¹ Yunait+ mey+n+kai mepanku'ui, m+ta Jesús mepehaá Pilato h+xie. ² M+k+mexi meputayua mei'itát+ p+mahait+kait+: "Ik+ uki tepekaxei tsitiwayah+aweme ta'kiekaritari metáma, kawapit+at+ César tumini meku +it+wani, m+ta p+'hait+ kename M+k+ H+k+ Cristo xewit+ rey." ³ Pilato p+'ta'iwawiyax+ p+'hait+: "Ek+ petih+k+ Rey Judiotsixi wa'hep+sta?" M+ta Jesús p+ti'ei p+hait+: "Ek+ p+'papaine." ⁴ Pilato p+'tiwarah+awe tatsinitsixi memanyetei m+ta siere te+teri yu'wa+kawame: "Ne nekwa ikaxei tsiranyineme ik+ ukitsie." ⁵ M+ta m+k+ makwatehayawakai, p+mahait+kait+: "M+k+ te+teri wa'x+yarit+a, ti'+kitat+ Judea muyahane, Galilea'pait+ hatineikat+ ana'i pait+ siere. ⁶ M+ta kepauku Pilato ik+ tiu'eni, m+k+´pita'iwawiyax+ x+ka m+k+ uki galileo h+k+t+kait+ni. ⁷ Kepauku m+k+ retima kename m+k+ y+wekai Herodes mitan+'ani, Jesús pen+'a Herodes hats+a, m+ta anam+ m+k+ siere Jerusalén puyeikakai. ⁸ Kepaukuta Herodes Jesús muxei'tsie, puyukatemawi, m+ta m+k+ p+'xeiyam+k+kai meripait+. M+k+ pa'enawekai Hetsiena ti'miemek+ ta'ikwewakai kename niere kwatiy+we hapa+. ⁹ Herodes Jesús pita'iwawi hipame keti'ane, m+ta Jesús tsikwatita'ei. ¹⁰ M+ta tatsinitsixi maman'yetei hapa+na te'ut+wamete mapanku'ui, me ixanetat+ t+r+ka+yemek+. ¹¹ Herodes hapa+na xutarutsixi me'yun+t+ mepitati, m+ta siere mepitinanaima, m+ta mete anakapinit+a pini witsiti'anenemek+, m+ta tawari mepein+'a Pilato hats+a. ¹² Herodes m+ta Pilato hamikutsixi mapak+ anam+ tukari (meripait+ m+k+ mapayuka hekakai). ¹³ pilato warutah+awix+ iya tatsinitsixi mamanyetei m+ta siere tatuwanitsixi m+ta siere te+teri yu'wa+kawame, ¹⁴ m+ta m+k+ p+tiwarah+awe: "Xeme ik+ uki xenetsu'at+iri aku te+teri wa'x+yarit+a tsimetekahunik+. m+ta xeunieri, ne, nehe'iwawiyat+ xeme xe'h+xie, ne nekwa ikaxei tsiranyineme ik+ ukitsie aku xeme xemixaneta kename ketikamiekak+. ¹⁵ Hawaik+, Herodes p+kwatiku'eriwa m+ta ya'umieme tawari ta'hats+a kaneyan+'ani, m+ta xeunieri, tixa+t+ kwatikaxeiriyarie ya'anyinemek+ mierinik+. ¹⁶ "Neta ne hetsie, netikwinit+ani m+ta nepitatuani." ¹⁷ M+ta Pilato p+ti'anekai anam+ wiesta judiotsixi mamuwewiximetsie xeime tatuani kaxariyari mamaya'u. ¹⁸ M+ta m+k+ yunait+ maputihiwakai, p+mahait+kait+: "¡Xanyah+wa ik+ tewi, m+ta Barrabás xeutatua!" ¹⁹ Barrabás xewit+ tewi hak+t+kai tiyumiekame hapa+na puyutamiekai