ro mintoru topena iwo we hamba. ²⁸ Topena peraria poi mamarang interi yama yuara karajang mamarang topenang taronta hanone cona hasengpa weriwang purei hinyontarei we purei. HUMBE BORU HINYONTAREI HENDEKABE HUMPANANG ²⁹ Wawei topena hembawura Yerikho heroha wicorei baba hinyontarai herontei. ³⁰ Topena boru hinyontarei hundepipu hundama topena humaho ro rayang horare topenang hentaraho wawei Yesusi yama ya soru hesaneaho Tuhan poi Daud haneso antoru. ³¹ Hinyontarai pirai hentatoma soru interi aisihra topena soru hemarising hensahau Tuhan Raja Daud hanenso antoru. ³² Topenang Yesusi coha interi hehou soru. tetoa. pineha mintanempa mintoru mintarona pa we mintoru, ³³ Mintoru mintatato yauma Tuhan antoru antane piehawa roro antande kami hesepara. ³⁴ Yesusi haneho wawei soru interi cekanawaru hohendekami wou heraduta piwe woraro mamarang taweri interi taronta.