¹ Tete uximayat+ teyun+t+ Hamat+ana, hapa+na siere texewawirie imikieri yumamatsie xeh+ xeka itawe'eriet+. ² Mets+ M+k+ p+haine: ''KEPAUKU AIX+ TI'ANEKAI NE NEXEU'ENI, HAPA+NA TUKARI WIKWEST+ARIKA MAYA'ATSIE NE NEXE'UPAREWI.'' Xeunieri, hik+ kah+k+t+ni aix+ ti'anetsie. Xeunieri, hik+ kah+k+t+ni wikwest+arika tukari. ³ Ni xeime h+xie tete tekwatayeni metiwitsenik+, m+ta tame p+tekwatehauyah+wa aku ta'uximayatsika tatawe'eriwa. ⁴ Ta'aurie mawetse p+ta, tata'in+atat+we ke'ane teh+k+ aku kete'tekahuk+, kename Kaka+yari uximayatame teh+k+. Teh+k+ M+k+ uximayatame wa+kawa tete'ukanenewiet+, hamauyuh+aweni, heiwata hayuheiwerieka, ⁵ hetiweiwani, hamantah+iyani, hamaunamieni, hamutikerieni uximayatsika t+r+ka+yemetsie, t+karik+ tekakutsut+, ha hauhakam+t+, ⁶ yat+t+ aix+ te'ane, tete'akumate wa+ka, tekwayumex+it+a M+k+ xeik+a te pitakwewie, wa+kawa texehauyah+wa, Espirutu Santo'tsie. ⁷ Teh+k+ n+'aritsixi niuki tekuxatani yuri h+k+ Kaka+yari t+r+kariyaya'k+. Temeixeiya teyunama aix+ anyinemek+ ta'mama tserie hap+na ta'utata. ⁸ Tame tete uximaya eiwa te+teri paleku metatsi xeiya heiwa'ta hawaik+, heiwa meta tewawiriet+weni, heiwata paleku metateku eriyani. ⁹ Tame tete uximaya wa'at+ xeiwit+ katatixexeiya hap+, akuxi paleku texexeiyar+wat+. Tame tete uximaya wari tetekuwikwewet+ m+ta ¡xekeneunieri! akuxi tepayeneniere.Tame tete uximaya t+r+ka+yemek+ wa'at+ tete apine y+k+ tetekahut+, ay+weka ta tukari tekwanawaiyariewe. ¹⁰ Tame tepu uwa teyuheiweriet+, yaxeik+a'ta wa+ka teyutemamawie, tame wari tetey+a, hipameta wa+kawa mete hexeiyame tewarayeit+a. P+tete uyuxexeiya wa'at+ tixa+ tekate hexeiya, masi'ta naime tetehexeiya. ¹¹ Tame tekuxata naime yuri many+ne Corintios'tari, m+ta ta iyari panta yepie xehapa+sta. ¹² Tame paleku aix+ texetehau'eriya, xemeta hawaik+ paleku xekwa tate hau'eriya. ¹³ Hik+ta p+ti anenikeyu paleku teteyuku eriyani tehauyuyah+at+, t+ri wahap+ nexetikuh+awe, yu iyari xenantayepiex+a ya xeik+a tetehau'yu nake'erieka. ¹⁴ Xekwa akuw+ka iya wamat+a yuri me kwate erie. Ke hap+ ¿me'te yun+'+ aix+ many+ne'k+, tsiti anemat+a? ¿M+ta meteyu iyata hek+ariya'mat+a y+wiriya? ¹⁵ ¿ Meteyu iyata Cristo mat+a Belial? ¿ Tita meteyuyatuirie yuri ti eriemat+a iya yuri kwa tierie mat+a? ¹⁶ ¿M+k+ta kemete hauyuku hana Kaka+yari xirikieya mat+a yusite? Kari'k+ tame tehuk+t+ni Kaka+yari mayaniere xirikieya, aku Kaka+yari p+mutay+: ''WAHAMAT+A NE KAYAR+NI METASIERE WAHAMAT+A NE MUYEIKANI. NE NEPAYANI WA KAKA+YARI, M+K+TA MAPAK+NE NE KIEKARI.'' ¹⁷ Ya umieme'ta: ''XEKENEWAYAK+N+ WA HATS+A, WAXEKENEU +RI,'' p+ paine Ukiyari. ''TI MAIWEME XEKWATEKU MA+WANI, NETA PALEKU NEXE ANKWEWIENI. ¹⁸ NE NEPAYANI YAUKAME XE HAPA+STA XEMETA NENIWAMA XEPAK+NE,'' p+ kanaineni Ukiyari kunie tit+rika+ye