¹ X+ka'aku Cristo tsie te hautawa+riyani, x+ka teyatuiriya'rieka parit+arika aix+'eriyarika, x+ka aku ta hetsie te utaneka iyaritsie, x+ka xuaweni iwamarixi ta k+puritsie, x+ka xuaweni nenimayatsika yaka tiuyukaeriyamek+, ² Yaumieme yaxeketene'kahuni netemawiya maya'ar+kanik+ yaxeik+a teteyuku'h+awet+, te heixeiyat+ yaxeik+a nake'eriya, tetan+t+ iyaritsie, teheixeiyat+ yaxeik+a teteyuku'h+awet+. ³ Yuk+ xekwateyurieka iwarikak+ yat+ni karekanakemek+. ta'aurie mawetse p+ta, tixa+ xekate ayuyeit+at+ aix+ masi metekahukame xekene'warayeit+aka hipame. ⁴ yuxaxuit+ xeme xekene yu'+wiyani xeme yu'hetsie xeik+a hawaik+ kexete'hauyah+wa, yapa+ta hipat+ tita mete hauyah+wa xekene'kuneniereni. ⁵ Xekeneyuku'h+aweni iya cristo jesus hapa+ ke aneme iyari mexeiyakai. ⁶ M+k+ ána yukanieritiakai Kaka+yari hapa+t+t+, m+k+ta kwa'ayuyeit+a Kaka+yari h+k+t+ni hapa+ tixa+t+tsie rawiyanik+. ⁷ Taurie mawetse p+ta, puyutamaweriyax+ . n+ari payuyeit+a. tewi hapa+ anet+ M+k+ puyuhek+atax+ tewi hapa+ anet+, M+k+ pukaxeiyarie tewi hapa+ anet+. ⁸ m+k+ tixa+ kwarayuyeit+a yuk+manak+ yetikat+a p+ta m+kiriyatsiepait+ ya'at+arie, ¡akuxi m+kiriya kuruxitsie mierieni'k+! ⁹ Yaumieme waritana, Kaka+yari'tá hapa+na raya'ar+kame payeit+a wa+kawamek+. M+k+ piyatuiri kentitewakak+. ¹⁰ M+k+ yetikat+a ter+wariyayak+ yunait+ titewa Jesús h+xie me titunimaunik+, yu tunuma iya ta heima kwie hekwatsie , kwiepa metama yaxeik+ata hapa+na yaxeik+a'tá ta'het+a kwiepatari. ¹¹ M+k+ yetikat+a iya yunaime wahep+stak+ yuk+ meteuniuka yementiyuanik+ Jesucristo ta Ukiyari h+k+, aix+ tik+xaxatsiwanik+ ta Kaka+yari ta yau. ¹² Pa+m+ umaniere, yetekwate'hauyueriya, yaxeik+ats+ xeme tukarik+ yexetekahu, ne h+xie xeik+a hawaik+, yaxeik+a hik+ masi'nemumawenitsie, xetene'uximayaka xekuwikwenik+ xehaumamakamek+ yexetekahut+. ¹³ Kaka+yari ti uximayat+ kah+k+t+ni xe hetsie mieme wa+ka xemiwaut+wenik+ xete uxi'mayakak+ m+k+ ken'reuyah+wak+. ¹⁴ Yexeketenekahuni naime tsie xeka uyuti'imawat+ xeka'niukiwiet+. ¹⁵ Yexetenekak+ni aix+ xe it+ariekak+ heitserie xeme'xeiyanik+, Kaka+yari niwamama aix+ xeyuyuriet+. p+xetekahut+ pa+m+ xekene hek+ariwieka k+xeme hapa+ na'i kwiepa, ana hix+apa makuy+wi'tsie ¹⁶ Xeketenawiyani t+r+karima tukari niukiyaritsie, ne sasuni nemexeiyanik+ temawiya nekaxeiyak+ Cristo mamietsie. pa+m+ neretimani kename yak+ neka'uyutaiwax+, kename aku yak+ nekatiu'ta uximayatax+. ¹⁷ X+kate tsepa kuxi ne'utiyauriyani nenewieri imikieri hapa+ uximayatsika tsie yuri tita tih+k+ xehetsie, ne uxipiya nepu'kaxexeiya yunaime xe'hetsie miemek+ ¹⁸ Yaxeik+ata siere, xeme hapa+na uxipiya xekenexeiyani ne'hamat+a. ¹⁹ Nepau'ikwewa iya ta'ukiyari Jesús'tsie nexe an'n+airieni iya Timoteo, nemaneka'wa+riyat+yanik+ neta hapa+na nereti'manitsie naime xeme xe'hep+sta. ²⁰ Tawari xeime nekwa'hexeiya p+tikamiecame, yurimek+ hauyu'iyarit+akame xe'hep+stak+. ²¹ M+k+ts+ yunait+ mepiwaut+we yu hetsie timiemek+ p+ta, hawaik+ Jesicristo'tsie timieme. ²² Xemeri xepekumate aix+ tikamie , nunutsi yu yau hauneiet+ hapa+, pa+m+ tikamiekai ne ne'hep+sta niuky hekuatsie. ²³ Ya'umieme, nepau'ikwewa nepen'n+'ani ne'nieret+ kenti'aneni ne nehep+sta. ²⁴ Ne hapa+na ne ukiysritsie ne pahauyu'wa+riya ne nek+mana nemie yapauku. ²⁵ Neta p+netiku'eriwa p+reuyewetse nexe'an'n+airieni Epafrodito tawarita. M+k+ ne iwa h+k+ netsi'te+tame uximayatsikatsie ne'aurie putiwe kuyaxi wahapa+, niuki tuayame xehetsie miemek+ nen+ari h+k+ hapa+na tita nereuyah+wa. ²⁶ m+k+ sasunimek+ pauyu iyarit+a'kai pauyeim+k+kai yu naime xe hats+a, xeme siere xepu'enana kename tikuyekai. ²⁷ H+ts+ p+kati'anekait+ni katiuta'kuine kaniu'm+nit+ma. m+k+ta kaka+yari pitineni'mayatax+, m+k+ hep+stak+ xeik+a hawaik+, ne hep+stak+ siere heiwerika nekwa'hexeiyanik+ tawari heymana. ²⁸ Ya umieme masi ne hauyutemawiekamek+ nepein+'awa, tawari xeme hekuamek+ xemei xeiyak+ xekwa'heyuh+aweni neta hapa+na nekwa'yuiyarit+aaka. ²⁹ Xekenanuwiyani Epafrodito ta ukiyaritsie xeyu temama'wiekamek+. Aix+ xeketene waku'eriyani t+teri m+k+ wahapa+. ³⁰ M+k+ yetiuy+ cristo ye tiuyurik+ pauhuratax+ m+kiriya hep+sta M+k+ kweriwa'anek+a yu tukari pu'tauni ne netsi'haueniet+ maya'anik+ xeme xekway+wekay ne hepa+sta yuk+ xete'uyurienik+ ne hep+sta