¹ "Ne ne hɨkɨ uva iteɨriyari, Ne Yau ta hɨkɨ i'uximayame. ² Mɨkɨ naime paukumura kɨyeyari ke a'neneme Ne Hetsie ikwaxi kwakaneika, Mɨkɨ ta peikuwiteke kɨyeyari ikwaxi kwanenetɨwa, masi waɨka ikwaxi kaneikanikɨ. ³ Xemeri aixɨ xe anene niuki Ne ne xe yetuirikɨ . ⁴ Nehetsie xeyuku'hayewakani, ne ta xe hetsie. Kɨyeyari hapaɨ aku ikwaxi kwanetɨawe yukɨmana, mɨta xeikɨa iteɨriyari'tsie, xeme paɨmɨ siere xekwa yɨwekaxɨani, xɨka Nehetsie xekatewiyani. ⁵ Ne ne'hɨkɨ iteɨri, xeme ta kɨyeyari. Keane Nehetsie yukuhayewa, Ne'ta hetsiena, mɨkɨ tewi waɨka ikwaxi titixuawitɨani, Nehetsie xehautewatɨ tsi xekwa teyurieni. ⁶ Xɨka xewitɨ ne hetsie kayukuhayewani, mɨkɨ wa pauka'hɨiyani kɨye hapaɨ, mɨta tawani, mɨta mɨkɨ kɨyexi titeɨxieni siere'ta taipa pauxɨriyani mɨta titai'yarieni. ⁷ Xɨka xeme Ne hetsie xeyukuhayewani, xɨka ne niuki xehetsie yukuhayewani, xeketeneutawawa tsepa tita, mɨta xeteyetuiriyarieni. ⁸ Ne Yau kunie ra'yeatɨ mayeitɨarieka'kɨ mɨkɨ tsie: xeme waɨkawa xemaukayaxikeni ikwaxi, siere ta xeme ne'tɨriyama xehɨkɨtɨni. ⁹ Aku Ne Yau hapaɨ kenenreunake'erie, Ne siere ye ne kwa'xereueriya; xekeneyukuhayewani ne nake'eriyatsie. ¹⁰ Xɨka xeme ne ɨkitsika yu mamatsie xe hɨka, xe yu hayawa ne nake eriya'tsie, Ne ne hapaɨ ne yau ɨkitsikaya ne u'ta, Nake eriyarieya'tsie ta neu kawe. ¹¹ Ne ikɨ ya nexe ra hɨawe ne temawiya xe hetsie kanierenikɨ mɨta xe temawiya maya aka nikɨ. ¹² Ikɨ hɨkɨ ne ɨkitsika, xe me xe mauyuya hɨakakɨ yu naitɨ, Ne ke nenxe reu yahɨwa hapaɨ. ¹³ Xewitɨ kwinie kwa reu yu eriya ikɨ hepaɨsta, yu tukari ya tuani yu hamikumakɨ. ¹⁴ Xeme xe hɨkɨ ne hamikuma xɨkate ya xe te huni Ne ke nen xeti nɨ'a. ¹⁵ Ni'ri ne nɨ'arima ne kwa xe tiu terɨwa, nɨari kwara kumate kutsiyarieya kenti yuriene. Ne nexe tiu terɨwaxɨ hamiku'tsixi, naime iya ne tiu enikɨ Ne Yau ke maine, xemeri nexe tiu xeiyastɨa. ¹⁶ Xeme Ne xekwa netsi anaya'ha, pɨta ne nexe ana yahapa, mɨta paɨmɨ xe mau hunikɨ ikwaxi xe hauka yaxiketɨ, mɨta xe ikwaxi wi'kwekakɨ, tsepa tita xe te uta wau Ne Yau hatsɨa Ne Hetsie miemekɨ, Mɨkɨ ka xe ti yetuiriemɨkɨ. ¹⁷ Ikɨ ya ne xe tiu nɨ'a: xeke neu yu ya hɨaka yu naitɨmatɨ. ¹⁸ Xɨka kwiepa metama xeme mexe hau hekani, xeke tenakumaika, kename Ne meri menetsi uyehekaxɨ ke akuxi xeme. ¹⁹ Xɨka xeme kwiepa metama wahamatɨa xe'aye ukake, mɨkɨ ye me kwa xete hau'eriyanike maxemiemeni hapaɨ. Mɨta xeme kwiepa metama xekwa mieme, mɨta ne nexe'anayehapa kwiepa metama tsie ya umieme kwiepa me tama, mexe hau heka. ²⁰ Xekenaye'eriwani niuki ne xe'utaxatɨa: "Xewitɨ nɨ'ari kwara ya'axe masi ke yu ukiyari." Xɨka Ne mene'tsi ankuweiya, xeme siere ta xepankuweiyarieni; xɨka iyamexi ne niuki me uti u'ta, iyamexi'ta xe niuki me ti utakuni. ²¹ Iyamexi'ta pɨ me xe yuriekuni ne hetsie hakunekaku, mɨkɨ iyamexi me kwa eku'mate Iya ke'ane netsi heyenɨ'a. ²² Xɨka ne nekanuanike hapaɨna ta xɨka nekatiutaxatake wa hamatɨa, hikɨta iyamexi me kwa hexeiya kemeutayɨni yu tatakúrikɨ. ²³ Ke'ane Ne ne'tsi hauheka, ne Yau siere'ta pau heka. ²⁴ Xɨka ne yenekatiuyurienike kenen'tiuyuri aku ni xewitɨ yekwatiyuriewe, iyamexi tatakuri mekwa tehexeiyanike, me punierixɨri, me Netsi Heka siere ta Ne Yau. ²⁵ Ikɨta ti hɨkɨ yetiyɨni niuki'tsie aku maka'uxe mari'itsika tsie: 'IYAMEXI MENE'TSI UYEHEKAXI TSI NE KATIUYURIEKU.' ²⁶ Kepauku Tiyunɨtɨwame, ke'ane nexe an nɨ'airieni Yeukame'tsie, ikɨ tihɨkɨ, Espiritu sasuni, ke'ane mayene Yeukame tsie, kenuani, Mɨkɨ katitaxatamɨkɨ Ne Kɨmana. ²⁷ Xeme siere'ta xete'ta xatakuni nehamatɨa xemu uwakɨ matɨaripaitɨ.