¹ Ni wa+kawa xeme xekwa ak+ne ti'+kitamete, ne iwama, xete akumait+ yu mamatsie wa+ka xanetsika. ² Ketiuru tanait+ tame tepetiwitsewe tiwa+kawametsie. X+ka hipat+ maka hetiwitseweni yu niukik+, m+k+ kah+k+t+ni uki aix+ ane, kway+we miwapa siere yuhetsie timieme aya at+. ³ Hik+ta x+a tame te itakest+ani pirenu cawayu tetana m+k+ tatsi an'enieni tey+we ta'aurie temeh+ani naime aya'ar+kame. ⁴ Xeke neuyu +wiya siere Kanuwa teapa kwinimieme pa't+ tiukait+ tseapa mu'eka y+we ta'aurie meh+ani m+k+ peixeiya timon titewakame m+k+ y+we ihaname mein+ aist+iya tseapa kereiyunit+a. ⁵ Ya xeik+a anet+ h+k+ neni itsipet+ itsiyaut+ temeixeiya ta hetsie, m+k+ y+we wa+kawa tiyuriewe xekeneunieri itsipet+ tai y+we naime tikutaiya k+tsata. ⁶ Neni yaxeik+a tai h+k+, xeime kwieyari tsiranyine tih+k+ ta hetsiemieme, tekate aya ar+kame tatsi ayeit+wa naimek+ mitataiya naime tahuye tatukari ya xeik+a m+k+ pitaiya matita'atsiek+. ⁷ Yu nait+ kemente anene tewaxi yautari, wikixi, mete a'+riwawe yutsata haramaratsie meteya uwa maputimaxiutsie m+ta siere te+teri mawarutimaxiutax+, ⁸ m+ta xewit+ ukitsi watsata kway+we neni timaxiuta; m+k+ tsiti anet+ tih+k+ kayumaxiutsin+at+, peixeiya tixa+ tim+iyakame. ⁹ Ta nenik+ tame Ta Ukiyari tetekwit+a Ta Yau, m+k+k+ta siere te+teri tewara te'a aku Kaka+yari warutiwewi hapa+na mete u'iyarime. ¹⁰ Tateta mayeneika aix+ manyine siereta tsiranyine. Ne iwama ik+ yamanyine hawaik+ p+kwa ti'aneni. ¹¹ ¿Tiy+we haixa hutat+ ha watineni xewit+ hakakat+ xewit+ta hatsiwit+? ¹² Ne iwama ¿Tiy+we ixapa ite+ri maukayaxe pai ikwaxi yata haraweritsie xapa maukayaxe? Yaxeik+a haixa kway+we watineni ha hatsiwit+ yata hakakat+. ¹³ ¿Ke'ane payewe xehetsie timaiwet+ hau'enat+? Xekeneuhayawa m+k+ tewi ke ihek+ata yu tukaritsie aix+ tikamie aix+ y+anet+ kayuwe'etat+ aku mayeneika tiyumaiwetsie. ¹⁴ X+kata xewit+ +tetsarika hexeiyani antiyeikat+ siere yuhetsie xeik+a ku'eriwani, xekwa hauyu'+ka xekwate'itaaka tita aix+ ranyinetsie. ¹⁵ Ik+ kwah+k+ tiyumain+a taheima makane, p+ta ana kwiepa timieme, hawaik+ t+kakame n+'arimama. ¹⁶ Kewa mexuawe +tetsari siere yuhetsie eriya, mana xuawe kwatiyumain+a siere tsiranyine meteyupit+a. ¹⁷ M+ta tiyumain+a taheima mieme m+k+ aix+ ane, siere tixa+ kwaranierit+a, aix+ petiu akamait+, nenimayatsika pehexeiyat+, aix+ aneneme ikwaxi pahaukayaxiket+, pakati'itat+. ¹⁸ Siereta ikwaxi aix+ mayine puyuka etsa uxipiyak+ aku iya ke'ane iyamexi uxipiya meyatua.