¹ Uranierita m+k+ Espiritu Jesus pewit+ tixau kua tiuxuaweriwetsie, t+kakame mei ta in+atak+. ² Yu hakiya makah+atsie 40 tukari m+ta 40 t+kari, pu hakam+. ³ Ti in+nuatama nu'a re huawe'ta: ''Xikate Ak+ Kaka+yari Penu'ayat+ni, p+tewarutahawi ik+ tetexi pani meke ak+ne''. ⁴ M+ta Jesus p+ti'eiyaxu: '' P+ ka teuku uxani, 'Xeik+a pani'k+ uki kua wikweka, p+ta nait+ niukieya Kaka+yari tetana hayeneika'k+.'' ⁵ Uranierita tikakame peiwit+ kekaripa santa, pekake teyupanie kwinie mantitewatsie, ⁶ m+ta pirehauwe M+k+: Xikate Ak+ pehuk+t+ni Kaka+rari nu'aya , akeneukawetsi, p+reu ku uxa: 'M+K+ YU AKERIMA WARA N+ ANI ME MESTA +WIYA,' siere' ' M+K+ ME METSI AN KUHANA YU MAMAK+, KATAK+ A +KAKU PEREU'TA WAXIANI TETESIE'' ⁷ Jesus p+rehuawe:'' hekwamek+'ta p+ka teuku'uxeni: A UKIYARI KAKA+YARI PE KWA IN+ATANENI''. ⁸ Hekwamek+'ta, t+kakame peiwit+ kwinie antitewakaku tixeiyast+a naitme kwiepa timieme kinie raya'axe. ⁹ p+rehuawe: '' Naime ik+ ne me ti yatuirieni, xikate petitunu'mawet+ penetsi ayexeiya.'' ¹⁰ M+ta Jesus rehuawe: '' kenemieni ek+ ana'i t+kakame! P+ka teuku' ut+arieka kaka+yari xapa'yatsie: PEMEYEXEIYANI XEIK+A A UKIYARI KAKA+YARI, M+K+ XEIK+A PE TI UXIMAYATSIRIEKA'''. ¹¹ Uranierita tikakame pi hayawax+, m+ta, mepu axia akeritsixi mepi uximayakai. ¹² Tiu'tamaritsie Jesus kename Juan he h+iyakai , panu'a Galilea. ¹³ M+k+ payet+a Nazaret pet+ata hetayaru+nike Capernaum, hau hulakaku Galilea haramara'testa, wa kwiepatsie Zabulon siere Neftali. ¹⁴ Ye tiuy+, niuki maya'anik+ aku ye mutay+kai timaikame Isaias: ¹⁵ ¡KWIEPA'YA ZABULON SIERE KWIEPA'YA NEFTALI HARAMARATSIE, MEU TA YUNETSIE JORDAN, GALILEA AKU MEMETAMA YURI MEKWA TEHE'ERIETSIE! ¹⁶ MEMU KAYAXIXU MAK+Y+WITSIE WA+KAWA HEK+ARIWIYA MEPUXEI, M+K+'TA MEMUKAYAXIXU KWIEPA TAMATSIE M+KITE WA AT+RIYA'TSIE, WA HETSIE HEK+ARIYA KATE.'' ¹⁷ Ana'pa+ti Jesus putayua tikuxatat+ p+ti warahuaw+: '' Xeuyutima+x+a, paya aximeri kepa+ku kaka+yari hamie ana yu kwe'parie.'' ¹⁸ Mexi M+k+ umiekai haramara testa Galilea, waru xei yu hutame iwamarrixi, Simon aku tiuteruwariwa Pedro, iwaya siere Andres, me'pau kawiwakai w+pi haramaratsie, me h+k+t+kai kets+ weiyamete. ¹⁹ Jesus p+ tiwarahuawe: ''Xekenahuni m+ta xekene nanku weiya, neta nexe ayeit+ani kets+weiyamete te+teri watsie timiemek+''. ²⁰ Mexuiwata me pu ku'eiri yu w+pi mita mepenkuwei. ²¹ Mexi'ta Jesus ayemiekai tawari wariuxei yuhutame iwamarixi, Jacobo aku nua'ya Zebedeo, siere Juan, iwaya. Mik+ muwa mepatitekai kanua'tsie yu yau mat+a, Zebedeo; m+k+ yu wipi paleku mekuyuruwakai. M+k+ warutahuawixu, ²² m+k+'ta mex+iwa me puku'eiri yu kanua, siere yu yau, mepenkuwei. ²³ Jesus pakutia naitsata Galilea, ti +kitat+ Sinagogas mukuwet+ka'tsie, kuxatat+ niuki hekua, herie wara nenet+wat+, meta naime kukuiniya te+teri watsata. ²⁴ Mari'yarika Hap+stana naitsarie pau'ta yeix+a Siria, M+ta te+teri yu naime me waru at+wakai ke'ane iya mete kukuye, wa+kawa tiwaru kukuine, m+k+ ke ane tsatana t+kahake, kehane mutar+wawe mekwa uk+niwawe. Jesus herie wara'nenet+wakai. ²⁵ Yuwa+kawa te+teri hamat+ana mepuhukai Galilea pait+, Decapolis, Jerusalen, Judea, mu mau ta yunetsie Jordan.