¹ Yesusi pea netato parakei, riaro Galilea ra suro rahora Yudea ro hawar cohi mare Yordan pai. ² Hinyontarei tarei we hempurei hero hawari bebe herontei pa soru, interi mantauni cona soru hempana ro waweipi. ³ Hinyontarei Farisi pe hembe eha soru henda hera Yesusi ma herento heronciceitei kota heruitani mahi we mawang pehi cecawa babini tato we mahi wa?" ⁴ Yesusi pea tawerima cento mintataraho we nyari soru retenang boumo nyari mawang konta bawing. ⁵ Teto mae cento mawang pa hembawura engtamamu kanta esinyamui pa soru, wa webohiri kota babini, mae humpandura hunerai bohiri. ⁶ Impeina imbe humbeboru wa mae humbebohi, pinehai Allah cona kikurapa hinyontarei pehi contatera wa. ⁷ Hentato we Yesusi, " pinehai, Musa cona parentah surat cerei manu herembe cerai hene wawing wou?" ⁸ Yesusi teto we soru, cento mintasanepaya karari paina Musa pikara mintoru mintabe cere menurarong wouyang. Ramo retenang pamo toning wa, ⁹ Yesusi cento epabe mintoru, mateici cetawa babinepa, interi bui nari wawing nehi koa pa, hinyontarei yeing cona sinapa. ¹⁰ Neta wou hentato wei, "tope ning mora mawang pai kota wawini, humbu huru waki. ¹¹ Mae Yesusi teto we soru, hinyontarei soru hengkai eha hendaho eha hendaho tatone, ramo imbe herayuta we wera. ¹² Bo hinyontarei wou soru wo hembawu wa wo hesinyamu wau herawung soru mo topena, kota eha soru hembawu wa wo he hesnene karawai, mora eha soru mantau herona hesane karawai mantau soru we karajang soru. Matei wetarima pinimpi, mo we tarimaki." YESUSI KOTA POI ANTITUI ¹³ Interi, hengko poi antitui peha soru bureima, manu riubaha baha parangpa tawena soru kota we cuang we soru. Ramo hesora hinyontarei soru, ¹⁴ Ramo Yesusi teto "Mintampi kara poi antitui pasoru henda wura Yau ma wo soru hene karajang soroka wnei pa. ¹⁵ Yesusi cona warang wou rae rawana ro poi wawei soru, ingkai riawaruha rahora yeing. TOPI NEHA PI HERUTANG WE WORANE PA ¹⁶ Interi hinyontarei pe hiriabura Yesusi ma cutanei "Kurui, piwe wora nehei yonanei manu yeduta mahoro we worawanei pa?" ¹⁷ Yesusi tetowe hinyontarei pai, pinehai utanghone we worapa? pipe bohi anci wiarapa. W ento huru bewora pai onghahuaranetatopa." ¹⁸ Hinyontarei pai cuitang we Yesusi, tato we tono Yesusi peayang taweria, " Reso momotape, renso weu weisahar pe, renso monanapi pe, renso onatato we wora wape, ¹⁹ Tuang we tamaui kota hinyamui kota hanenso eha soru pararia nuntarei nemu. ²⁰ Hinyontarei we boru pai teto we Yesusi, cento pitau we piyampi yompararia, pinehaici we kurang koane?" ²¹ Yesusi teto we, wento imang kokawuri, rua boba pitau nemui kota nemu kuira pa, ona wewe hene piehawa pa, hinyontarei we hembara kakawuri, ingkai mintoru nemu piwe rororarai pa, mae roma ruakota Yau. ²² Interi hinyontarei we boru ne teweri we susahra wo hinyontarei we nepui nampeina. ²³ Ingkei Yesusi teto we neta wau soru, cento epaya we wintoru, haseungwe hinyontarei we hene piwou hesuaro soroka. ²⁴ Ingkai epaya koa we wintoru wo mawa we unta bohiri sua kamrei retipai waruha hinyontarei we nepi wepurei sua ro kerajaan Allah." ²⁵ Netapa hentaraho tatopa toyang painag, henda hesane hahera soru, kota hentato, "Toyang tomo ingkai mateici hembora roine? ²⁶ Kota hendekakepana hinyontarei wou soru, Yesusi teto, "kota hinyontarei, piwe tampayane mo huawa, tankota Allah, pitau yampi pararia." ²⁷ Ingkei Petrus tetowei ya, rena antarona ane pitauyang bata mae antarontau. Impaina pinehi anta raduta ne. ²⁸ Yesusi teto aho soru, "Epaya wemahi ne we mintoru wewe conta Yau ro nu we wora nei, yampi pai hinyontarei mehoro kadera Kerajaani wanei, mintoru tato mintamaho ro kadera pe haura boru. Hesane suku Israel hembe haura ha boru pa soru. ²⁹ Kota hinyontarei we herona hera manu pa wata, heneta mawang, heneta wawing, hentamamu, hesinyamui, hene poi, kota romi rohehanomu pa heraduta seratus kali tangkapara kata hene manu rarong wou maraising pa. ³⁰ Piampi peato: we hempurei hendoro retenang pa ingakai hendo we pipuipa, mae we hendoro we pipuipa he.