¹ Ikɨ'tsie naime ti'mieme neka'xeta xaxatɨwani xekwa heti'witsewenikɨ. ² Iyámexi mexe ayaxɨrieni niuki wati xaxatsiwa'ta. Mɨtá tukari paya'axime kepauku xe'u'kui tsepa ke'anetɨ pɨ tiyuku'hɨawetɨ kename tiyatuá Kakaɨyari ayexeiyatɨ. ³ Iyamexi Ikɨ yemeteyurieni mekwa tatsi akumatekɨ Ne Yau meta Ne siere. ⁴ Ikɨ ne yene xeti'kuhɨawe, kepauku tukari maya'anitsie, xeme xepaye'erieni kename Ne ikɨ watsie yene tiu'xa. Matɨaripai ikɨ'tsie ti mieme yenekwa xetiu'ta hɨawixɨ xe hamatɨa nemu'yeikakaikɨ. ⁵ Hikɨ'ta ne ne'petɨa Iyá netsi'heyanɨ hatsɨa, yatɨtɨ xeme xekwa netsi ha iwawiya:'¿kewa pe'petɨa?' ⁶ Ikɨ yene xera'hɨawekɨ, xe iyari waukawa yu'heiwerie . ⁷ Sasuni nexeti'kuhɨawe: Né neyemie aixɨ ane xe hepaɨsta. Xɨkate neka'heyani, ti Yunɨtɨwame xe hatsɨa kwa'nuani, xɨka'ta ne ne'heyani, xehatsɨa nemenɨhani . ⁸ 8Kepauku Iyá nuani, Iyá ti Yunɨtɨwame kawara'ka hekɨatsirie'mɨkɨ kename me hauyaxɨ'rie kwiepa metama, tatakuri'tsie ti'miemekɨ, niuki aixɨ man'yɨnetsie ti miememekɨ. ⁹ Tatakurikɨ'ta, sasuni xekwa te eriekɨ Ne'hetsie; ¹⁰ aixɨtianekɨ'ta, Ne ne'metɨa ne Yau hatsɨa, mɨta xekwa netsi'xeiya tawari ¹¹ Aixɨ rakayɨnikɨ'ta, iyá itsɨkame ti'uximaya ana kwie tamatsie ye tiu'tayɨri hetsiena ke tiyɨni. ¹² Tiwaɨkawame nere'xeiya nexetita'xatɨanike, xeme'ta hikɨ xekwa heiti'maitɨkɨne, ¹³ Pɨtá kepauku nuani Iya aku Sasuni Espíritu'ya, Iyá xe'tsi anwi'tɨni tita ti sasuni'tsie, yukɨmana Iyá kwata'niuni, Iya yeta'yɨni kenti'ena, Iya yexe'titahɨawe tita re'hamie. ¹⁴ Iyá kanen'titemawiemɨkɨ, Mɨkɨ yuhetsie kati hɨimɨkɨ tita tine pini, xeme xe aka hekɨatsirieni. ¹⁵ Naime ne Yau rexeiya mɨkɨ ti ne pini. Ya umieme, Ne neputayɨ kename Espíritu yu mamatsie ti hɨme tita tine'pini xeti hekɨatsirieni. ¹⁶ Muixa ka anyayei'wekaku xeme xekwa'netsixeiya tawari, muixata ka'anyayeiwekaku, xeme xenetsi'xeiya. ¹⁷ Mɨta hipatɨ tɨriyamama pɨmeteniuyutahiawixiani tita tixata mɨkɨ yetarahɨawe ye pamexa hauti nekaku xeme tawarie xekwa netsixeiya ariketa yapamexa hauti neyu xenetsixeiya; mɨta né neyemie ne yau hatsia'. ¹⁸ Mɨkɨta pɨ metehayu'hiawekai ikɨ ke haitɨ paine mɨkɨ tawarie yereutere? te kwate akumate ke haitɨ paine. ¹⁹ Jesús pɨtiu nierixɨ kename