¹ Kepauku Jesus waruxei te+teri meyum+ireme, Pet+'a yauta; m+k+ pukaya, t+riyamama mepu ax+a hats+ana. ² M+k+ta putaniu tiwara +kit+wakai; p+ putay+, ³ "Aix+ meke it+arieka ke ane tixa+t+ mekwatehexeiya espiritu me kwa hexeiya, m+k+ tita taheima timieme m+k+ wahetsie timieme. ⁴ Aix+ meke it+arieka iya ke ane memuti'tsuana m+k+ meparit+arieni. ⁵ Aix+ meke it+arieka ke ane iya mekwa'mama, m+k+ meyatuiriyarieni kwie. ⁶ Aix+ meke it+arieka iya ke ane memauhakakuiku m+ta siere memauhariku aix+ many+nek+, m+k+ metihuxat+arieni. ⁷ Aix+ meke it+arieka iya ke ane mete'u yu kanenimaya, m+k+ nenimatsika me hexeiyat+ me pa'k+ne. ⁸ Aix+ meke it+arieka ke ane yu iyaritsie aix+ me anene, m+k+ kaka+yari mep+ xeiya. ⁹ Aix+ meke it+arieka iya ke ane hipame mekwan+t+a, m+ta m+k+ Dios niwemama mepak+ne. ¹⁰ Aix+ me ke it+arieka iya ke ane memu'weiyarie aix+ many+nek+, m+k+ ta heima kwie m+k+ wa hetsie mieme. ¹¹ Aix+ meke it+arieka xeme kepauku te+teri mexete'tewin+ani m+ta mexe u'weiyani, mete'itat+ tsirany+neme mete kuxatat+ ak+mana ne'nek+mana. ¹² Xekene'yu temamawieka, wa+kawa imikieri tih+k+k+ taheima timieme. Pa+m+ siere tiuy+ huk+a maukayune texaxatamete mepuweiyariekai temaikate xeme kuxi xe umawe'kakaku. ¹³ Xeme xeik+a un'a xeh+k+ an'a kwiepa; mex+ka m+k+ un'a hahamurit+ hayani, ¿Ke it+arieni tawari hakakat+ mayanik+? Masi kwa y+weri tixa+t+k+ kwatisirwe te+teri kwiepa me pi'ti ketsix+ani. ¹⁴ Xeme hek+ariya xeh+k+an'a kwiepa. Xeme kiekari h+ritsie xemiti awieta kway+we. ¹⁵ M+ta siere te+teri katira mex+ka utaiya tsamuritsie mex+ka heikateni kwahek+are, p+ta katira ketsameta mepeikakeni, hek+ariwie'nik+ kita te+teri meyuxeiyanik+. ¹⁶ Xe kene hayawani xehek+ariwiya te+teri watsata m+k+ menierenik+ kerente'yurie aix+ ti aneme m+ta kaka+yari xekete ne kwit+aka ta ya'u aku taheima makawe ¹⁷ P+ xekwa te a'eriwani kename ne'nenua temaikate; wamari itsika nekumawiriyake, p+ta ne'nenua nemeya at+anik+. ¹⁸ Sasunik+ p+ nexera'h+awe ke pauk+ an'a taheima yuawitsie kwiepa manya'yani, kwa kumawere xeime utsikayari ni siere kwa akayani xei tintayari mari'itsika, kepauku mayu'ya at+ani. ¹⁹ Ik+ yeti anek+ x+ka xewit+ yakatikayani kaka+yari kentin+'a m+k+ iya tewi wa+kawa karaya'at+ payeika kewa kaka+yari meyuka nierit+a taheima, yaxeik+a tiy+ni iya ke ane tiwa +kit+a ye me kwa tekahunik+. M+k+ta ke ane yetikamie kaka+yari kemaine tiwa+kit+a hipame yemetekeka'hunik+ wa+kawa raya'at+ payani taheima kaka+yari meyuka nierit+a'tsie. ²⁰ Ne p+ nexerah+awe xeme x+ka yerekatekahuni x+ka masi Friseos m+ta siere teut+wamete mar'itsika me xetsi ha'iwani, xe kwa hau ta'hani kaka+yari meka niere'tsie aku ta heima yuawitsie ²¹ Xeme xemu'enana p+ xete utah+awarie huk+a maukayune: 'PE KWA TI A'MIEKA', xewit+ x+ka tiuyumieni pantah+yani. ²² Ne p+nexerah+awe ke ane ya ha'ani yu'iwa hepa+sta m+k+ pantah+iyani iya ke ane yu iwa tatieni p+ reh+awet+: ¡Ek+ tixa+t+k+ pekwati anake'erie! panwit+kieni itsuikate wahats+a iya ke ane yu iwa tsititimanita xe h+awet+: ¡Ek+ pemu'erie!, pauh+iyani taipa muy+witsie. ²³ M+ka yeti anekaku ek+ x+ka imikieri peyatuaka niwetaritsie xika pe'eya erieni iya a iwa tixa+t+ xete anierit+aka, ²⁴ imikieri keteuhayawa niwetaritsie, kene mie. Akuxi