¹ Ikɨ ye neti kuxata sasuni kete 'erieka: xɨkate xewitɨ ti ɨwiyame hauyeimɨkɨni, uximayatsika aixɨ aneme hauyahɨatɨ tiyu kɨhɨawe. ² Ya úmieme ta, ke ane ti ɨwiyame aixɨ tiuka iyaritɨ ke hɨkɨtɨni. Mɨkɨ yu xewime 'ukaratsi he xeiyatɨ. Yati kamietɨ ka'antiyakamekɨ, yukuhɨawetɨ rekanakemekɨ, aixɨ ti kamietɨ, warankwewietɨ yu kie hipame tsepa kawa xexeiya. Iyá yɨwetɨ hipame tiwa ta ɨkitɨani. ³ Iyá winu ka ye'etɨ, ka yu mieriwietɨ, pɨta ikɨ ta'aurie mawetse hapaɨ, aixɨ tiuyuka 'eriyatɨ, tiukanewietɨ meta hapaɨna yu naime tiwa newirietɨ. Iyá tumini ka temawietɨ. ⁴ Iyá aixɨ reukukaitɨ yu kie meta hapaɨna niwemama me hei 'enietɨ aixɨ iyari me ixeiyatɨ. ⁵ Xɨkate xewitɨ uki ka heixeiyani kentiuyarɨni yu kie, ¿Kakaɨyari teyupanie ke ti ɨwiyata? ⁶ Keke sasuni tita 'erieme kwa hɨkɨtɨni, kataku hauyu ɨtɨ ayani meta tɨkakame hapaɨ ranyayani. ⁷ Hapaɨna Iya aixɨ ti xeiyarietɨ kehate Kakaɨyari niukieya me kwa akumate wa hepaɨsta, kataku nanaimarietɨ ti 'uximayaka meta kataku tɨkakame etihɨani tatakuri tiyupitɨame. ⁸ Teyupanie te 'uxima'yatame ta, ya xeikɨa me te kahutɨ, aixɨ mete xeiyarietɨ, heitserie me utiniutɨ. Winu me ka ye'etɨ, hapaɨna me ka hauyuxeiyakutɨ pini waɨkawa mete hexeiyatɨ. ⁹ Aixɨ mete yu kuhɨawetɨ sasuni mete erietɨ aku Kakaɨyari niukieya ke aneme te mu xeiyastɨarie. ¹⁰ Me anayahapanieme me yɨwekɨ mete ta 'uximayata, 'umaniere keta mete ta' uximayata tsiti 'ane wa hetsie kwa yu kanieritɨakɨ. ¹¹ 'Ukarawetsixi ta, ya xeikɨa hapaɨna, aixɨ mete 'u 'iyaritɨ. Wawiyarika kawa ra kanaketɨ. Ya mete kahutɨ ka antiyakamekɨ, Kakaɨyari kenti nɨ'a ya mete ka hutɨ. ¹² 'Ukitsi ta teyupanie me te uximaya yu xexuitɨ yu xexuime ukarawetsixi me ware xeiyatɨ. Yu tɨriyama wa matɨa aixɨ mete haukutetɨ meta hapaɨna yu kie. ¹³ Kehate haixɨ mete uximayakɨ aixɨ mete xeiyarie meta wa hatsɨa hipatɨ yu niuki me wapitɨa tita sasuni tete 'uta'erikɨ, aku Cristo Jesus tsie sasuni tete 'eriekɨ. ¹⁴ Ikɨ ekɨ ya ne meti ku'utɨuiriwa meta ne pauta 'ikwewa kwitɨ ne metsi xeiyakɨ. ¹⁵ Xɨkate kwitɨ neka heta'ani, ne mara utsiriwa pe ra kumaikakɨ ke hapaɨ hatikamienikeyu Kakaɨyari kitana, aku Kakaɨyari mayaniere teyupanieya hɨkɨtsie, tetexi matɨari maukatei meta niuki aixɨ manyɨne kitsaraɨya . ¹⁶ Xewitɨ kwa yɨwe mutayɨni kename ka ti sasuni kename nenimayatsika waɨkawa xuawe : ''Iyá puyu hekɨataxɨ wai hapaɨ anetɨ, pɨ putayɨ Espíritu kename Mɨkɨ hɨkɨtɨkai, akeritsixi me pixei, kiekari manmanetɨkatsie puyutamari, naitsarie yu waɨkawa hetsiena sasuni mete'uta 'eri meta Kakaɨyari Yauya ta heima pei witɨ tɨrɨkaɨyemekɨ.''