¹ Inetri hinyontarei Farisi kata hinyontarei Saduki hendama hereisaha Yesusi herento manu Yesusi reho soru, ho cona pikara we soru hopiwe ro, rorarahei. ² Impeina Yesusi teto we soru wonia tato ro waweimo berorang, impaina mintato, we nuwe makera tutura mapu bomarei. ³ Ro wiarama nei, rohanei, ambe wanangpai pai wia hera tutura ro, rorarahei bomari kota dowi ema impeina pintabe tau tutura rororahei. Topi yampi mintambe tau tutura menang robou wa. ⁴ Tutura tane poi wawora we hemamuna, hemamamota impeina hembe mutu pipa homeri, ramo kamang bohiriki ramo cona we soru wa. Ramo nabi Yunus nenepino impaina toyampi bakpaina wewura. ⁵ Kateha poi-poi hemati ro weruru pai, soru hemparandeni hengko roti hawa. ⁶ Impaina Yesusi yowara we soru, renso hahuara we hintarei Farisi kota Saduki. ⁷ interi mantau hentato kopi wawei ro mariou soru; ronimpi tangko roti hawa. ⁸ Impaina Yesusi yuara mananiu retawana pininto impaina mantu Yesusi yuara, weheneu hahuara Yesusi ne tato wa pihai cunamo mintato no ro mantau mintoru wo roti hawa? ⁹ Impaina, ro mintoruwo pia mintasane parandeng roti boring bou toe we yona mo lima ribu we herang pa soruwe, tutura newa pitau we herduhi kuira we batawan. ¹⁰ Kota roti boitu yona empat ribu hinyontarei herang pa sowe interi nawa pitawa we mintarsomi we mintanduri kuirawou. ¹¹ Impaina nimbo minta saneaho piwe ipaya komintoru ko roti ete imbah eh? impaina mintadehi pi ragi ro hinyontarei Farisi kota Sduki pa soru. ¹² Impaina interi hento tarei Farisi kota Saduki herento roti ragi minai peayaba. YESUSI IWO MESIAS NANG ¹³ Ro wawei Yesusi ya meti iwo soru ro Kaisarea, Filipi, impaina cutambe ne poi we anyau wou soru peraria tato, hinyontarei poi woi soru? ¹⁴ Hinyontarei hentato marau wei hambe heha soru herento Yohanisi pembatisi eha epaya herento Elia, mora eha soru herento Yeremia impaina herento nabi cou." ¹⁵ Impaina Yesusi cutang we soru interi ro au mo matei ci Yau? ¹⁶ Simon Petrus cento, impaina Au wo "Mesiasi poi Allah we wora!" ¹⁷ Yesusi teto wei, "cento ewaratawuna mintoru, Simon poi Yunusi, impeina ro enutarei wa tutura no rumang ai pea hahuara we mintoru yamba wo mantau ine ai we yoro rahora we mararising. ¹⁸ Impaina yau tato epaya we au yento auwo Petrus ro parandeni wawone, mantau yau eruwahara interi yama umatne soru tutura gerbang herodesi imaina wo ine pieha wa. ¹⁹ Interi anei cona kumai-kumai we heranyau we ro mamarang dahei. Impaina ne rokawopa ro wawonei ambe hendutawa ro roranehi. Impaina pihai tampikara ro nunei wawoneipa pikara tatoro rorarahai. ²⁰ Interi Yesusi pe tato ra we nepoine we cenyau soru manu herento nei wo Mesiasi. YESUSI PEA HAHUARA NEKAIYA WOU ²¹ Impaina interi Yesusi cenyou we poi wou soru im manu hendato Yerusalem herayuta beworawa pararia ntane mananu pampinoma soru hene baba wou soru imam soru mananu rukami, tutura paya Taurati, impana interi hemuni interi tewaha ro hawo botoru. ²² Interi, Petrusi cenyung Yesusi to horareng, interi teto hoi cento, Tuhan teto we mamarang imanu mamarang marangpira pitau nei waru au. Imanu pining pi waruha. ²³ Impeina Yesusi teweri teto kota mantau Petrusi wawura ro yaropa yoha rone ropimaupau mintoru wo yona mintoru we Ainyuang ro amo amo piwe poya wou mahiwa piwaei raro mamarang waei imbawo raro hinyontare. ²⁴ Interi Yesusi teto cento ppoi we anyaupa mintoru matei ciya kota yau, mantau ceisaha mawei nutareine wou mehari, heyoa saitaba wawei interi wania yau. ²⁵ Impaina matei nemu hasune ceduta we mahiwa mo ingkai matei cento nehampa cento dahoyau mora anci cedutapa. ²⁶ Pihai cedutapa ro wawei interi ceduta tawan ro nunei raropinei nunung piang yato pinei hai tarona we mamarang rahei? ²⁷ Impaya poi anyau ne yama we we ranei I incai mantau ne malaikat hendorawau soru, impaina interi mantau interi herona pararia mantau pia conapa. ²⁸ Impaina Epaya mahinepa tantoru, wo interi imbe soru ingkai heroha ronimpi, imbe herayuta kaiyaha wakiao mantau hendena pai mamarang teweri ro mantau manurarong mamrang.