xekete neuyuyah+wirieka a iwa mat+a pekahau a iyarit+at+ri kenemie imikieri mana keteukuhayawa. ²⁵ Xika xewit+ metsi xanetani tixa+t+ yuk+ petiuyurik+ tsirany+nemek+ aix+ xeketenakayurieka mexi kuxi pekayatuiyawe kataku metsi ya'tuani tupiritsixi warutan+ani pemanhanienik+ kaxariyani. ²⁶ Ne sasunik+ nexerah+awe, niri pekua anayani muwa m+ta kepauku naimek+ peti atuani kepame tumini perapine anake. ²⁷ Xeme xe enakare kentiu'tay+: 'PEKUA KARAYUNIT+NI.' ²⁸ M+ta Ne p+ nexerah+awe iya ke ane uka ti heiwe'erieni m+k+ri tatakuri tiuyupit+a yu iyaritsie. ²⁹ X+ka ah+xi atserietatsie muya'ka metsi atih+pani, kene watitui m+ta wakeneukah+wa tewapait+: masi aix+ ane m+k+ keuku'mawire, katakuta yepe anet+ nait+ taipa pe hau h+iyani. ³⁰ X+ka ama'ma atserirtatsie metsi atih+pani, kenaanwiteki tewa keneukah+wa; m+k+ masi aix+ ane wakeha'kah+iyani, kataku yepe anet+ nait+ taipa pe hau h+iyani. ³¹ Yareik+a siere p+'tiutay+: 'XEWIT+ YU +YA UKU EIRIENI, XAPA KE IYATUIRIENI P+ UTAINEME KENAME ME UYUKUEIRI.' ³² M+ta Ne p+ nexera+awe ke ane iya yu'+ya uku'eirieni, m+k+ uka x+ka yuyewataneni xeime mat+a kayuk+na, meyu ku eirieni tawari tixa+t+k+ kweriwa anet+ payeika yewa; ke ane m+k+ uka yewa x+ka hewit+ni m+k+ payeika siere karayuni. ³³ Tawarita, xemu enana kentiutay+ meripait+ huk+a maukayune: 'PEKWA AMURUWIT+AKA YAK+REIK+A X+KA YEPEKATIKAYEIM+K+ KAKA+YARI HEPA+STA.' ³⁴ M+ta ne p+ nexerah+awe, xekwa yumuruwit+aka yak+ xeik+a taheima timiemek+ m+k+ kaka+yari tipinieya; ³⁵ xekua yumurukuit+aka kwiek+, m+k+ mana kaka+yari +parieya h+k+ yu +kate mapau'ti x+r+wa; yaxeik+a xekua yumuruwit+aka Jerusalen k+, m+k+ Kaka+yari kiekarieya h+k+. ³⁶ Yareik+a xekwa yumuruwit+aka yu mu'uk+, xekwa y+we k+pa tusat+ mayani ni y+wit+ mayani. ³⁷ M+k+ta kene eireka aniuki ke h+k+t+ni, 'H+, h+,' yata 'Hawaik+, hawaik+.' Tita nait+ p+kwatiane m+k+ tsitiuka iyari tsie rehakunena. ³⁸ Peti enakare kentiutay+: 'NE H+XIK+ YU H+RIK+, ATEM+K+ YU TAMEK+.' ³⁹ Netap+ nexerah+awe, pekwa inewieka ke ane tsiti'it+a; ahats+a x+ka xewit+ metsi hauti'wani a h+rie atserieta, yareik+a a utatsie ke metsi hautiwani. ⁴⁰ X+ka xewit+ metsi unieka metsianta'h+anike m+ta a kamixa metsiu nawaixieni, a tsareku siere keneuhurit+a. ⁴¹ X+ka xewit+ metsi n+aka ikaya peke he t+ni xei kilometro, huta kilometro kenemie hamat+ana. ⁴² Naime keteyatuiri ke ane metiwawirie, pekuatikueririeka tita metin+wirie. ⁴³ Xete enakare kentiutay+: 'A AURIE MUTI'KA PEMAUYAH+AKA M+TA IYA PEKWAHAUYAH+AKA KE ANE PEHEKANI.' ⁴⁴ M+ta ne'nexerahawe, ke neuya h+aka ke ane metsihau'heka m+ta siere ke ne'anenewieka ke ane metsiuweiya hetsiemieme, ⁴⁵ m+k+ kaka+yari nua'ya mayanik+ ta heima aku makawe. M+k+ h+k+ ta'u matinenet+wa tsimete'ukaiyayari wahetsie m+ta siere aix+ mete'ukaiyayaritsie, yaxeik+a mukawiwiya aix+metuiyayari wahetsie m+ta aix+mekwate'uiyayari wahetsie . ⁴⁶ X+ka aix+ xetewareu'eriyani ke ane aix+ mexeteku'eriya, ¿tita imikieri yumamatsie xeteh+ni? ¿Yaxeik+a mekate y+a ke ane meteyu wiya? ⁴⁷ X+ka xeik+a yu iwama mewaruta'h+aweni, ¿tawari masi ke xete yurie? ¿Ya xeik+a mekate kahu te+teri aku Gentiles mete tetewa? ⁴⁸ Yenti anek+ xeme aix+ xeketenekahuni, yu ya'u hapa+ taheima maka'we aku aix+ tikamie.