¹ Tame tete'akumate kename ta'waiyarik+ kwiepa temu'uwa ta'unanrieni, tame temeixeiya Kaka+rari kiya. M+k+ ki te+teri wa'mamatek+ kwawewiya, p+'ta ki ka'uniwet+ ta'heima mieme. ² M+ta ana'i kwiepa ta'kie tame tepiwawirie, p+teteku'eriwat+ kename tetehautani+t+at+ka ta'heiama miemek+. ³ Tame ik+ p+tetenake'erie kepauku tete'anakapinitsie tekwakaxeiyarieni tehauxetat+. ⁴ M+ta siere, mexi akuxi tame ana kwiepa teti'teni, tepiwawa, siere tetsewiximariet+. Tame p+tekwatehauyah+wa temauxetaka. P+ta, p+tete'hauyah+wa kemari tete'anakapika, p+ta aku ke'tita tim+we tukarik+ pa'iwarieni. ⁵ Ke'ane aku tatsuku ha'arit+a ik+ yamanyinetsie Kaka+rari tiuyuri, aku siere Espiritu tatsiyatuiri aku mekaxewiriyax+ tita uxa'a warei rakamie. ⁶ Ya'umiemeta, yuri xetene'erieka. Xetenakumaika mexi akuxi tawaiyarik+ teu'uwani, tame Kaka+yari hats+a teputewani. ⁷ M+ta tame yuri eriyarik+ tepu'huni, hawaik+ta tita tetexeiyak+. ⁸ M+ta tame yuri tete'erie. Tame p+tetehauyah+wat+t+ tawaiyari watehaukah+at+ temu'uwani m+ta Kaka+yari mat+a temu'huni. ⁹ Ya'umieme tame yatey+a tepanti'ax+ani, tame tsepa temu'uwa yata temumawe, aku M+k+ aix+ tetehau'eriyanik+. ¹⁰ M+ta tame tanait+ Cristo h+xie teti'uni tetixanetsieni, aku yuxexuit+ yumamatsie meteh+ni kemeteka'k+k+ yuwaiyaritsie, aix+ renyinemek+ yata tsiranyinemek+. ¹¹ Umaniere'ta, teteakumait+ri Ukiyari tetexiet+, tame te+teri tewayatuirie aix+ mayine. Tita teteh+k+ hek+akamek+ Kaka+rari tatsixeiya. Ne netikwewie siere paleku hek+aka xeme xehepa+sta. ¹² Tame p+tehait+kait+ tekwahait+ka texe a'iwa tawari p+xetate xeiyanik+ aku kename te+teri tekate itawa. Ta'aurie mawetsek+ p+ta, tame texeyatuirie heiwa tiuy+ xemauyutemawieka tahepa+sta, aku xeme xemeixeiyanik+ niuki aku ke'ane iyamexi mamuyu'+ kementekahuk+, m+ta hawaik+ yu iyaritsie tita metehexeiya. ¹³ M+ta x+ka tame terukutsixit+ni, ik+ yate anene Kaka+yarik+ te'anene. M+ta x+ka tame aix+ tetekahuni, karik+ts+ xeme xehepa+sta te'aneneni. ¹⁴ M+ta Cristo nake'eriyarika p+tatin+'a, m+ta tame p+teteku'eriwa ik+ itsie: kename xewit+ tewi u'm+ yunaimetsie, m+ta, ya'umieme, yunait+ mepukwi. ¹⁵ M+k+ pu'm+ yunaime watsie, aku ke'ane iyamexi mamayeneniere makwa u'uwani yu'hetsie mieme p+ta Iya ke'ane m+k+ wareunake'eriet+ mu'm+ m+ta makuke. ¹⁶ Ya umieme, hik+ umautiyune tame xeime tekwatewawiriene aku te+teri mete u'huhapa+, aku siere tamem kepauku heiwa p+temutiy+ Cristo hepa+sta. M+ta hik+ tame xeime tekwatewawiriene aku yamayinetsie. ¹⁷ M+ta, x+ka xewit+ Cristo'tsie rawiyani, m+k+ h+k+ hekwamek+ mutinuiwax+. M+k+ kentiuka iyarikai tiuku mawirix+. xeunieri, m+k+ hekwat+ rak+ne. ¹⁸ Ik+ nait+ yamanyine Kaka+yari tipinieya. M+k+ tatsi utin+it+a yuhamat+a Cristo'tsie hakune siere, m+ta tatsiyatuiri uximayatsika n+it+arika. ¹⁹ Ik+'i puh+k+, aku Cristo'tsie, Kaka+yari tatsin+it+a Yuhamat+a aku kwiepa teta'ma, het+maiyat+ wata'takuri m+k+ wahepa+sta. M+k+ ta'hetsie piti'pine niuki aku n+it+arika. ²⁰ M+ta tame p+tete uter+war+wa Cristo n+'arimama, p+hekuyit+ wa'at+ Kaka+yari tatiwawirie wa+riyarika tame tahepa+sta. Tame'ta texewawirei xeme, Cristo tatsihauyah+wak+: "¡Xeteneuyuyah+wiri Kaka+yari mat+a!" ²¹ M+k+ tiuyuri Cristo mayani mumierie tatatakuri hetsie. M+k+ heiwa tatakuri kwatiuyupit+a. M+k+ yatikat+a tame tey+wawet+ temak+nek+ aix+ manyine Kaka+yari'tsie.