¹ Kwinat+riekata, ne iwama, xeuyutemamawieka Ukiyaritsie. Nehepa+sta nexetita utsirieni yaxeik+a anyinemek+ heiwa mieme tawarita nekwa uxe yaxeik+a nehait+.Ik+'i yamanyine xekuwikwest+ani. ² Xeyu +wiyani ts+ik+ri wahepa+sta. Xeyu +wiyani tsimete it+t+a te'uximayatame wahepa+sta. Xeyu +wiyani aku ke'ane p+mamutiyuane Circunsición meke uyuwewirieni. ³ Tame teh+k+ Circunsición. Tame teh+k+ temeyexeiya aku Kaka+yari Espíriyu'ya. Tame teh+k+ temauta'+ Cristo Jesús'tsie, m+ta aku sasuni tekwate'erie ta waiyaritsie. ⁴ Yat+t+, ne ney+wekaku ne waiyaritsie nemenekekani. X+ka xewit+ p+tiku eriwani kename yu waiyaritsie heyukeka, ne ney+wekaku masi wa+kawa. ⁵ Ne circunsición nepuwewiyarie ata'haika tukari hautinenkaku, aku Israel kiekame neh+k+k+, aku Benjamín nuiwariyatsie, Hebreo ne'h+k+; mari'itsika ne akumait+, siere Fariseo neh+k+. ⁶ Yamany+nek+, ne +tetsat+, ne teyupanie mamayutixexe+riwa; aix+ rakay+ne'tsie mariítsika hepa+sta ne neh+k+t+kai aix+ netikamiekai. ⁷ M+ta p+netiku eriwakai tita pini ne nera iwakai, Cristo'tsie hakunena p+nera eriwa kename m+k+ xatsi ti'h+k+. ⁸ Sasunimek+, ne p+netiku in+n+ata naime pini nerexeiya kenameri nereuyah+a Jesús ne Ukiyari'tsie hakunena +kitsika aix+ ane netsiyatuirie. M+k+'tsie hakunena naime pini nerat+maiyax+. Ne p+nera eriwari xatsi nepayeit+a ne neme iwak+ iya Cristo ⁹ m+ta neka xeiyarieni Hetsiena. Ne nekwa heixeiya aix+ manyine nehetsie mari'itsikatsie hakunena. M+k+ heimana, nepeixeiya aix+ manyine sasuni eriyarikatsie Cristo'tsie, aix+ manyine Kaka+yari tipinieya sasuni eriyarikatsie hakunena. ¹⁰ Hík+tari ne nepeimaim+k+ M+k+. kentit+r+ka+ye m+kite watsata mankuke siere'ta hamat+ana nepumieni kentikukuinetsie. ¹¹ Ne p+nere+yah+wa netatse+ye aku nem+nitsie m+k+ kentium+ hapa+, aku ne tseapa kehapa+ p+ney+ni nemakukeni m+kite watsata. ¹² Ti'itarika aku ne ik+ nemamatsie netiuh+i, sunu'ta ne nepaya axeri. M+ta ne wa+riyrika nenepit+a, aku ne nemantinenik+ ketitak+ ne netsi anayaha iya Cristo Jesús. ¹³ Iwamarixi, p+nekwatiku eriwa kenameri ne antine neraya at+a. Kuxi raniere: Ne nerat+maiya tita hutiepait+ timieme m+ta wa+riyarika nenepit+a tita p+ta rakamie uxa'a warie. ¹⁴ Ne nepumie kewa nemet+a neme iwak+ ti'iwakame tiyatuiriyarieni aku netsi anaya'ha taheima miemek+ Kaka+yari tiuyuri Cristo Jesús'tsie. ¹⁵ Tame teyunit+ aku te tsetse+yeri, pa+m+ teteyukuh+aweni; x+ka'ta xeme yuk+ xete yukuh+aweni tseapa titatsie, Kaka+yari siere xeme xeti xeiyast+ani. ¹⁶ M+ta, tame tita tete u'axix+, tekehe ti'uweni m+k+ te uweiyat+. ¹⁷ Ne keneny+ane xenene +keni, iwamarixi. Hek+a xeunieri iyamexi memuhu nehamat+a aku kenetinehek+a aku xeme xeniere ta'hetsie. ¹⁸ Yu wa+kawat+ mepuhu, iyamexi ke'ane heiwa p+netiwarah+awe, m+ta hik+ yanepaine nehatsuat+, aku xemekaheka Cristo kuruxieya. ¹⁹ Kewa memek+ xeik+a meti unarieni. Mets+ xe'yusi kah+k+t+ni p+ta xe waiyariri tita reuyah+wa, m+ta xepauyu'+ p+ta yu'tewiyarikatsie. M+k+mexi meyukuh+awe p+ta kwiepa timiemetsie. ²⁰ M+ta ta'heima ta'kiekari pekaniere, muwa siere pakaneni temitakwewie tiyuwikwest+wame, aku Ukiyari Jesucristo. ²¹ M+k+ pitiwapa ta'waiyari temixexeiya pitiwapa tawaiyari aku Yu waiyari hapa+ raya'at+, tewewiyat+ T+r+kariyayak+ rakuw+t+anike naime pini Yu'Hetsie.