¹ Enyuma lya siku esharhu, haba obuhya e Kanana ye Galilaya, nina wa Yesu aliriho. ² Na Yesu ali hamagerwe k'obo buhya n'abigirizwa bage. ³ Amavu gabulwa; Nina wa Yesu amubwira ntamavu baherhe ⁴ Yesu amushubiza; Mukazi we, bichi bili ahakagarhi kani nawe? Ebisanzi byani birazigera. ⁵ Nina abwir'abakozi bali okubuhya: Mujire byoshi akababwira. ⁶ Kandi haliri rhubindi ndarhu rhw'ebum ba, rhurheganyizwe enyanya kuguma n'oborhere bw'Abayahudi y'okushuka, ngasi kaguma oku ngero ebiri changw'esharhu. ⁷ Yesu ababwira, muyunjuze orhu rhubindi menji. Barhuyunjuza kugez'okumihiro. ⁸ Enyuma zaho, ababwira bahek'emunda oyimangir'obuhya ali. ⁹ Omwimangizi w'obuhya agezeze kw'amo menji buzira kumenya ngahe marhengaga, (aliko abandi bakozi bowe badomaga mala menji bali menyere). Ahamagala muhya mulume, amubwira: ¹⁰ Ngasi muntu anahana embere amavu ngenja, eyibamala bwenene anaja ahana amavu ngarhanunire: Woyo, wamabisha amavu genja kugera mw'enosa? ¹¹ Intyo kubyabaga e Kanani ye'Galilaya, echisomezo chaburhanzi echi Yesu ajiraga. Ayerekan'obukuze bwage, n'abigirizwa bage bamuyemera. ¹² Enyuma zebyo, ayandagalir' e Kapernahumu, haguma na nyina, benebabo n'abegirizwa bage, bajirayo siku zigeke. ¹³ E Pasaka ya Bayahudi ya liri hofi, Yesu azamukira e Yerusalemu. ¹⁴ Abugana omu shengero muli abarhimbuzi b'enkavu, b'embuzi n'enguuku n'abahindamuzi b'efuranga bayikere. ¹⁵ Ajir'olukoba l'omugozi, abahiga boshi omu Kanyamuzinda, n'embuzi n'enkavu n'enguuku. Ashandaz'efuranga z'aba hindamuzi, achulongola n'enyibo zabo. ¹⁶ Abwira abarhimbuzi b'enguuku, mukule ebyola; mumenye mwankajira enju ya Darha kuba chambu. ¹⁷ Abigirizwa bage bayibuka oku biyandikirwe: Obongwa bwa kanyamuzinda bundumire. ¹⁸ Abayahudi b'amubwira, bisomezo biligurhe wanka rhuyereka bulala oliwajir'ebintu bir'intya? Yesu abashubiza: ¹⁹ mushande aka kanyamuzinda, nani nakayumanza omu siku esharhu. ²⁰ Abayahudi baderha; akanyamuzinda kayumbakagwa omu myaka makumi mane na ndarhu, nawe mpu wakakayumbaka omusiku esharhu? ²¹ Aliko alemaga aderha enyanya w'akanyamuzinda k'omubire gwage. ²² Amango afukaga, abigirizwa bage bayibuka okwali biderhere, baba n'obuyemere oku mandiko n'okubinwa Yesu ababwiraga. ²³ Ebisanzi Yesu ajirere e Yerusalema, oku lusiku lukulu lwa Pasaka banene bayemera ezino lyange, eri babona ebisomezo ajirire. ²⁴ Aliko Yesu arhachizera gabo buno alibayinji bwinja. ²⁵ Chiro arhalilonzeze obuhamiriza enyanya za bantu, buno yewe yenine alimenyer'ebiri omu mirhima y'abantu.