¹ Jesu wangena esikebheni, wewelela ngesheya, wangena edolobheni lakubo. ² Baletsa kuye umuntfu lobefake luhlangotsi alaliswe eluhlakeni. Nakabona kukhlwa kwabo, Jesu watsi kulobekafe luhlangotsi, ''Ndvodzana mani sibindzi. Tono takho titsetselelwe." ³ Letinye tati temtsetfo takhuluma todvwana tatsi, lomuntfu uyahlambalata.'' ⁴ Jesu ayati imicabango yabo, watsi, ''Yini nicabange lokubi etinhlitiyweni tenu? ⁵ Ngukuphi lokulula ekutseni, 'Tono takho titsetselelwe, nasekutseni, 'Sukuma uhambe'? ⁶ Ngitanikhombisa ke kutsi iNdvodzana yeMuntfu inemandla ekutsetselela tono emhlabeni.''Wase utsi kulobekafe luhlangotsi, sukuma, tsatsa luhlaka lwakho, uhambe ubuyele ekhaya.'' ⁷ Wasukuma, wahamba, waya ekhayalakhe. ⁸ Bantfu batsi kube bakubone loko, betfuka badvumisa Nkulunkulu lonika bantfu emandla lanjalo. ⁹ Jesu asengca lapho, wabona umuntfu, libito lakhe kunguMatewu, ahleti endzaweni yekutselisa, watsi kuye, ''Ngilandzele.'' Wasukuma wamlandzela. ¹⁰ Kwatsi Jesu asesendlini adla, batselisi labanyenti netoni letinyenti beta badla kanye naye nebafundzi bakhe. ¹¹ Bafarisi nababona loku, base batsi kubafundzi bakhe, ''Kwentiwa yini kutsi lomfundzisi wenu adle kanye nebatselisi netono?'' ¹² Jesu nakuva loko, wabaphendvula watsi ''Bantfu labaphilako abayidzingi inyama, kodvwa ngulabagulako kuphela labayidzingako. ¹³ Kepha hambani nifundze kutsi kusho kutsini kutsi ''Ngifuna sihawu, hayi umhlatjelo.' Ngobe angiketeli kubita labalungile kepha toni.'' ¹⁴ Kusenjalo kwefika bafundzi baJohane uMbhabhatisi kuJesu batsi, ''Kwentiwa yini kuts tsine nebaFarisi sizile, kepha bafundzi bakho bangazili?'' ¹⁵ Jesu watsi kubo, ''Likhetfo lingakhala yini umkhwenyane asenalo? Kodvwa kutawufika sikhatsi lapho umkhwenyane atawususwa kulo, kube ngukhona ke litawuzila. ¹⁶ ''Kute umuntfu lochubela ingubo lendzala ngesichibi lesisha, ngobe lesichubi sitayidzabula lengubo sente imbobo lenkhulu. ¹⁷ Kute longatsela liwayini lelisha kuso sikhumba sikhwama lesidzala, ngobe nakenta njalo lesikhumba sikhwama singapumuka, kucitseke leliwayini. Esikhundleni saloko, liwayini lelisha litselwa kuso skhumba sikhwama lesisha, kute kutsi lokubili kuphatsane kahle.'' ¹⁸ Watsi jesu asakhuluma loko, kwefika umphatsi welisinagogi, waguca embikwakhe watsi ''Indlovukati yami itsandza kufa nyalo, kodvwa kota ubeke sandla sakho etukwayo, itawuphila!'' ¹⁹ Jesu wasukuma wamlandzela, kanye nebafundzi bakhe. ²⁰ Bekulhona umfati lotsite, labenesifo sekopha, sesimugulise iminyaka lelishumi nakubili. Weta ngemva kwaJesu, watsintsa umphetfo wengubo yakhe. ²¹ Ngobe abecabanga atsi, ''Nangingamane nje ngitsintse umphetfo, wengubo yakhe ngitawusindza.'' ²² Kodvwa Jesu wagucuka wambuka watsi, ''Mani sibindz ndlovukagti, kukholwa kwakho kukuphilisile.'' Kusukela kuleso sikhatsi lomfati waphila. ²³ Kwatsi Jesu asefikile endlini yalomphatsi watsi, abona bashayi bemintjingozi nesicuku lesijokotelako, ²⁴ Watsi, ''Phumani nonkhe, lesidzandzane asikafi silele.'' Bamane bamuhleka bulima. ²⁵ Nasebakhishiwe bonkhe bantfu, Jesu wangena wasibamba ngesandla, sidzandzane savuka. ²⁶ Lendzaba yandza nalo lonkhe lelo livi. ²⁷ Jesu asendlula lapho, timphumphutse letimbili tamlandzela, timemeta titsi, '' Ndvodzana yaDavide! sihawukele!'' ²⁸ Watsi kube Jesu angene endlini letimphumphutse teta kuye, watsi kuto, ''Niyakholwa yini kutsi ngingakwenta loku?'' Taphendvula tsatsi, ''Yebo, Nkhosi.' ²⁹ Jesu watsinta emehlo ato watsi, ''Akwenteke kini njengekukholwa kwenu!'' ³⁰ Ase ayavuleka emehlo ato. Jesu watiyalisisa, ''Ningatjelimuntfu ngaloku.'' ³¹ Kepha taphuma lapho, takhuluma ngaye kulo lonkhe lelo live. ³² Batsi baphuma nje, kwabekungeniswa lenye indvodza leyayisimungulu inelidimoni. ³³ Latsi kube likhishwe lelidimoni, lendvodza yase iyakhuluma. Bantfu bonkhe bamangala bate batsi, ''Akuzange sekubonwe lokunje kaIsrayeli!'' ³⁴ Kepha bafarisi batsi, ''Ukhipha emadimoni ngembusi wemadimoni.'' ³⁵ Jesu wahamba ajikeleta emadolobheni nasemitini. Abehamba afundzisa eMasinagogeni abo, ashumayela livangeli lembuso, aphilisa nebantfu etifeni tabo tonkhe nasemikhuhlaneni letinhlobonhlobo. ³⁶ Nabona ticumbi tebantfu inhlitiyo yakhe yagcwala sihawu, ngobe bebakhatsatekile bahlakatekile, banjenge timvu letite umelusi. ³⁷ Ngako wase utsi kubafundzi bakhe, ''Kuvuna kukhulu, kodvwa tisebenti timbalwa. ³⁸ Ngako ke ncusani eNkhosini yekuvuna itfumele tisebenti ekuvuneni kwayo.''