¹ Santiago, Kaka+yari Ukiyari Jesúcristo n+arieya, 12 nuiwariyari mentama kuiepa, wa+ritsika. ² Meyu'temamawiekame xenewarayeit+aka, aku ne iwamarixi xekeneku'eriwani wa+kawamwame'tsie y+k+ ti'anetsie meta tsiti'anetsie, ³ Rakumait+ri kename uta'in+atsiekai kename sasúnik+ kahetineikakai. ⁴ Xekeneupit+a t+r+kariya kentiyurieni, xemayax+rienik+ naimek+ aix+ xe anenet+, tixa+t+ kaxereuya h+at+. ⁵ Yata x+kate xeme xewit+ timaiwet+ hauyeim+k+ni, ke itawauni Kaka+yari hatsia m+k+ piyatua, karaukweriekamek+ kareiwawieriet+ tsepa ke ane, m+ta m+k+ piyatuirieni. ⁶ M+ta xetene wauka sasuni xete´eriet+, xekate tawe´eriet+, m+ta ke ane tita tawe´erieni p+tiuyumatsik+re haramara yuarika hap+, kuhanienet+ ekak+ huta hautah+iwat+. ⁷ M+k+ tewi p+kwa tiku eriwani kename tiyatuiriyarieni tita titawawiri yu ukiyari; ⁸ m+k+ tewi kah+k+t+ni aix+ kwa reuyumate, paleku kwa atiwe naimetsie yu huyeta. ⁹ M+k+ xewit+ iwamari tixa+ kwarexeiya ke hauyu +ka ketewa kawek+, ¹⁰ mexita xewit+ iwamari tuminikame yuwe erikatsie m+k+ m+ni, tutu hap+ yauta mieme. ¹¹ Tau hanatineikatsie xikamek+ kateteke, m+ta tutu patiweni kentitemaik+kai m+ni. Pa+m+tasiere, te+teri tuminkate mekumawire tsepa kemete uyuriekai. ¹² Aix+ ke it+arieka uki tinewieni in+atsikatsie, m+ta uranieri anyayayu in+atsika, m+k+ yatuiriyarieni kur+na miemetsie tukari kwua x+we, m+k+ tiyatuiriyarieni tiyu iwakame m+k+ ke ane wa+kawa memauyah+wa Kaka+yari. ¹³ Xewit+ p+kwa haineni kepauku ta in+atsieni: ¨ik+ in+atsika Kaka+yari peiyan+´a¨ M+k+ Kaka+yari in+atsika tsiti aneme kwatiyatua, m+k+ta Kaka+yari yu k+mana xeime kwata in+ata. ¹⁴ Yuxexuit+ te+teri me in+atsiet+we yuk+mana tsi meteyuku h+awet+ ya umieme memi wahana yu hats+a. ¹⁵ M+ta uranieri, tsiti aneme hatiyuku h+aweni mita pakayar+ni, m+ta tatakuri tin+iwa, uranierita taweretsie tatakuri paleku, m+kiriya payeika. ¹⁶ Xekwa teyu ita+yeni, aix+ nexereu eriya ne iwama. ¹⁷ Nait+ aix+ ti ane imikieri metasiere nait+ Kaka+yari imikierieya aix+ wichi anet+ ta heima pakanena, akamiet+ Wayautsie aku naime tiutiwewi hek+ariya. M+k+ Hats+a kwareyupata ana´i hap+. ¹⁸ Kaka+yari panayaha tatsiyatuirieni tukari yuri niuki´tsie, pa+m+k+ temak+ne temukahait+a ikwuaxi raya´at+ wa+kawa. ¹⁹ Xeme m+k+ xete akumate, yenekwa xereu eriya ne iwama. yunait+ tewi yapauku keheti enani, wawet+ utaniut+, kwit+ ka uyaha awet+, ²⁰ karik+ hax+aya uki kwuarekanake ti uximaya Kaka+yari´tsie. ²¹ Ya umieme, waxeketeneu h+aka naime tikwemat+ka tatakuri meta siere tsirany+ne naitsarie kaniere, xekenankwewieka palekumek+ niuki, y+we kuwikwest+ani xe k+p+ri. ²² Xekene enieka niuki, xeik+a kekwua´ta enanaka, xekwua teyu ita+yeni yu k+mana. ²³ M+ta tsepa ke ane xewit+ niuki u enieme p+katikayani, p+ anet+ h+k+ iya uki hapa+ ayukaxeiyaka ken raka´erie xik+ritsie. ²⁴ M+k+ payukaxei, yapaukuta heyaka rat+ma+ya kenraka eriekai. ²⁵ Iya´ta ke ane tewi palekumek+ mitimaix+a mari´istsika, m+k+ mari´itsika metsix+na, pehei eniet+ ; m+k+ xeik+a kwa h+k+ ename p+ta p+tikamie, m+k+ uki aix+ it+arieni kentiyuriene´tsie. ²⁶ X+kate xeik+a xewit+ yu hetsie ku eriwani kename Kaka+yari uweiya, m+ta au eriet+ utaniukani, m+k+ yu iyari ti itaiya xeik+a y+ane Kaka+yari muweiya. ²⁷ Kaka+yari muweiyani heitseriemek+ kwati itari ta Kaka+yari Tayau h+xie ik+ h+k+: nutui parewieni siere wiuraxi meyu h+awek+, m+ta meyunani tita kwiepa tixuawek+.