mɨkɨ me hei iwawiyakukai mɨkɨ kati warutahɨawe ikɨ xemayuiwawiya xeme mɨkɨ né yenemutayɨkɨ kwareutereri xeme tawari xekwa netsi xeiya yepamexa hauti nekaku xenetsi xeiya . ²⁰ Sasunikɨ, sasunimekɨ nexerahiawe xeme xeti tsuani xeyuti hiawe kwiepatari me yukatemamawieni xemeta xeyuti heiwerieni mɨta xetewiyarika kanayewemɨkɨ temawiya. ²¹ Kepaukuta uka tiniwetsie mɨkɨ payukaheiwerietɨyani maya axe'kɨri mɨkɨtari ti niweme nunutsi mɨkɨri kwa ha'eriwa yu kwikwiniya mauyu temawiekakɨ muti nuiwaxi ana kwiepa. ²² Mɨta xeme xeyu heiwerie hikɨ, mɨta né nexe'xeiya hekwamekɨ xe iyari yu katemawieni ni xewitɨ kwa yɨwekaxiani xe temawiya xe nawairieni. ²³ Ana tukaritsie xame xewanetetawawirieni tixaɨtɨ.sasunikɨ,sasunimekɨ ne xerahɨawe xika xeme xetehutawauni tsepa tita ne yau hatsia ne hetsie xetiyatuirieni mɨkɨ kaxetiyatuiemɨkɨ. ²⁴ Hikɨ akuxi tixaɨ xekwatetawauwawe ne hetsie xe'itipitɨ xeteneutawawa xetenyatuiriyariekuni xe temawiya maye'anikɨ. ²⁵ Ne yane xeti'kuhɨawe ikɨ niuki ɨxatsi niukiyarikɨ, mɨta paya'ani pa ya'axime kepauku pɨne kwa xeti'tahɨawe ɨxatsi nuikiyari'kɨ, waritana'tá netayiní hekɨa'kamekɨ ta Yau hapaɨsta. ²⁶ Ana'tukaritsie xeme xete'tawauni ne hetsie xe'utanetɨ Né pɨ ne kuaxera'hɨawe kename ne'heyu nenewieka xe hepaɨstakɨ, ²⁷ Mɨkɨ ta Yau tɨtɨ yakwa xereu'eriya xeme aixɨ xenete hau'eriyakɨ, Ne yuri xete uta'erikɨ kename ne Yau hatsɨa ne akane. ²⁸ Ne Neyautsie nekatɨa, ne nua kwiepa. Hekuamekɨ, Ne neyemie'xime kwiepatsie ne petɨa ne Yau hatsɨa.'' ²⁹ Tɨriyamama pɨme putiyɨ: ''Xeteniere, hikɨ pe'maniuka hekɨakame'kɨ; kwati kuxata'ri ɨxatsikɨ ³⁰ Hikɨ tete'nakumaika kename Ekɨ naime perakumate, ekɨ pɨ'pekwareuyahɨwa uwa xewitɨ mesti ku iwawiyani. Ya'umieme, yuri tete'erie kename kakaɨyari atsɨa pe akane. ³¹ Jesús tiwa'ruta heí: ''¿Hikɨ'rí yuri xete'erie?'' ³² Xeunieri, kana ya'aximeniri, hɨ, kwa ti tawe'eriya, hɨ paya axe'ri kepauku xeme xe taxɨriyaxɨani, xeyu xexuitɨ xeme xekie, xenetsi kwe'eirieni ne xeɨta. mɨta nekwa Ne xeɨta, Ne Yau Nehamatɨa kaniere. ³³ Ikɨ yenexeti kuxaxatɨwa xemei xeiyanikɨ Ne Hetsie uxipiya. Ana'i kwiepa xemeixeiya tsiranyɨne mɨta xe tɨrɨkawinikɨ: Ne kwiepa metama Newara iwaxɨ.