¹ Ne iwama, hipame teuteri wa hetsie xeik+a xekwanuaka sasuni eriyarika ter+warikayak+ ta ukiyari Jesucristo, ukiyari raya'axe. ² X+ka xeit+ hauta hani xemayuti xexe+riwatsie hanira raya akame hauta mat+ ya'ta kemari raya'axe rakapit+, m+ta siere x+ka hauta hani xewit+ uki tixa+ kare xeiya tikwiemat+kaime pini rakapit+, ³ M+ta xeik+a ek+ kwi penxeiya iya tewi ke'ane witsi'reuyuku ket+a, m+ta pa+petay+ni: pampayusi heima teu wewi ´ ena keneukani, ena kwitsitiuyu yeixaxie,'' m+ta iya pa+petita h+awe uki tixa+ kwarexeiya: '' ek+ mapait+ keneuta kexi ,'' yata '' neketatat+a keneuti yexi,'' ⁴ ¿ aix+ xete'akayuruyat+ xekatey+a xeme xek+mana, m+ta aix+ yuruwamete xe'ayuyeit+at+ mita xeik+a tsixeteyuku h+awet+? ⁵ Xekeneu'enana, iwamari ke'ane wa+kawa né newareuye h+wa, ¿ kaka+yari katiwaranayahapa iya t+xa+ mekwatehau xeiya kwiepa xikutsixi me h+k+t+nik+ sasuni eriyari´tsie m+ta meyatuiriyarienik+ kwiepari ik+ naime m+k+ katiniwayatuiriem+k+ ke'ane wa+kawa memi amaruwa? ⁶ ¡ m+ta xeme iya xewatewiya ke'ane tixa+ kwarexeiya! ¿ iya kati h+k+ xiku ke 'ane xatsinanaima, m+k+ mekateh+k+ mexatsi hepana memayuti'xaneta'tsie? ⁷ xikutsixi xekate ita ter+warikayak+ ke'ane h+awariekame ke'ane h+k+ temexeiyani, ke'ane hetsie mieme xe'h+k+? ⁸ X+kata, ek+ peraya at+wani mari'itsikatsie, kemureuku uxa xapa'tsie: ''a'iwa keneuye h+aka ek+ kepe reu'ayeh+wa,'' aix+ pekatinikamieni. ⁹ M+ta x+ka xeik+a h+pame wa hepa+sta pe'ukani, ik+ tatakuri pekatini a'pit+aka, ik+ xeme yaxekatekahu kaka+yari kemutin+'a, m+k+ xeme xatsi'antax+rieni yaxekateka'huk+ ke maine mari'itsikaya'tsie. ¹⁰ Ke'ane raya'atiwa mari'itsika naime'tsie, m+ta x+ka tixa+'tsie hetiwitseni, m+k+ katiyuriem+k+ naime mari'itsika ti'unax+ani! ¹¹ m+ta kaka+yari pa+ mutay+: PEKWA'A KARAYUNITANENI,''m+ta siere pa+ mutay+: PEKWATI'AMIEKAMET+NI.'' x+ka peka'akarayunitsiwieka, m+ta peti amiekamet+ni, kaka+ari mari'itsikaya pe'uka'unaka pekaniuy+ni. ¹² M+ta keneu enani pa+ ketekamieni ke 'ane mete akumateri kename kaka+yari waraya wawirieni m+ta mare'itsika tiyux+namek+. ¹³ M+ta rakamiek+ ti t+r+ka+yeti nenimayatsika kahexeiyat+ aix+ rakay+ni'tsie ke'ane nenimayatsika mekwa'uhek+atax+ wa'hetsie mieme. ¡ nenimayatsika katayu iwani aix+ rakay+ne hepa+sta! ¹⁴ Aix+ anet+ ti'ane, ne'iwama, x+ka xeit+ pa+ haineni kename sasuni ti'erie, m+ta x+ka uximayatsika kayuhek+aka? ¿ sasuni eriyarika miku wikweist+ani tiy+we? ¹⁵ x+ka xeit+ ne iwa uki yata uka tixa+ karexeiyani kemari yata ikwai tukarik+ mieme, ¹⁶ x+ka xeme xeit+ pa+ tita h+awe: '' aix+ anemek+ kenemieni, keneu'a tax+riya m+ta haka keneuku mawiriya,'' m+ta pakwatiyetuirie tita waiyarieya tiwawa, ¿ aix+tsi m+k+ ka aneni? ¹⁷ M+ta sasuni eriyarika yaxeik+a any+t+ kaneun y+neni, x+ka xeme tsixekateyurieka m+ta xeime xemuparewienik+, xa'sasuni eriyarika kanim+kini. ¹⁸ M+ta xeit+ pa+tay+ni: '' ek+ sasuni peti'erie m+ta né ne'uximayatsika yu hek+a. '' keneneu xeiyast+a a sasuni eriya uximayatsika kayuhek+a, m+ta né ne'atsi xeiyast+ani sasuni eriyak+ uximayatsika yuhek+a. ¹⁹ Xeme pa+ xeteyuku h+awe kename xewit+ xeik+a h+k+ kaka+yari; aix+ xeteniyuku h+aweni. m+ta siere t+kakame n+'arimama sasuni mete'erie m+ta marikak+ meniuti y+y+akani. ²⁰ Sunu pereu maim+k+, ek+ uki pemu'erie , ek+ pekwa enam+k+ né ne'axi xeiyast+anikeyu kename sasuni heriyarika katiyu hek+at+ karaya'axe? ²¹ ¿ Ta hetsie mieme meripa+ti Abraham kaka+yari temawiya tetsiyatuiri katih+k+, kepauka yetua yu niwe Isac, niwetaritsie? ²² Ek+ peniere yuri peti'erieka ti y+we kemutiuy+ni, uximayatsika yuri peti eriet+ katiu axe kentiku eriwa. ²³ ut+arika paya'a ketiuy+ kepauka naime ABRAHAM KAKA+YARI YURI TIUTA ERIRI, M+TA PU IN+ATSIYARIE TITA AIX+ RANY+NE.'' m+ta Abraham puta h+awarie kaka+ya hamikuya hapa+. ²⁴ Xahuni xeme kentiyurienek+ xewit+ tewi aix+ p+ it+arie, nita xeik+a sasuni ti eriek+. ²⁵ yaxeik+a siere ,¿ kati h+k+t+kai Rahab yewa aix+ katiu it+arie kenti'yurienekaik+, kepauka aix+ tiwareun kwewi niuk+ tuayamete m+ta ware n+'a xeitapari huyeta? ²⁶ m+k+ts+ tewit+t+ x+ka hautewani espiritu hepa+ta m+k+ kanim+kini. yaxeik+a yuri ti'erie x+ka tsikati yurieneni yaxeik+ata kanim+kin+.