kiekaritsie. ²⁰ Pilato tawari warutah+awix+ m+k+mexi, p+tiku eriwat+ kename Jesús tatuani. ²¹ Tawarita m+k+ meputihiwax+, p+mahait+kait+: "Xeukawi, xeikawi." ²² M+ta m+k+ tawari hairieka p+tiwarah+awe: "¿Ketiuta? ¿kekuta tikamie ik+ tewi? Tixa+ nekwatiukaxei ik+tsie ya'anyinemek+ temimiekak+. M+ta ya'umieme, netikwinit+ame, nenitatuam+k+." ²³ M+ta m+k+mexi mepetineikakai mahahiwat+kait+ t+r+ka+yemek+, p+meten+'at+ M+k+ ke'ukawiyanike. ²⁴ M+ta m+k+ wa'hiwari pilato pinakix+. Ya'umieme Pilato wayatuiri m+k+ tita metewaukai. ²⁵ M+k+ warutatauiri keane mawaukai, aku m+k+ kaxariyari mautanamiekai kiekari uyutamieka m+ta siere tiuyumieka. M+ta m+k+ Jesús wayatuiri m+k+ memiwaukaik+. ²⁶ M+ta mexi takwa me enyan+'awa, Simón Cirene kiekame mapuwi pakunuakai reku'uximayaka, m+ta m+k+ kuruxi mepikweit+a ment+nik+, Jesús ut+a umiet+. ²⁷ Te+teri yuwa+kawat+ hapa+te ukarawetsixi me'utitsuat+ meyuheiweriet+ Hetsienak+, mepiweiyakai. ²⁸ M+ta m+k+ warukuxeiyaka, Jesús p+tiwarah+awe: "Neniwema Jerusalen kiekatari, xekwahatsuanani Nehetsie mieme, xeutitsuakani p+ta xehetsie hapa+na xeniwema hep+sta. ²⁹ M+ta xeunieri, tukari pakamie kepauku m+k+ p+metiy+ni: 'aix+ me it+arie makwaniwewawe m+ta hapa+na waniweyame makwate ayanuiwit+a m+ta yutsitsik+ makwate utsitsit+a.' ³⁰ M+ta m+k+mexi metetsut+ani p+mahait+kait+ h+rimutsie hep+sta: 'tahetsie neukax+ri,' hapa+na h+ri: 'ketatsukanani.' ³¹ X+ka ik+ yaxeteyurieka mexi akuxi ite+ri tsi+ra+ye, ¿Ke'ta tiy+ni kepauku wakinitsie?" ³² Hipat+ta ukitsi, yuhutat+ teyukwikate, Hamatana mepehapanie hapa+na siere mewakwinike. ³³ Kepauku memuta'ax+a mana p+tiyetewakaku "m+ki mu'uya manka" manam+ m+k+mexi mepikawi hapa+na teyukwikate, xewit+ tserietana xewit+ta utatana. ³⁴ Jesús p+putay+: "Ne Yau, tewareuyah+wiri, m+k+ makwate akumate kemey+at+ mey+a." M+ta m+k+ mapuyuta iwiri, ke'aneme kemarieya ma'anayahurienikekai. ³⁵ Te+teri metanenierekai mexi its+kate siere M+k+ menanaimakai, p+mahait+kait+: "M+k+ hipame warukuwikwest+a. Ke'uyukuwikwest+ani yuxewit+, x+ka M+k+ h+k+t+ni Cristo Kaka+yari Nu'aya, aku Manayahanie." ³⁶ Xutarutsixi hapa+na mepitinanaima, mana Hats+ana mepu'k+, winu hatsiwime mepi'it+a, ³⁷ p+mahait+kait+: "X+ka Ek+ peh+k+t+ni Rey Judiotsixi wa'hetsie, neu'akuwikwest+a a xa+ta." ³⁸ Hapa+na siere mana mexatsie