¹ Hape bona pirara mo, Yesusi pera Petrus, Yakobus, kota Yohanes neta Yakobus, inte kyo soru hera tato tawui wetayai aemo hemehari. ² Interi, Yesusi yiwan beri roro heraropon doro wau. Camberya wau mo reha pararia pi owawei hasun we hesuna wau buha kai pyopari ware ha ³ Interi, coha mintandemahoyau wo Musa kota Elisa huroha huntato kota Yesus. ⁴ Petrus tetowe Yesus," Tuhan , au wora we antorupa raro nimpi interi yau ekena hoarya pe botoru ehiwe Yesus au ehiwe Musa ehiwe Elisa.'' ⁵ Impaina Petrus tetowe arepa rawawei mocang canbicorsoru, ruen a nehahehau ro arepa wanei raro peatopening ," nei no poi we ehaneahoi pina yawe mintoru mantu manu mintantaraho.'' ⁶ Interi murit murit hentaraho paina hesomi wei tutura ne payawau ahope kakopa impaina hematai. ⁷ Imbe Yesus yama manu contuta soru, pea topening mintarona wae mintandeho mintamataipe .'' ⁸ Impaina soru hempowaha soru henda towawo soru, hendenamo hendeho ehi wawiri, impaina Yesus miehari. ⁹ Harawawei hembiaro tawui, Yesus pea hahuara we soru, topeni, '' mintandeho mintampaya piwe mintandeho wau ehi pewawiri kiao Yesus kea tewaha waruha wewe hengkaya.'' ¹⁰ Interi, ne poi poi we we hentato wa herutani,''impaina ahli ahli taurat hempaya topeni topeni Elia I yapampong ma pea ,'' ¹¹ Yesus pea,'' Elia imbe yapampong mapa manu cona we hesuhi hempanang pea werangwe mamarang we hinyontarai tau. ¹² Impaina yau eruawara epaya weau Elia piangwamato ramo hendeinei wa herong pararia wewe hesaneahowau. impaina tato poi mamarang suhiro hembarararo.'' ¹³ Interi poi we henda kotei wau soru pea we soru we yohanes pembaptis. POI WAU SORU PIKARA SORU WARUHA WE BAI WAU ¹⁴ Interi Yesus kota nepoi we kiyo soru cenyau soru hentaweri to hinyontarai tau, hinyontarai mawang ya hera Yesus ma cuyei yawe hu mehoro aropong rorowau interi, ¹⁵ ''Tuhan, haneaso nopoi waneiyewo suhi reaiya kya cento iwo sesuto antandawei ya. sesuto mare raweiya. ¹⁶ pia ekowi hera nemu poi poi we ko soru ong cau soru ramo heroni penang ba.'' ¹⁷ Yesus peatoni,'' Eh poi amiomang waworu we mintambaba mae mintoru mintantaraho tatowe henda hentata hapeha soru koa interi erama eroro kotau rahi ? hapanehanci ero yemang mintoru ne ? mintanko poipai hera yauna. ¹⁸ Impaina Yesus ceicawa roh we merawa wawei waruhei poi mawang wawei, interi poi wawei penang ropeno harawaweito. ¹⁹ Interi nepoi we kio soru cenyau wau soru henda hera Yesus, hengkotei hemehari herutani,'' impaina antoruwo antarai cawa roh wemerawa tato ramo?'' ²⁰ Pea topening we soru ,'' impaina mintane iman wau babawa. epaya we mahi ne weau, impaina mintoru mintane iman baba pararia sawi kami interi mintoru mintantato we tawui rawanei, wewura rahora nei towana!' impaina tawui rarwawei wewuwara. pieha hesyeung we auwa. ²¹ [ Interi,roh we wyorawauwa nei taraicawari hopi tantuang tantantowe Yesus kota tamaho kaiki,'' tarampiwa.''] YESUS PEA HAHUARA WE KEAMBAU ²² Interi Yesus kota nepoi we cenyawa soru hendama heroha kuira ro rahora Galilea, inte tetowe soru poi hinyontarai heroniaho hinyontarai warararo. ²³ Interi soru hemuni kea tewaharo hawe botoru wawei.'' impaina nepoi we kyo soru cenyauwau soru hesanesiaya soru aba. BUI PARARIA TAMBAITA PAJAK ²⁴ Hinyontarai henda hesuhi Kapernaum, hinyontarai henda hengko hawaweri henda hera Petrus cutang, impaina Guru wanei hawaweri pajak 2 dirma?'' ²⁵ Petrus teto,'' yo impaina suato manu wawei apui Yesus ang teto pampong pa tope neha roro au, Simon? matei ci we mananu -mananu baba roro nunei pa henda herewara doi impaina roro poi poi wau soru wausoru ete hinyontarai hasoru weseite?'' ²⁶ Interi petrus teto,'' hinyontarai ha soru wesei,'' Yesus teto koa we i toyangmo, poi-poipasoru henda pinoma. ²⁷ Impaina manu hentatoho tantoruwa, ruato weru ru waneia hoa maraing tutu deng ciang we poti pampompai kowima waya hwangbawei, (woduta sekepin stater) kodoipi yo ropi humpai kowia Ong hera soru roeha mintane eha.''