1
1
अब्राहाम्के तावा, दाउद्के तावा, येसु ख्रीस्ट्के बंस:
2
अब्राहाम् ईस्हाक्के पापा बक्ता। ईस्हाक् याकुब्के पापा बक्ता, याकुब् यहुदा नुङ् मे़म्के आङप्सीद:के पापा,
3
यहुदा फारेस्नुङ् जाहेर्के पापा बक्ता। मे़म्द:सीके आसी मामा तामार् बक्ता। फारेस् हेस्रोन्के पापा बक्ता, हेस्रोन् आराम्के पापा,
4
आराम् अम्मीनादाब्के पापा, अम्मीनादाब् नहसोन्के पापा बक्ता, नहसोन् सल्मोन्के पापा,
5
सल्मोन् बोअज्के पापा बक्ता। मे़म्के आमामा राहाब् बक्ता। बोअज् ओबेद्के पापा बक्ता। मे़म्के आमामा रुथ् बक्ता। ओबेद् यीसईके पापा,
6
यीसई दाउद् हङ्के पापा बक्ता। दाउद् सोलोमन्के पापा बक्ता। मे़म्के आमामा उरीयाहके नाम्नामी बक्ता।
7
सोलोमन् रहबाम्के पापा, रहबाम् अबीयाके पापा, अबीया आसाके पापा,
8
आसा यहोसापत्के पापा, यहोसापत् यहोराम्के पापा, यहोराम् उज्जीयाहके पापा,
9
उज्जीयाह योताम्के पापा, योताम् आहाज्के पापा, आहाज् हीज्कीयाके पापा,
10
हीज्कीया मनस्सेके पापा, मनस्से आमोन्के पापा, आमोन् योसीयाहके पापा,
11
योसीयाह यकोनीयास् नुङ् आङप्सीद:के पापा बक्ता। मे़म्द बेबीलोन्दी यहुदीद:लाई चोक्सो ला:चोदीङ् ङाल्ला गीक्तामेम् बक्ता।
12
बेबीलोन्दी चोक्सो ला:नादीङ् नो:था यकोनीयस् साल्तीएल्के पापा बक्ता। साल्तीएल् यरुबाबेल्के पापा,
13
यरुबाबेल् अबीउद्के पापा, अबीउद् एल्याकीम्के पापा, एल्याकीम् आजोर्के पापा,
14
आजोर् सादोक्के पापा, सादोक् आखीम्के पापा, आखीम् एलीउद्के पापा,
15
एलीउद् एलाजार्के पापा बक्ता, एलाजार् मत्तान्के पापा, मत्तान् याकुब्के पापा बक्ता।
16
याकुब् मे़मेङ् योसेफ्के पापा बक्ता। मे़म्के नाम्नामी मरीयम् बक्ता। ए़मेङ् मरीयम्लाङ् येसु गीक्तामे, आम्द:लाई ख्रीस्ट् दा:मे।
17
ओ़क्सो़ अब्राहम्दीङ् दाउद्सम्म कदे़म् ले नीनीनाप्चा दु़म्तामे को़दीङ् दाउद्के समयदीङ् बेबीलोन्दी ला:तामेम्सम्म कदे़म् ले नीनीनाप्चा, को़दीङ् बेबीलोन्दी ला:तामेम् समयदीङ् ख्रीस्ट्के समयसम्म कदे़म्ले नीनीनाप्चा दु़म्तामे।
18
येसु ख्रीस्ट् ओ़क्सो़ गीक्तामे: आम्द:के मामा मरीयम् योसेफ्केदी पु़न्तामेम् बक्ता, खेदायो आम्द:सीके लालु़खा दुम्चोदीङ् ङाल्ला मरीयम् से:आ ळालालाङ् चापारीपा दु़म्ताम् था: दु़म्ता।
19
खेदायो आनाम्नाचा योसेफ् धर्मी मु़रु़ बक्ताम्चामी, मे़म्लाई ङु़नेसे़प्से़ मा:दु़म्ला दा:सो मे़म्लाई आघो आघोङ् प्लन्चोम् नीवा पाप्ता।
20
खेदायो गे़ना आम्चामी ए़म् लो: ग्वा ग:रे मीम्सोङ् बक्ता, ङा:मोदी परम्प्रभुके परुचा कोईसो़ पास्ता, को़दीङ् आम्लाई ओ़खो़ मो़:ता, "योसेफ्, दाउद्के आतावा, ईनाम्नामी मरीयम्लाई ब्लाचो माङीतो़, माराङ्खेदा गे़म् मे़म्के आको:जादी ब:मे, आम्द से:आ ळाआलाङ् ब:मे।"
21
मे़म्चामी कङ् तावा कीगा, को़दीङ् गो़ आनी नीङ् येसु जु़ली, माराङ्खेदा आम्द:मी आनी मु़रु़द:लाई आनी साम्सेलाङ् ब्लन्पा:मे।
22
पर्मेस्वर्के लो: ळक्आलाङ् पर्मेस्वर्मी दा:तामेम् लो: झक्चोलाई ङ ए़म् हप्पे दु़म्ताम् हो:
23
"को:ने, कङ् कन्ने़ चापारीपा दु़म्, को़दीङ् मे़म्चामी कङ् तावा कीगा, को़दीङ् आनी नीङ् ईमानुएल् जु़ल्तीगीमे," ए़म् दा:ना हो, "पर्मेस्वर् गो़ईनुङ्।"
24
योसेफ् याल्आदीङ् से़ंस्ता, को़दीङ् परम्प्रभुके परुचामी दा:ना खो़ङ् मरीयम्लाई अनाम्नामी दा:सो ब्लाप्ता।
25
मरीयम्मी तावा माकीक्थीसम्म योसेफ् मरीयम्नुङ् मा:ईम्वा। योसेफ्मी आनी नीङ् येसु जु़ल्ता।