p+re'utsekai: "Ik+ kah+k+t+ni Rey Judiotsixi wahep+sta." ³⁹ Xewit+ teyukwikate aku mana siere mukawiyakai, pitati, p+'hait+: "¿Ek+ pakatih+k+ Crsito? neu'akuwikwest+a Ek+ m+ta tame siere. ⁴⁰ M+ta xewit+ pita'ti: "¿Kari Kaka+yari pakwa hautexie, mets+ siere ek+ hapa+na perewe? ⁴¹ Tame ana'i tekaniere aix+ tete'anyahu, mets+ tamamatsie tenih+ka yatetenanyahuni aku yatete uyurik+. M+ta ik+ uki tsikwatiuyuri. ⁴² M+ta m+k+ p+putay+: "Jesús, nenaye'eri kepauku penunitsie tawari a Kwiepari." ⁴³ Jesús p+reh+awe: "Sasunimek+ Ne p+nemerah+awe, hik+ maya'ani Nehamat+a pe'akanierit+aka Ne kie ta'heima. ⁴⁴ Anam+'ta ata'xewi pupaukukai m+ta y+wirika nua naitsta kwiepa uti'at+ a'tanauka upaukukaku ⁴⁵ m+ta siere tau hek+ariyari puku'y+wirix+. M+ta ixuriki teyupanie mutawiekai hix+apa pukatsanet+ya. ⁴⁶ Ha'hiwat+ t+r+ka+yemek+, Jesús p+putay+: "Ne Yau, a'mamatsie nepikuhayawa ne k+p+ri." M+ta ya'utay+ka M+k+ pu'm+. ⁴⁷ Kepauku xutarutsixi wa'ukiyari munierix+ yatiuy+kai, m+k+ Kaka+yari raya'ar+kame payeit+a, p+hait+: "Sasunimek+ ik+ uki aix+ tiuka'iyarikai. ⁴⁸ Kepauku te+teri yuait+ aku memuyuxe+riekai memunierekai kentiuy+kai, memunierix+ mana kemente'uyuriekai, m+k+mexi mapakunuax+a yu'tawie mahauyuhutsunat+. ⁴⁹ M+ta yu'nait+ memixexeiyakai m+ta siere ukarawetsixi keane aku memiweiyaki Galilea pait+, ya'tewa mepuyuhayawakai, matanenieret+ mana kentiy+anekai. ⁵⁰ M+ta anam+, puyeikakai xewit+ uki José titewat+, judiotsixi memuyu kuxexe+riwakaitsie miemet+kai, m+k+ uki aix+ tiuka iyarikai m+ta a+x+ ti'kamiekai ⁵¹ (m+k+ p+kwareuyah+akai kemete uxatakai hapa+na keme'uyuriekai), m+k+ Judea Arimatea, kiekamet+kai m+k+ Kaka+yaari Kwieparieya takwewiekai. ⁵² M+k+ uki, Pilato hats+a nua, Jesús waiyarieya putawau. ⁵³ M+k+ pekakwei pita'eimax+ ixuriki raya'akamek+ m+ta pikateukix+ m+kite mamatix+riwa aku tetetsie manatitsatsaiyakai, akuxi xewit+ mana kwahaukatekiewekai. ⁵⁴ Anam+ h+k+t+kai tukari meyukuha'arit+wakaitsie m+ta siere tukari uxipiyayatsie yutsut+akai. ⁵⁵ Ukarawetsixi, keane aku memeyak+nekai Hamat+ana Galilea pait+, akiketa mepenkuwei m+ta mepunierix+ m+kite aku mamatix+riwa m+ta waiyarieya aku makatekietsie. ⁵⁶ M+k+mexi mapakunuax+a m+ta mete'ukawewi wichiti +'+a me'itawirienike. M+ta tukari uxipiyatsie maya'atsie m+k+mexi mepuka'uxipi aku mari'itsika kemainek+.