¹ hikɨta, Espiritu heitserimekɨ yepaine kename reumietɨ teɨteri hipatɨmetehayawa hasuni kemente 'eriekɨ mɨta hasuni metewata 'eririeni te'itawamete espiritutsixi, meta temɨarixi wa'ɨkitsikakɨ ² 'itarika wateta mayeneika kehate niuki me'akumaitɨtɨ yemekwatekahu, yu'yutɨakakɨri mɨkɨ kementeyukuhɨawe. ³ Mɨkɨ mekwatepitɨani hipatɨ me'meyuwitɨkɨni mɨta 'ikwai yuma'matsie mekuhɨweni Kakaɨyari tiutuwewi hipame tetewamikwanikɨ kehate ta hapaɨ siere sasuni me'te'erie. ⁴ Kakaɨyari tita tiutiwewi aixɨ ti anene, ⁵ 'aixɨ'itɨariekɨ Kakaɨyari niukeyakɨ meta ne'newierikɨ. ⁶ Xɨka 'ekɨ pe'ihekɨatani 'ikɨ yamanyɨne a'iwama wahɨxie, penayeimɨkɨ ti'uximayatame a'ixɨ tikamie Jesúcristo hapaɨsta. aixɨ ti'aneme 'ama'matsie petihɨ sasuni kepenti'erie mɨta 'aixɨ manyɨne 'ɨkitɨarika pemuweiya ⁷ Ukarawetsixi me'mauyumate wa'ɨxatsi pekwata'enieka. masi pɨta 'aixɨ kene 'akuyuruwani ne'nimayatsikatsie. ⁸ tsepa kepenyɨane 'awaiyaritsie timiemekɨ mɨkɨ raye'atɨ kwa'ayeika, mɨta xɨkate petiu'akanenimayaka raye'atɨ payani tinaimetsie, meta tatsiparewie hik+ ta'tukari kwa'kwaniwenik+ meta tukari makamietsie. ⁹ Ikɨ niuki sasunikɨ ti kuxata meta ekɨ sasuni peti ' eriekakɨ. ¹⁰ Ikɨkɨ ya'umiene te 'uximaya meta waɨkawa 'ahetemekɨ te'te'uximaya. Kakaɨyari mayaniere hetsiena temauyu waɨriyakɨ, ti'yu Wikweistɨwame hɨkɨkɨ 'akatekemekɨ ke'hate sasuni mete 'erie wahetsie. ¹¹ Pɨke tewaru ta'xatɨa meta pɨke teu'nɨ'a. ¹² Pekwa tipitɨaka kataku 'aheima xewitɨ 'uyemieni ekɨ petemaikɨkɨ. Pɨta, 'ekɨ yepeke tikamieni kehate sasunii me'te 'erie wahɨxie, 'aniukitsie, kepenti kamietsie, nake'eriyatsie, Kakaɨyaritsie sasuni peti 'eriekɨ meta iyari aixɨ aneme peme xeiyakɨ. ¹³ Kepauku ne manuanitsie utiniereme, 'ekɨ 'utsika ke nakaterɨwani, hipame pewamari'itɨatɨ meta peti wa'ɨkitɨtɨ. ¹⁴ Pe kwa he'tɨmaiyani imikieri peme xeiya, peya tuiriyarie a'hetsie pɨtiu taniukiekaikɨ kename ya ti yɨnikekai, ukirawetsixi te'uximayatamete 'ahetsie me hautimeku. ¹⁵ Ikɨ naime kete'ɨwiyani. Yepe ti kamietɨ kenreuku 'uxa, hipatɨ me'nierekɨ kename ekɨ pe ti uximaya Kakaɨyari hapaɨsta a'iyari ya'anemekɨ. ¹⁶ Peyu 'ɨwiyatɨ kepen tikamie meta kepen tiku 'ɨkita. Kete yeweiyani ikɨ yepeti kamietɨ. Ikɨ yepeti kamienikɨ ekɨ metsi kuwikweistɨani mɨta hapaɨna kehate me'mesta 'enie.