¹ Uxumerikaku tukari mat+ari manyakatsie semana, m+k+mexi mepek+ m+kite mamaukateukiwatsie, memikawewiekai wichi'+a me'ahanat+. ² M+k+mexi mepikaxei tete kuyuit+ariekame aku kewa mauka'awietsiekai. ³ M+k+mexi mapautahax+a, m+ta makwa'ikaxei Jesús Ukiyari waiyarieya. ⁴ P+ti+y+ta, akuxi mexi m+k+ makayumate yemete uniekaik+, yamakateha'eriwakaku, Ukitsi yu'hutat+, ti'tusame mete'anakapit+, mana meti'ukai auriena. ⁵ Mexita ukarawetsixi marika mehexeiya kwiepa makanierix+a, m+k+ p+metewarutah+awix+ ukarawetsixi: "¿Ketiu xepiwaut+we aku mayeniere m+kite watsata? ⁶ ¡M+k+ri ana kwakaniere, M+k+ pankuke! Xenaye'eri aku M+k+ p+xerah+awekai xeme aku Galilea meyeikakaitsie, ⁷ p+hait+ kename Uki Nu'aya yatiuyanikekai ukitsi tatakuri meteyupit+a wahats+a m+ta kawiyanikekai m+ta hairieka tukari, pankukenikekai. ⁸ Ukarawetsixi mapaye'eri kemutay+kai ⁹ m+ta mapakunuax+a m+kite mamatix+riwatsie m+ta p+metewarutah+awix+ naime kemete unierekai iya aku yu 11 hapa+na hipame. ¹⁰ Hik+ta Maria Magdalena, Juana, María aku Santiago teyaya m+ta siere hipat+ ukarawetsixi wahamat+a, ya metewarutah+awix+ ik+ yamete unierix+ iya n+'aritsixi. ¹¹ M+ta ik+ niuki p+mete iku'eniwakai itarika hapa+ n+'aritsixi wa'hep+sta, m+ta m+k+ ukarawetsixi sasuni makwatewaruta eriri. ¹² M+ta Pedro pankuke penautsax+ keka m+kite mamaukax+riwa, wakeka paukanierix+ hetana, punierix+ kemarieya ixuriki raya'axe mupatikatekai. Pedro'ta yu kie pet+a yu'h+awet+ ketiuy+ka tiuy+kai. ¹³ M+ta, yu'hutat+ m+k+mexi mepuhukai huyeta kiekari tsiyawatsie Emaus tiyetewakaku, aku 11 kilometros hetewakaku Jerusalen. ¹⁴ M+k+mexi p+metekuxatakai mana kentiuy+kai kemetemariekai. ¹⁵ M+ta p+tiuy+ mexi, m+k+ p+metekuxata mahayu iwawiyat+ yu'hep+sta, Jesús wa'aurie nua wa'hamat+a pet+a. ¹⁶ M+ta wa'h+xite kwa'upit+arie kataku me'heitimanik+. ¹⁷ Jesús p+tiwarah+awe: "¿Tita xetekuxata xeme yu'hutat+ mexi xe'uhu?" M+k+mexi mana mepuyuhayawax+ meyu heiweriet+. ¹⁸ M+k+ xewit+ Cleofas titewat+ p+ti'ei: "¿Ek+ peti'axewi tewi pakwarakumate ana Jerusalen kentiy+ane takai at+ tukari kentiy+ane?" ¹⁹ Jesús m+k+ p+tiwarah+awe: ¿tita ketiy+ane?" M+k+mexi p+meteu'a: Akuts+ Jesús Nazareno kemu'it+arie, Timaikame H+k+t+kai, t+r+ka+yet+ kentiyurienekai m+ta niukitsie Kaka+yari h+xie m+ta te+teri wa'h+xie. ²⁰ M+ta siere tatsinitsixi mamanyetei m+ta siere ta'its+kate meniyatuani m+k+ mantah+iyanik+ m+kiriyatsie m+ta siere menikawieni. ²¹ Tame'ta tepitakwewiekai kename M+k+ h+k+t+nikekai keane warakux+nakekai Israel kiekatari. H+, m+ta siere ut+mana, hik+ri paya'axe hairieka tukari aku ik+ yati+y+ pait+. ²² M+ta siere, hipat+ ukarawetsixi ta'hetsie meyun+'+ matatsutimariu, kepauku memek+ uximerikaku m+kite mamatix+riwatsie, ²³ kepauku m+k+mexi waiyarieya makwa ukaxei, m+k+mexi mapu'ax+a, p+mahait+kait+ kename siere akeritsixi metehexeiyast+a kename m+k+ p+mehetiy+ kename M+k+ ayeniere. ²⁴ Hipat+ ukitsi aku tahmat+a mana makanierekai mepek+ kewa m+kite mahaukax+riwa m+ta mepunierix+ heyeme kehapa+ ukarawetsixi mamutiy+kai. M+ta makwa i'xei. ²⁵ Jesús p+tiwarah+awe: "¡kwai ukitsi xemu'erie xekwa akumex+a yu'iyaritsie sasuni xeteta erieni aku Timaikate kemamutiy+! ²⁶ "¿P+reuyewekakai aku Cristo ti'kwinit+arienikekai ik+ yati'anek+ m+ta mautahanikekai Hek+ariyayatsie?" ²⁷ M+ta, tikatsut+at+ Moiséstsie m+ta siere timaikate wa'hetsie, Jesús wa'rutaxat+a naime kenti'ane Hetsiena nait+ utsikayatsie. ²⁸ Mexi ma aya'ax+axime kiekaritsata, kewa m+k+ memek+nekai, Jesús p+tiwarumat+a kename heyakai masi tewa. ²⁹ M+ta m+k+mexi wa+riyarika mepipit+a p+meteheh+awet+: "neu'akuhayawa tahamat+a, mets+ri k+y+xarir+me kutaikairir+me." M+ta Jesús pautat+a wahamat+a muwa puyuhayawax+. ³⁰ P+tiuy+ta, kepauku M+k+ mukaya wa'hamat+a metekwanike, M+k+ pani panaka'+i, puyutanenewi m+ta pentarax+, m+ta m+k+ wayatuiri. ³¹ M+ta wa'h+xite pantayepierix+a m+ta m+k+ mepeitima m+ta M+k+ pukumawirix+ wa'h+xie mukatei. ³² P+mete uyutah+awix+ yu'hetsie: "¿Ta iyari katiyutemawiekai hupait+ tahetsie, aku kepauku M+k+ huyeta tatikuxaxat+wakai, aku M+k+ Utsika mantayepitsie?" ³³ M+k+ mapanku'ui ana tukari kemupaukukai m+ta Jerusalen mapakunuax+a. M+k+ mawarukaxei yu 11 meyuxe+riekai m+ta siere hipat+ muwa meyukanierit+akai, ³⁴ p+mahait+kait+: Ta Ukiyari sasunimek+ pankuke m+ta Simón hep+sta puyuhek+atax+." ³⁵ M+ta m+k+ p+meputiy+ kentiuy+kai wa'hepa+sta mexi huyeta me'uhukai m+ta Jesús ke'hapa+ tiuyuhek+atakai kepauku M+k+ pani mantarax+tsie. ³⁶ Mexi akuxi yametekuxata, Jesús mana putake wa'hix+apa m+ta p+tiwarah+awe: "Uxipiya xe'hetsie ke'kateka." ³⁷ M+ta m+k+´memamakai marikak+ meh+p+nekai m+ta p+meteku'eriwakai kename xeime espiritu me'uxeiyakai. ³⁸ Jesús p+tiwarah+awe m+k+mexi: "¿ketiu xeme xeyuh+awe? ¿Ketiuru yu'iyaritsie xepayu iwawiya? ³⁹ xeuxeiya ne mamate m+ta ne +kate, Ne Ne'h+k+ Xeneneumay+a xenenuxeiya. Xewit+ espiritu waiyari kwa'hexeiya hapa+na ume, xeniere Ne nekareixeiya." ⁴⁰ Kepauku M+k+ ik+ yamutay+, M+k+ wa'ruxeiyast+a yu mamate hapa+na yu +kate. ⁴¹ Mexi akuxi m+k+ sasuni mekate'erie meyutemawiet+, m+ta mewawa+ret+, Jesús p+tiwarah+awe: "¿Tixa+ xetehexeiya ti'kwaiwame?" ⁴² M+ta m+k+ mepikweit+a kets+ war+karieme. ⁴³ Jesús penkwei m+ta wa'h+xie pitakwai. ⁴⁴ M+k+'ta p+tiwarah+awe: "Kepauku xehamat+a nemuyeikakai, p+nexerah+awekai kename ik+ nait+ yare'utse Moisés mari'itsikayatsie, m+ta siere timaikate, m+ta siere Salmos'tsie, yatiy+nikekai ⁴⁵ M+ta M+k+ wa'ename pantayepiex+a, memeiti'enienik+ Utsikaya. ⁴⁶ M+k+ p+tiwarah+awe: "ya umieme p+'re utse, kename Cristo ti'kwinekekai m+ta mankukeni m+kite wa'tsata hairieka tukari. ⁴⁷ M+ta iyarit+arika m+ta tatakurik+ taraeuyah+wierie p+'reuyewetse ta'xatsieni m+k+ kentitewatsie iya meyunaimetsie kwiepa me'tama, Jerusalen'tsie xetekatsut+at+. ⁴⁸ Xeme xe'h+k+ xemunierix+ ik+ yatiuy+. ⁴⁹ Xeunieri, ne nexehen+'airie xeme xe'hetsie Ne Yau kenetiutah+awix+. M+ta kiekarita xeuyuhayawa kepaukurike xe'yatuiriyarieni t+r+kariya ta'heima makaneni. ⁵⁰ M+ta Jesús takwa wa'ranyewit+ mamuya'ax+arike hurawa Betania tiyetewakaku. M+k+ yu'mamate paku'hapa m+ta imikieri wa'yatuiri. ⁵¹ P+tiuy+ta, mexi akuxi imikieri wayatuirie, M+k+ warukwe'eiri m+ta pewit+kie ta'heima. ⁵² M+ta me'eyexeiyat+ mapak+ m+ta mapakunuax+a Jerusalen tiyetewatsie wa+kawa meyutemawiet+. ⁵³ M+k+mexi tukarik+ teyupanie meyukanierit+akai, Kaka+yari metekwit+at+.